في قلبي ستضل

جزء 8

و راحت ساره على دوام و اجى رياض هلو
ساره: هلوات
رياض : اي
ساره : اي شنو اي
رياض : شلونج اخبارج شراح يصير
ساره : انتظر علما ابويا يسال عليك
رياض : اوك عادي ننتظر هو اليريد جوهره لازم ينتظر 
ساره خجلت ان شاء الله يوافق
رياض: اكيد راح يوافق لان اخلاقي حلوه واهم شي احبج و حلو  بس اكولج شغله من زمان ما شايفج هيجي  حلوه و مرتاحه
ساره: ضحكت ليش اني مو حلوه
رياض: لا بس يعني متغيره
اجتي ريم من وراء اي ليش ما تدري البنت من تنخطب اصير اتخبل
رياض: هااا و اني اكول
ريم : الف مبروك الله يتممها على خير
رياض : ان شاء الله غير ابوها يردنا الجواب
ريم: لا تستعجل ساره ما راح اطير يلا اني اروح ساره انتظرج بالشعبه
ساره : اوكي
رياض : اي اخاف اطيرين
ساره: ديلا عاد هو كم يوم وتسمع الرد
رياض : بس اني اريد اسمع الرد منج
ساره: انتظر
رياض: ما انتظر هسا اسمعه
ساره كامت مشت اي موافقه
رياض: الله الله على خجولها مع سلامه باجر اشوفج
ساره : مع سلامه يا احلى رياض مغرور
رياض : لا هينا واكفه عيديها يعني اني ما حلو
ساره : شنو لا اني دكولك احلى رياض بس مغرور 
رياض : مادري عيدي اخر جمله
ساره : مع سلامه ياحلى رياض
رياض اي هو هذا الكلام الحلو بس مغرور لا بس حتى اخليج تحجين لان ما تحجين   . و رجعت للبيت ها يابه شصار الاب : و الله اليوم تعبان ما سألت خليها على باجر و التقى يوم الثاني رياض بساره و ضل يسولفون و يضحكون و يدرس ساره كم شغله و اجى فدا طالب ساره باجر عدنا امتحان ما
ساره اي و حجت معا كم شغله
رياض : هذا منو
ساره : طالب بالشعبه زميل
رياض: ها زميل و ليش يسالج ماكو غيرج
ساره: ها بدأت الغيره
رياض : لا مو قصة غيره بس ...
ساره: ماتت ضحك اوك افتهمتك
رياض : و شنو الفتهمتي
ساره : و لا شي . بس طلعت عصبي
رياض: لا مو عصبي بس ضوجني
ساره و هي دتضحك حقك تعصب و اضوج لأني حلوه
رياض: ها منو المغرور
ساره: غير تعلمت من عندك . يلا لازم اروح مع سلامه
رياض : مع سلا         
رجع رياض على بيت و ضل يفكر اني جان لازم اكول لساره اني مسيحي لا يمعود ماكو فرق يعني ساره اذا درت ما راح تحبني . اني اليهمني ما اخسرها و ضل يدعي يا يسوع ساعدني انطيني القوه يا يسوع ساعدني حتى الشغله اتصير و دخلت امه .
ها رياض ليش هيجي متوتر
لا يمه ماكو شي بس شويا خايف
ام رياض : اتحبها
رياض: اي يمه احبها و ماكدر اعيش بدونها الا اذا متت.
ام رياض : لا يا ابني لا دكول هيجي و ضل ادعي لان ادري سالفتك صعبه بس مادري ليش انت اتشوفه سهله .
رياض: يمه لا تخوفيني
امه : لا يمه ما اخوفك اني هم ادعيلك اتشوف السعاده دائما
رياض: يسلمو يا احلى ام
و راح ابو ساره و سال عن رياض و الكل مدح بي و كالوا رياض ولد حباب و انسان يساعد الكل و يحب الخير و دائما الأحد يروح للكنيسه يصلي اهناك
ابو ساره : شنو كنيسه ليش يعني هو مسيحي
كالوا اي مسيحي . و مشى ابو ساره و رجع للبيت     و انصدم و اجى على بيت عصبي و صاح ساره و امها اجتي خير شنو صاير شي و الاب اكولج وين ساره
ساره: ها يابا خير
الاب : ها هي خلص كلشي و خابرو العائله و كولوا ماكو نصيب
ساره: بس بابا ليش .
الاب: هاي العيزه ازوج بنتي واحد مسيحي
ساره: شنو مسيحي رياض مسيحي
الاب : اي مسيحي و اني اكول ليش الام بلا حجاب بس ما توقعت هيجي
ركضت ساره على غرفه و تبجي ليش رياض ما كال كولشي ليش هو ما شافني لابسه حجاب ليش و تبجي بس طلبت من امها ما تخابر و دكول القرار لعائلتهم و تنتظر اشويا
وراحت يوم الثاني للكليه و عيونها ورام من البجي و تعبانه
شافها رياض : هلو ساره
ساره : ساكته
رياض : انتي راح اصيرين خطيبتي ليش ساكته
ساره : عيونها دمعة  و كالت خطيبتك ؟ ليش خطيبتك
رياض : شنو قصدج
ساره : انت مسيحي و ما كلتلي ليش خليتني احبك و انت تدري هذا الحب مستحيل ليش علقتني بيك ليش رياض ليش.  ابويا عرف انت مسيحي و تعصب
رياض: ليش شنو المشكله واذا مسيحي نحن عادي عدنا
ساره: بس نحن لا نحن مسلمين والإسلام يحرم هذا الشي
رياض: ما عبالي اكو اختلاف بين الأديان اني كلت ...
ساره: صح نحن نحترم الدين  المسيحيه ونحبك و عدنا بدين الإسلام يصير الولد يزوج مسيحيه و يهوديه بس البنت لا .
رياض : يعني هسا شلون يعني ما راح توافقون
ساره : اي شي اكيد ما راح يوافق ابويا  رفضك و ما يكدر يسوي شي اذا وافق اعمامي والكل راح يدخلون ما راح يخلون هذا الشي يصير و هو ما راح  يكدر  يرد عليهم لان هذا مكتوب بالقران و ما نكدر نغير شي  .
رياض : ساره اني احبج و اريدج و مستعد اسوي كلشي لخاطرج و خاطر عيونج
ساره : الحب ما يكفي بالنهايه نحن بهذا الحياة ونحتاج اشياء أكثر من الحب حتى تستمر .
رياض: ساره اذا انتي اتحبيني و توافقين راح اسوي المتسحيل لخاطرج راح اعاند اهلي .
ساره : اني بنيه بسيطه و ما ريد المشاكل و لا الفضايح  اني حبي الك ما بي نهايه بس ايدي ما تكدر تمتد الك .    
 
             
 خ