#فصليه_ملوك

7

#فصليه_ملوك
#الجزء7
#بقلمي
ام آيه
#كروب_اماسي_الليل

مصطفى:جنت داكلب بالتلفون ومن فاتت عسل تعدلت وكمت ،تعالي انتي نامي على الجربايه واني افرش بالكاع
عسل:لامصطفى عادي اني انام بالكاع
مصطفى:اكو اميره وبنت ملوك تنام بالكاع ،ميصير اني متعلم على نومه الكاع..
عسل:خجلني وضوجني بحجايته ومااعرف ليش دائما ينبهني للواقع ويحسسني اكو فرق طبقي بيني وبينه..
مصطفى:دائماا اذكر كدامها الواقع والفرق بينه حتى لتنجرف مشاعرها من وره قلبها وبعدين تحس بالندم..
فرش فراش بالكاع وبقى يكلب بتلفونه ..
واني مدده على الجربايه وهم دالعب بتلفوني(بالمناسبه مصطفى من اول يوم سمحلي احجي ويا امي واكوللها على الاتفاق بس بشرط امي وحدها الي تعرف لان اذا يوصل  الحجي للزلم راح ابقى بذمته وميطلكني)..
عسل:ليش حجيت كدام جنات هيج وكذبت عليها بموضوع زوجنا وادري هذا الشي بمو مصلحتكم لان راح تبعد عنك،وبعد طلاكنه راح تصير بصعوبه ترجعلها
#اماسي_الليل
مصطفى :متهمني جنات لان مو نفس تفكيري واكتشفت هالشي عن قريب ،وحتى وره مااعوفج يستحيل افكر بيها كزوجه الي..
عسل:مااعرف ليش فرحت وكلبي طار من الفرحه معقوله اني داغار عليه ،ياربي رسيني..
دك تلفون مصطفى وجاب
مصطفى:هلو محمود شلونك ..اني الاشوق..ان شاءالله ..تسلم بارك الله بيك ماقصرت..في امان الله...
مصطفى وره الاتصال حسيته ضاج وبقى ساكت ويكلب بتلفونه..
عسل : حسيتك انزعجت من الاتصال
مصطفى:خلصت اجازتي والمدير رفض يمددها ولازم باجر اروح حتى عكبه اداوم ،واني شايل هم شلون اعوف اهلي وبكلبي (اعوفج)وهمه بحاجتي..
عسل:رأسآ حسيت نفسي مخنوكه وكتله شكد تطول
مصطفى:احتمال اسبوع واجي جمعه وسبت
كعدت الصبح ورحت حجزت لخالتي على طياره باجر ورجعت لملمت غراضي والفجر اطلع للناصريه حتى الحك بدايه الداوم بالمستشفى...
مصطفى:اني وعسل بالغرفه وثنينا وجهنا ميتفسر وخايفين لنخل بالاتفاق ،بس اني قطعت عهد على نفسي لازم اعوفها وره 30 يوم لان مااجبر البنيه عليه وعلى عيشتي وادري بنفسي بديت احبها واتعلق بيها وراح ابقى عمري كله اداوي جروحي بسبب حبها.
طلعت فلوس من الكنتور وديت لاامي كتلها هذا مصرف اتصرفوا بي منا الما اجي،ورجعت للغرفه طلعت مبلغ 200 الف ونطيته لعسل
مصطفى:ادري هذا مو كد المقام بس هذا بقي جوه ايدج خاف تحتاجين شي بغيابي..
شكرا مصطفى اني ممحتاجه كلشي وعندي الي يكفيني وزايد ..
منيلج انتي صار 10 ايام يمي واني مناطيج فلس
عسل:رحت للكنتور وجبت الفلوس الي نطتنياها امي 15 ورقه و3 ملاوي ،هاي امي نطتنياها علمود مااحتاج شي...
مصطفى:صدك انقهرت من شفت الفلوس والذهب،وذكرتها بالواقع الي لازم متنسا..لان انتو ملوك فاامج تصورت راح اجوعج مو ..يبنت الناس رجعي ذهبج وفلوسج لمكانها ومن تروحين بعد 20 يوم اخذيهن لااهلج،ومادام انتي على ذمتي تصرفين من تعبي وهاي 200 تصرفين بيها منا الما اجي..
عسل: يوم بعد يوم كام يكبر بعيني بتصرفاته ومواقفه ،جاوبته حاضر ..
الليل كله منمنا بس ندكلب واثنينا عدنا كلام .بس واحد يكابر على الثاني
هو يرفض يعترفلي ويضن الفارق الطبقي يهدم سعادتنه..
واني ساكته واريد اكسر غروره واتمنى يصارحني،ومستعده اقضي عمري وياا على الحصيره..
صلينا الفجر وسلم عليه وطلع وبقت بس عيونه تحجي ...
مصطفى :من دااطلع حسيت عيونها مدمعه وبيها حجي ورجليا مشيتني بس كلبي يريد يرجعلها،لازم اتعود ،هي بقت ايام وكلمن يروح لحال سبيله
عسل:ودعته وجانت العبره لازمتني وكوه خانكه نفسي ولا اراديا دخلت للغرفه وبقيت ابجي ونمت ومحسيت الاعلى دكه خالتي دتدك بالباب
خاله:يمه عسل تره مصطفى خابر وصل ويسلم عليج
الحمدلله خاله ،الله يسلمج ان شاءالله..
بنفس اليوم راحت جنات المكروها وامها وارتاحيت.
مصطفى:ظليت ضايج وحاير لازم انقل للبصره وبقيت اسبوع بس اركض ومخليت واسطات والحمدلله دكتور بصحه البصره طلع استاذي جان يدرسني وكلش يحبني لان جنت متفوق على دفعتي وحجيتله وضعيتي والي صار باابويه وانوا مبقى معيل لاامي واخويه الصغير بس اني..
سهلي الامر وكمل اجراءات نقلي وبدايه الاسبوع راح اداوم بمستشفى البصره...
عسل:مر عليه اسبوع روحي طلعت بي مجنت اتصور اني حبيت مصطفى وتعلقت بي لهالدرجه،خاله جانت حبابه حيل ويايه ونوفل فطير ويونس وجان يحاول يضحكني ،
حتى كمت اتعمد اتذكر سيف علمود اشوف نفسي واختبر مشاعري ،بس شفت عقلي وكياني يم مصطفى وسيف ماله وجود بذاكرتي...
اعد الايام واني انتظر الجمعه شوكت تجي..
كملنا عشه واندك الجرس طلع نوفل فتح الباب واني واكفه اغسل مواعين وصار مصطفى بوجهي لا اراديا ابتسمت ابتسامه عريضه وعيوني لمعت وكوه لزمت روحي خاف اروح احضنه..
مصطفى :من ذبني التكسي بالباب وفتحلي نوفولي حسيت رجليه ارتخت وكوه وصلت لباب المطبخ وشفت عسوله راد كلبي يكمز من مكانه ،سلمت عليها من بعيد ،وابتسمتلي صدقه لله شلون ابتسامه..
تلكتني امي وحضنتها حيل حتى اطفي بحضنها اشتياقي لعسل ..