سارة'سمعت صوت الهلاهل واحسة صوت عذاب لانسانة محطمة ما شافت من حياتة بس الالم والذل والعذاب ابتدأ من وافاة امي وابوية واني بعدهم تيتمت مشاعري وصرت مجرد خادمة عند اخواني وزوجاتهم
جنت اتوقع بيوم من الايام
راح يجي يوم حلو واحقق كل ما تتمنى نفسي
واحلامي بنضري جبيرة بس الواقع سهلة التحقق لكن هي بعيده عن التحقق بعدما تزوجت (حسام )
رجعت لملمت نفسي ودخلت للحمام والالم سيطر على روحي قبل جسمي '
طلعت من الحمام وتفاجأة بحسام يحضني وغمر راسي بصدرة
وهمس بأذني اني اسف والله احبج بس مو بيدي كل ما اتذكر الموقف اعصب واحس بلاهانة وما اسيطر على نفسي لان انتي سارة اهنتيني
"حسام"ارجوك اسمعني وتفهمني حسام اني عمري ما حسيت بحنان والامان بعد ما توفى بابا وماما وبعدة حبيت اعتمد على نفسي وحقق حلمي وانجح وخليت بالي فكرة ما ارتبط باي شخص خاصتا فترة الجامعة
بس انت ياحسام هواية لحيت وياية واجبرتني اتصرف هذا التصرف
وياك وصحيح اني غلطت واعترف بس انت
جرحت مشاعري واعتبرتني حيواني مو انسانة اله كرامة واحترام
فارجوك شيل الصار قبل من بالك حتى نعيش حياة مستقرة يتخللة الامان والحب'
حسام 'احاول انسى الصار قبل بس ما وعدج لان اني انسان ما ينس الاهانة بسهولة وحاجيتج قبل متناقضة
سارة ' مر شهر على زواجنة وحسام تصرفاتة مرات احس برومانسيتة وعطفة وحنيتة وياية ومرات احسة قاسي بتعاملة ويحسسني اني اقل من مستواه ومجرد خادمة تقضي متطلباتة
اما اهل حسام ابو انسان محترم ويقدرني ويوكف بصفي ضد حسام من يهيني كدامهم بس احس ام حسام هي المسيطرة على البيت وكلمتة هي التمشي على الرغم هي زينة وياية واني قايمة بلبيت كلة وحتى خوات حسام ما اخليهم يمدن اديهن بلشغل وحت ملابسهن اغسلهن وياية
و
زوجت علي اخو حسام احسة كلش متكبرة وتنضرلي بلعين الزغيرة على الرغم هية خريجة ثالث متوسط وتصير بنت عمهم بس هي مالة شغل بلبيت وحتى جهالة مرات تعوفهم وتروح للسوك لاهلهة للصالون وتبقيهم يمنة وعمتي ماتحاسبة لاعلى شغل ولا على طلعة وبس اني اذا اكعد متأخرة احسة تضوج وتثقل علي وجهة وعلى الرغم من هذا حبيتهم واعتبرتهم مثل اهلي وما اقصر بواجباتي اتجاهم وبيوم كانو متجمعين على الغدة واجة اتصال العمجتي من اختة عايشين بغير محافضة يريد يجون هية وبنتة لان عدهم اعمار بيتهم فرحبو بيهم
ورى يومين اجوي للبيت خالت حسام وهدى بنتة كالت عمتي حضريلهم غرفة الخطار ونظفية بعدة
راح اعرفكم على هدى ' عمره 22 سنة خريجة سادس اعدادي بيضة طولة وسط مو سمينة مليانة هدى' من اني اروح بلبيت خالتي ام حسام واني بعدني ثالث متوسط حبيت حسام وجنت دائما اتشاقة وياة ومن اجي الهم يطلعني ويوم عن يوم يزيد هذا الحب بداخلي وصرت اعشق تفاصلة بس عندي شعور هو مايحبني بس كلت يجي يوم ويحبنيواحاول قدر الامكان ابين حبي الة حتى لو بية جرائة
وبيوم سمعت زواج حسام تخبلت ماعرفت شسوي ودخلت بحالة نفسية
بديت احقد على زوجتة وقررت اخرب زواجهم مهما كان الثمن
سارة نظفت الغرفة وعطرتة وجهزة الغدة بعدما اجت خالت حسام وهدى سلمن علية بس حسيت سلامهم من خشمهن تحديدا هدى وتنضري نضرة غيرة
اجة حسام واستقبلتة وسلم عليهم واشوف هدى شبكت حسام وتكولة حسومي كلش مشتاقتلك اني زعلانة عليك ليش ما عزمتنة بعرسك
جاوبة هداوي عذريني والله على السريع صارت واني تعرفيني ما اكدر على زعلج جاوبتة حسومي اريد تعويض اريد تطلعني وتفرني كل بغداد
صار هدوي من عيوني بألجمعة حسبي حسابج
سارة' انصدمت من تصرفهم وخصوصا حسام اني زوجتة ما يعاملني هيج يم اهلة ولا طلعني ونسني بس الاخواني ويرجعني نفس اليوم
وبنفس الوقت ما بينتلة هذا شي
صبينة الاكل وهدى كعدت يم حسام والشقى والضحك بيناتهم واني ردت اكعد يمة مالكيت مكان كعدت يم نور اختة حتى ما صاحني
وراة بشوية رنا زوجت علي كالت سارة قري حسن عندة امتحان باجر ورى ما تخلصين عفية لان عندي طلعة العصر
جاوبتة اتدللي ام حسن
هدى كالت سارة شنو هم تعرف تدرس ليش شمخلصة
اني كلش ضجت بس جاوبتة اي عيني اني مخلصة تربية انكليزي
كالت عادي قابل شمخلصة دكتوراء
اني ضحكت هزيت ايد ورحت انضف المطبخ اشو وراة ما احس الا حسام
سحبني من ايدي وعيونة نار وكلي تعاليلي للغرفة
أنت تقرأ
مأساة فتاة
Romantizmليش ما تقبلون مو كافي تعبت ليش اتريدون تبقوني حتى حسام يتمتع باذيتي بس كافي خلاص قررت اتحرر من قيودكم
