Kay Tagal Kitang Hinintay

Chapter 44

~*~

"Hahaha!"

Bigla akong natawa sa nakita ko.

"Saan ninyo nakuha ang picture ni Jasper at ginawa ninyong maskara?" Natatawa kong tanong sa kanila.

Ah Malamang sa Facebook.

Ang isa kong mag-aaral na lalaki ay nakasuot ng maskara na mukha ni Jasper!

"Ma'am! Pwede ko po ba kayong maisayaw?" Nagpaunlak ako sa kanya habang tawa ako ng tawa!

Pati ilang lalakeng estudyante ko ay inaya rin akong isayaw.

Well kahit papaano ay nasurprise nila ako.

Pagkauwi ko ng bahay ay natulog na ako agad para hindi na ako mag-imagine ng mga bagay bagay na dapat ay gagawin sana namin ni Jasper para ipagdiwang ang araw ng mga puso!
Lilipas rin ang February 14. Wahahahaha.

Isang Linggo na ang nakalipas at tapos na ang araw ng mga puso.

Sabi ko naman na lilipas rin iyon.

Cellphone na naman ang hawak ko at nakatutok sa pag-FB.

Nagbabakasakali na naman.

"Hi po ate!"

Himala nagmessage ang pinsan ni Jasper na si Apple.

Hindi naman kasi kami pa ganun kaclose dahil hindi pa kami nagkikita ng personal.

Gf kasi siya ng classmate ko dati at pinsan rin ng kapatid ni Jasper na naging classmate ko dati.

"Hi rin. Kamusta?"

"Ok naman po. Ito pauwi na ng Laguna." Taga Laguna rin kasi siya.

"kasama ko po si insan ngayon!"

Hala! Si Jasper kasama niya? Totoo ba ito? As in si Jasper papunta dito sa Laguna?

Bigla akong kinabahan sa balita niya.

"Talaga kasama mo si insan mo?" Hindi ko ipinahalatang nashocks ako.

Hindi rin niya alam status namin ni Jasper kaya nag-iingat ako sa mga binibitawan kong salita.

Apple sent a photo

Hala! Kasama nga niya si Jasper.

"Ayan po te Cassey, pictures namin ni insan Jasper dito sa jeep. Papunta na kami sa Sta.Rosa. Pasyal ka dito malapit lang naman ang Calamba ah!"

"Hahaha! Sige more picture pa. Stolen lang ha, baka mahuli ka na nagsesend ng pictures sa akin!"

"Sure po. Send ko mamaya ibang pictures"

"Okay sige bye na muna. Work na muna ulit ako." Pagpapaalam ko sa kanya dahil tapos na ang vacant ko.

Naging excited ang feelings dahil imagine magkalapit kami ni Jasper ngayon.

Pero huwag masyadong umasa baka kakaasa ay madagdagan ang sakit na nararamdaman!

Paalala ko sa puso kong pasaway.

"Hi Apple, hindi na nakapag-online kanina. Kauwi ko lang kaya ngayon lang nakapagcharge ng cellphone." Message ko kaagad sa kanya at makikibalita.

"Good evening po 'te. Nag-iihaw ng isda si insan dito."

Nagsend nga siya ng mga pictures. Mga stolen shot. Napansin ko na namayat ang Daddy ko!

"Hahaha Thanks sa mga pictures basta huwag ka pahuhuli ha."