رياض : تدرين اكو سالفه ما كتلج على
ساره: شنو بس لا مزوج
رياض: صدك ضحكتيني يعني طلعتي فدا غياره لا بس ردت اكولج على سالفه انت عدكم امام جان يساعد الايتام و يحب الفقره فدا يوم قريت كتاب عنه
ساره: كل المعصومين يحبون الفقره و الايتام اي واحد قصدك
رياض: اني اقصد هذا الشلع باب خيبر
ساره: اي شبي
رياض: احبه من قريت عنه حبيت هذا الإمام .ساره اني احب انسان يكون شجاعه و يدافع عن الحق و هسا اني من أقاتل دائما اذكر اسمه احس اسمه بي هيبه و كل ما اذكر اسمه احس يصير عندي قوه مو طبيعيه
ساره و هي تسمعه صارت تبجي رياض انت انسان حنون ووشجاعه و مومن انت شنو . اول مره اسمع واحد يمدح شخص ما يعرف شي عن و بس قاري كتاب واحد و احسك من هذا الكتاب كلشي عرفت عن فعلا هو هيجي الإمام على جان اشجع واحد بالقتل و النبي محمد (ص) مره كال * علي مع الحق و الحق مع علي اينما دار علي دار الحق معه*
رياض: الله شنو هذا القول ساره لو تدرين شكدا اتمنى استشهدا ساره لا تنسين تدعيلي يمه هذا الإمام لان طلعت بالانترنيت و عرفت عند قبر بالنجف اذا زرتي ادعيلي يكون اشوفه من اموت
ساره : ان شاء الله رياض اكو شخص مثلك مسيحي اسمه وهب و قاتل مع ابن الإمام علي ضد الظلم بهذاك الزمان و انت هسا تقاتل ضد ظلم هذا الزمان
رياض: انياله لان نال شرف الاستشهاد مع ابن الامام علي اتمنى لو جان الإمام علي عدنا ولد الى هسا جان قاتلت مع لان اكيد ما جان يرض بهذا الظلم الصار مثل ابو
ساره: اي اكو عند حفيد الإمام علي (ع) الى هسا عايش الإمام المهدي بس غايب و ما يظهر الى ان يسود الظلم و يجي ينقذ الناس
رياض: يا ريت أقاتل معه
ساره: هسا هو اكيد يشوفك ان شاء الله اتكون معا
رياض : ان شاء الله ووالله يا ريت الحياة انطتنى فرصه جان كعدنا وتناقشنا و سولفنا اكو اشياء أكثر اريد احجيها معاج .
ساره : ان شاءالله بالمستقبل كلش احجيلك و انت كلشي تحجيلي راح يومي ادعيلك ترجع بسلامه
رياض : لا تنسيني اذا متت ازوجي و عيشي حياتج اوعديني
ساره : ما راح ارفضلك هذا الطلب لان ادري راح ترجع اوك وعد مني الك و صارت تبجي
رياض: لا تبجين يكفي بجي اريد اسمع صوت ضحكتج قبل لا انهي المكالمه . لهذا راح اكلج نكته و فعلا سمع ضحكت ساره لآخره مره .
ساره: يا رب من نرجع نلتقي مع سلامه انت نص الثاني المستحيل انساه
رياض : مع سلامه
و ضلت ساره الليل كلها اتصلي و تقراء و على فجر حست اكو شي فجاء كامت تبجي بدون وعي إذن الفجر صلت و امها صلت و فجاء من البجي غمه عليها
اخذوها للمستشفى و هي د تدخل على مستشفى اجتي سيارة الاسعاف و تنقل المصابين . و ساره بس دباوع و تنقهر عليهم اول مره تشوف هيجي و ناس جرحه و جثث الشهداء
كعدت ساره بالمستشفى و راحت لغرفة الدكتوره اجت الدكتوره كالت انتي صاير عندج ضعف بالمناعه لازم تاكلين مو زين عليج هيجي و لا تبجين مو زين عليج القهر
ساره: حاضر دكتوره ان شاء الله راح اخذ الادويه
و هي بس تسمع صوت سيارة الاسعاف ووتشوف الجرحه و انقهرت حيل و اذكرت رياض
و فجاء و هي دتطلع من المستشفى شافت رياض متمدد على سديه و عيونه مغمضه و وجهه كلها جروح و صاحت يمه ما رياض . هذا رياض و تصرخ ووتبجي و ركضت على و حضنته كوم رياض اشبيك كوم ليش انت اهنا انت مو كلت اني على ساتر . رياض كوم الله يخليك لا تروح و تعوفني اني بعدك ماكدر اعيش ليش هيجي اسوي بيا يا امام علي ساعده دخيلك يا علي هذا يحبك صح مسيحي بس يحبك تبجي بدون وعي و تحجي و دكتوره ا نقهرت عليها و اجتي امها ساره حبيبتي كومي .
ساره : يمه هذا مو رياض ما اني داتخيل ما
ام ساره: و الله مادري بنتي شوفي وجه مجرح يمكن ما هو
ساره : يمه هذا هو يمه ليش ليش هيجي و غمه عليها اخذوها و دخلوها غرفه و انطوها مهدائات حتى تنام فتره و خابرو أهل رياض و اجوي و صحت ساره بعد ساعتين و كامت تبجي الحب و رادت تشوفها قبل لا يدفنه اخر مره و من شافت نايم على سديه و وجه يضحك حضنته و كلتلها هاي مو الوداع لان نحن بينا ماكو وداع و صارت كل فتره تروح على قبره تبجي و تغيرت حالتها بعد ما تاكل و لا تشرب و صارت ساره كن شخص ميت امها ووابوها انقهرو على حاله و حاولوا ايساعدوها و يطلعوها من هذا الجو . امها: يمه ساره حبيبتي رياض هسا يشوفج ينقهر و هو راح مكان احسن من اهنا يكفي يمه
ساره: يمه تدرين رياض كال اني خابرتج حتى اودعج و اني ما صدكته يمه كلي اني احب امام علي يمه هو انسان محب
الام: ادري يمه هو هسا يم ارحم الراحمين و يم امام علي نامي يمه نامي حبيبتي .
أنت تقرأ
في قلبي ستضل
Romanceالقصه تتحدث عن شخصين احب بعض رغم انهما من دينين مختلفين . و كيف يضل حب الوطن اغلى من كل حب .
