زوجتــــــي والتابعـــــة

Untitled Part 15

☆زوجتي والتابعة☆
بقلمي السيدة العلوية
الجزء 15
حبيت امزح وياها..خالتي تكول جنتي مخلصة اكلهم اخاف ترجعين وتخلصين مصرف البيت واني رجال فقير هههههه..
اول مرة اشوف ضحكتها وجانت حقيقية..
زهراء: لااا والله هاي مو اني ..هذا حسين اللي مخلص الثلاجه..
عادل : يلة نامي هسة والله كريم..
جدا حبيتها من ابتسمت وفرحت وتجاوبت وياي
صليت الفجر..وبقيت ادعي ربي يلهمني الحل والطريقة..
ان تخاف هذا شي طبيعي ..لكن ان اخلي خوفك يسيطر عليك ويفقدك يقينك بالقوي العظيم لاااا هذا الشي فعلا كارثه..مشاعر الانسان مثل السفينه ببحر متلاطم ..السفينه هي المشاعر سواء سلبية لو ايجابية .. لكن شعور عن شعور يختلف ..
شعورك بالرحمه جميل لو حتى كبر وكبر ..شعورك بحب متعلقيك وذويك هذا الحب النقي الخالص لله ..جميل حتى لو كبر وكبر..مشاعر ايجابية..لكن مكامن الظلمة والهلع والفزع والثقة باشياء بدون وعي وبدون تفكير منطقي وعقلائي لااا حينها تكون مشاعر سلبية تدمر وتهدم..

°•○بعد يومين○•°
عادل:زهورة عندي وياج سالفة تعالي برة بالحديقة وجيبلي وياج استكان الجاي..
زهراء: جبت الجاي وكعدت ..
عادل: ليش لابسة حجابج؟؟(اعرف الجواب لكن اريد افرح بيها واسمعها منها ..طعهمها مختلف)
زهراء: مو الحديقة واضحة واخاف احد من الجيران يشوفني ...
عادل: عفية بحبيبتي..
وجهها الخجلان وعيونها السعيده كان واضح بالنسبة لي(ردت اقربها الي وردت احسسها انه اني وياها بهالازمه)

عادل: زهراء كلامي وياج راح يختلف واريدج تفهمين مقصدي زين لان بداية لحل الازمة..

زهراء :حاضر..

كنت اكمش ضوء ووجهته على بقعة معينه بالحديقة..وسألت زهراء

:شنو اللي شفتيه هسة؟؟

زهراء بعد صمت:هذا المكان توضحت ملامحه ومحتوياته اكثر من غيره..

عادل: حبيت ذكائج..اذن ياحبيبتي الحديقة هي النفس البشرية والضوء هي ارادتنا احنه..

زهراء:الخاطري على كيف خل افتهم قصدك واستوعب ..

(تكول لخاطري ! اخيرا بدت زهراء تعرف معزتها وحبها اللي بداخلي )

بابتسامه جاوبتها: تدللين راح اوضحلج مقصدي..

زهراء شمس اللي سوته زرعت بدماغج فكره وخلت وساوس الشيطان تخليج تكبرين هاي الفكره وتسلطين عليها الضوء.

زهراء:يعني شنو عادل ماكو شي اسمه تابعة؟؟

عادل:بنتي افهميني!!

زهراء بدلع: حاضر بابا ههههه

عادل: التابعة هي القرين بدليل قول الله عزوجل(وقيضنا لهم قرناء فزينوا لهم مابين ايديهم وماخلفهم )°سورة فصلت25°

زهراء: يعني اني فعلا علية تابعة؟؟

عادل: منو الاقوى زهراء رب السموات والارض لو التابعة!!

زهراء :ربي اكيد..

عادل: حبيبتي التابعة شي صح موجود بداخلنا لكن بأيدنا نكبر هالاحساس او نخليه يصغر .انتي كبرتي فكره التابعة بدماغج وسلطتي عليها الضوء وهي مشاعر مظلمه ولازم تبقى مظلمة ومانسلط عليها الضوه ..لان هيج امور سلبية من نكبرها راح تفترسنا وتخلينا عرضه لوساوس الشيطان ..المؤمن ياحبيبتي لازم يكون اقوى من اي فكره سلبية ..

زهراء:تدري كلامك منطقي!!

عادل:يعني استاهل تحبيني وتثقين بية لو بعدج تكولين مااريدك؟؟

زهراء : هنيئا اللي بيك..

عادل: بس بعدني مخنوك

زهراء: اسم الله عليك

عادل: مفارك حبيبي واشتاكيتله كلش ومااصبر بعد ..تقبلين نروح للنجف نبات كم ليلة نشوف الحبيب ونشتم هواه..

زهراء: اي مواقفه اي ياريت..