في قلبي ستضل

جزء 9

ايدي مقيد و هي تحجي و دموعها تنزل . مادري ليش حبنا صار صعب ومستحيل ليش رياض كولي ليش الناس اتحب و  تزوج الشخص التحبه  الا نحن كل المشاكل و العقبات صارات بينا
 رياض: يمكن لان حبنا صادق ساره اني اول ماشفتج حبيتج  و كلت راح ازوج هاي البنيه ماكو غيره الجذبني الج ان انتي   هادى و مسكينه . و من انخطبتي انقهرت بس من رجعتي كلت ما راح اتخل عنج ابد . و ما مستعد هسا اتخل عنج ساره اني غير الموت ما يفرقنا ساره ماريد واحد يودع الثاني ونحن هسا بدأت  قصتنا .
ساره : مشت و دموعها على خدها
رياض : ساره وين
ساره : رياض اذا هاي الحياة ما قبلت تجمعنا اتمنى الموت يجمعنا
رياض : من شاف ساره تبجي راد يصيح بأعلى صوته و انقهر حيل بس عرف ان مستحيل يتزوجون من دموع ساره آمبين و ما راد يسويا مشاكل الها و ياذيها لان يعرف ساره صاح ساره و كفت و بصوت ناصي ها رياض يكفي تعبت لا تحجي بعد
رياض: ساره اسمعيني هذا اخر كلام اكلج يا و بعد ما راح تشوفيني
ساره: بعيد البلاء
رياض : ساره صح نحن بعد ما نلتقي و ماريد اودعج بس اريد شغله وحده منج ساره كوني سعيده بحياتج و راح ادعيلج ما تشوفين يوم حزين و لا  يجي يوم تبجين
ساره : سعادتي جانات معاك و انت بيها و اذا انت ما بيها راح أعتبر كل ايامي حزن
رياض : ماريد ادكولين هيجي ساره انتي حبيبتي و اني اذا شفتج سعيده هذا يكفيني و هذا هو سعادتي و ما راح امشي اذا ما توعديني راح اتحاولين تكونين سعيده حاولي ساره حاولي
ساره : ما اضمنلك بس راح احاول و انت هم تستحق ابنيه تسعدك
رياض : لا ها هي مستحيل راح ازوج و راح اضل انتظرج الا يجي يوم و نلتقي و نكون لبعض و نعيش بيت و نكون اسره سعيده و مشى رياض وعلى عيونه الف دمعه
و ساره هم مشت بدون ما تنطق كلمه  الى ان وصلت البيت
شافتها امها ها ساره حبيبتي ليش تعبانه
ساره: انتهاء كلشي قبل لا يبدي.
امها: هيجي احسن ساره و انتي ابنيه عاقلها و اعرفج و اعرف ما سوين شي غلط .
ساره : اي يوم اي ما سوي و هو هذا خلاني ضعيفه و خلاني اتحمل مصاعب هاي الدنيه و الكل اتخلى عني و لأني انسان ضعيف دائما المشاكل فوك  راسي.
امها: ساره انتي وحيدتي و لا ظنين انتي ضعيف انتي بهاي الخطوه السويتيها اليوم اثبتي ان انتي اقوى انسان و اني مستحيل استغني عنج . و حضنتها ومسحت ادموعها بس ساره تعبت يومي اتشوف رياض بالكليه و بس اسلم على بدون ان تنطق كلمه ثانيه و يشوفها رياض يوم عن يوم ساره تضعف مثل الورده التبذل
وجان دتمتحن اخر السنه و فدا يوم رجعت على بيت و تعبانه نامت و كعدت العصر اجى ابوها على بيت كال ساره باجر ماكو دوم
ساره: ليش
يكولون منع تجوال
ساره: ها يعني راح يتاجل الامتحان خلي اخابر ريم
ريم : الو ساره شلونج
ساره: حمد لله ريم حبي يمكن باجر عطله
ريم : ليش
ساره : مادري يكولون منع تجوال
ريم : اووو هسا وكت منع تجوال انريد انكمل
ساره : اي و الله يلا اني راح اقراء بلكي ما يتاجل
ريم : اي اني هم والصباح رباح
و صار يوم الثاني مددو منع تجوال و يوم الثالث كذلك
و بليل نايمين و فجاء اندك الباب طلع ابو ساره و جان واحد صديق ابوها اجى و ضل يحجي معا تقريبا ساعه 1 جان
و كل البيت نايمين دخل ابوه ساره و كعد الكل ووكال كوموا الجيش انسحب و داعش دخل ساره انصدمت و اخونها الاصغار كاموا و اخذو شباب المنطقه أسلحتهم و صعدو السطح و كال لاهله بيت يحظرون الجنطه و فعلا ساره تقراء قرآن و امها و يبجون و ما صدكين و اجتي جدتها و نجمعوا العمام كلهم بيت واحد و الشباب واكفين برا و فوك السطوح ساره خابرت ريم
ساره: الو ريم ها كوليلي وين وصلوا داعش و من صدك ما ضل احد من الجيش
ريم : مادري وين وصلوا بس بعدهم ما واصلين مناطقنا و بالنسبه للجيش مادري يكولون ما ضل احد
ساره: ريم شلون الجيش يعوفنا شلون
ريم : و الله مادري ليش صار هيجي مو البارحه جان ماكو شي .
ساره: اي و الله ما جان اكو شي واني دا ادرس انتظر ينفتح منع تجوال حتى نمتحن . ريم اني خايفه اذا دخلوا مناطقنا و نحن ولدنا كم واحد اذا كتلوهم نحن شيصير بينا
ريم: الله لا يجعل ان شاء الله ماكو شي أقري قرآن ساره لا تفكرين هيجي ان شاء الله هسا الحكومه تسمع و ادزلنا جيش و ينقذونا ماعتقد راح يضل الوضع هيجي
ساره : و الله داقراء بس ريم اذا صرنا بيد داعش ووالله اكتل نفسي
ريم : لا ساره حرام و ادعي ما يصير شي
ساره : ان شاء الله
و انفتح طريق على اربيل اجى عمى ساره الكبير يلا امشي نروح على اربيل يلا . ساره وين نروح عمو وين انعوف كلشي
عمها: اي ساره لعدا انخليكم بيد داعش انتي و بنات عمج هو كم يوم راح نرجع ما راح يضل الوضع هيجي يلا كل واحد يشيل جنطه و يخلي الغرض النحتاجه و بس و اهم شي جوازات و الهويات و فعلا طلعوا على أمل راح يرجعون بعد كم يوم و ضلوا باربيل و ساره رادا تعرف وين صارو بيت رياض  . و فعلا خابرت رياض
ساره : الو رياض وينك
رياض : طلعنا الحمدلله لا تخافين ما بينا شي
ساره: الحمدلله جنت خايفه