وجُمع بينهُمَآ قصةه ! ..

ندى : آمي , طلبتج بس طلب آبي أشترك بمسابقهه هادفة وانسانية ..

آم فيصل : الي تريدينه حبيبتي , بس اهم شي لا يشغلك عن الجامعهه ..

ندى : لا تخافين يُمَا المسابقهه بتكون بجده هني يعني , وبتنتهي وقت تبدأ الاختبارات ..

آم فيصل : حاضر ي بنيتي ظني فيك مايخيب الله يرضى عليك ويحفظك من عين الحسد ..

ندى : تسلمي يآ أحلى ام بالكون ..

بعيداً في كندآ تحديداً العاصمة كانت العائلة متجمعة تتابع القنوات الدينية لفتهم اعلآن ..

آم فراس : الا خوش ي وليدي ماتبي تشارك بهالمسابقهه تفيدك ..

فراس : والجامعهه يما ؟ ..

آم فراس : تقدر تاخد اجازهه منهم

فراس : ماظن بتقبل يما وخصوصاً انه عارفة الجامعات الكندية شديدة شوية علينا ..

آم فراس : وه شكلك نسيت انه صاحب جامعتك يكون رفيج ابوك ولا ذاكرتك انطفت ..

فراس : مانسيت ولا شي , لكن بتتحملون تكاليف السفر ؟ ..

آم فراس : الا وبنتحمل مصاريفك بعد اهم شي تسوي حاجةه تفيدك بالمستقبل ..

قآم فراس وحب رآس امه وقآل

فراس : مايصير آلا الي بخاطرك , ي الحنونة

آم فراس : ماحنون غيرك , الله يحفظك بس , مالي احد بدنيتي الا انت وابوك سانديني وربي لا يحرمني منكم

فراس : آمين , بس المسابقهه لازم نستعجل شوي نحجز التذاكر وندبر الامور لانه بتبدأ بعد اسبوع ولازم تدريب ي يما

آم فراس : لا تخاف خلها علي , بكلم ابوك يشوف الموضوع وباكر ي فروسة يكون كل شي جاهز 

فراس : لسة تناديني فروسة والله اني مانيب ياهل كبرت كبرت , صار عمري 27 سنة مب ياههل !

آم فراس : علامك عصبت ماقلنا شيئ , يوه

.......

آعرفكم على ابطال قصتنا

فراس : رجال يعرف ربه , اجتماعي , دايم يقول الحق , وحيد امه وعنده اخت اسمها شهد , عمره 27 سنة , مواصفآته مززيونن ! حتى وهو لابس نظارة وحاطط تقويم ! ..

ندى : تحسها مستنسخةه من اميرة الطويل الي هي زوجةه الوليد بن طلال مدوخة شبآب الجامعه وشبآب الديرة بعد عمرها 25 سنةه هادية , وحلوة , عندها اخ واخت ليلى وفيصل متزوجين ومخلفين يهال

صحت ندى من صوت منبهه جوالها خشت الحمام (الله يكرمكم ) اخدت شور وخرجت لبست اللبس الطويل كالعادةه ماتحب تظهر تفاصيل جسمها هي مثل فرآس تعرف ربها ومرة متدينه وخوش بنية لبست حجابها المزخرف وخدت جنطتها وتوجهت لطريقها الي هو , الجامعهه