زوجتــــــي والتابعـــــة

Untitled Part 13

  ☆زوجتي والتابعة☆
بقلمي السيدة العلوية
الجزء13
عادل: زهراء من تكملين ريوك ..سويلي جاي اني صاعد اصلح المولد ..
صعدت ووديت الجاي ..
:عادل..
(بابتسامه مافهمتها.شفت عادل ينظر لي) بادرته
:شكرا عادل ..
عادل: على شنو(جنت اعرف قصدها وردتها هي تسولف وتفتح قلبها الي )
زهراء بخجل: على كل شي!!
عادل : تدرين زهراء اريد اسولف وياج هواي واعرفج هواي بس..
زهراء: بس شنو..
عادل: انت البنت الوحيده اللي دخلت حياتي لهذا اريد تكون علاقتنا مو بس كزوج وزوجته
بابتسامه زهراء تجيب:لعد شلون؟؟
عادل: نصير اصدقاء وتكون اسرارنا وحده ..
زهراء: اني مااعندي بس صديقة وحده هواي اثق بيها .تعرفها انت شمس.

●□□●
بمجرد ماذكرت اسم شمس عرفت العلة وين وحسيت بروحي راح اتعصب وشكلي يفضحني وقت عصبيتي لهذا استعجلتها وقلت بابتسامه مصطنعة: اي يابة شعندج انتي تسولفين واني اصلح بالشمس ههههه يلة نزلي هسة ونكمل بعدين

زهراء: ههههه فعلا..
نزلت والتهيت وية خالتي وبديت اكمل امور البيت..
الام: يمه زهورة اليوم يجن خالاتج وعمة عادل تجي يمنه من البصرة تبات
زهراء: تدللين خالة هسة اكمل ترتيب البيت واجي اساعدج..
الام: لابنتي مو هذا قصدي ..قصدي من يجون ابد ماتكومين من يم عادل وشيكولج اسمعي ونفذي يمه ترى عادل حباب ويخاف الله والمره لازم تسمع كلام رجلها وتكون اسرارهم وكلامهم سوى ..
زهراء: مافهمت خالة قصدج؟؟
الام: حبيبتي اذا احد يسأل عن خصوصياتكم لاتجاوبين ولاتنطين حجاية عنج وعن رجلج!!
زهراء :حاضر خالة  

صعدت ارتب نفسي وجدا مرتبكة وكلام خالتي كلش أثر بية..وفجأة وشفت عادل
عادل: ها عيني ليش كاعده هنا..
زهراء: كملت ترتيب ويه خالة وصعدت اتحضر لان راح يجون خطار..
عادل: منو ان شاء الله ..هلا بيهم..
زهراء:بيت خالتي وبيت عمتك....عادل ماكملت
عادل:تعالي ..اكعدي خل اكملج..بدأت يسولف واني جنت جدا فرحانه اول مرة اتعرف على عادل وحيل تأثرت بكلامه..
كانت حياته عبارة عن شغل وامه وعلاقة وثيقة بالله وكان هالشي واضح مت اسلوبه ..الدين معاملة..

بعدالضهر بدأت ازمه جديده لكنها مهمة بحياتي

شمس وخالتي والكل اجو للبيت ..شمس صديقتي وايام الطفولة والقرابة ماجنت اتوقع ..
الام: هلة والله بأم حسام شلونج خية ..
العمة: هلة بيج ام عادل وينه عريسنا ..
عادل: حبيبتي وعمتي ليش مااجيتي البارحة..
العمة :تدري الطريق واني صحتي مو مثل قبل ويلة اجيت واطلبك تاخذني عود زيارة ..
واجتمعنا وبدأنا نتسامر الا ان بدأت شمس بالكلام
:شلونج زهورة ..شلون صرتي..
كانت خالتي ام عادل تحاول تلفت انتباه شمس بالسكوت لان العمه ماتعرف باللي صار ولان اكيد راح تغضب من زهراء
لكن شمس استمرت :الحمدلله ..اني زينة
شمس: لعد شبيج البارحة..
عادل(حسيت بزهراء ارتبكت وخافت):ماكو شي شمس
ام شمس:اكيد عليح نفس ..لازم تروحين للشيخ؟؟اخاف تابعة ..

●عادل●
كنت متوقع شمس راح تحجي شي يأذي زهراء لكن تابعة!! شنو ..معقول زهراء تثق بهيج امور؟؟ اعصابي صارت تغلي وماكدرت واعرف وجهي يفضحني بملامحي المتعصبة..