مأساة فتاة

تجاهلك لي لا يحتمل

🎋حين تجتاح الالم الروح تصبح في قبضة الزمان متى ما يريد يخففها
ومتى ما يريد يعصف بذكراها من جديد
فتبقى اسيرة زمانها 🎋
*****
سارة ' وعيت على نفسي واني بلحمام وحسام يكلي بليل اجيج وطلع
ردت اكولة لا تجي ما اكدر احجي لساني ثكيل وجسمي مكسر بقت شوية بل حمام نفس وضعيتي بعدين سمعت ادهم يبجي
رحت رضعتة وحاولت اهدئ بس مكدرت احس نار وتغلي بقلبي
وبقيت افكر بحياتي شلون ابقى وياة على الوضع هذا وابني حتتدمر نفسيتة من المشاكل
فلازم اصير قوية واصبر على حسام واعتبرة ما موجود واشيل حبة من قلبي
لان ما اكدر ارجع الاهلي مطلقة ومن يتحمل مسؤلتي ومسؤلية ابني

حسام 'طلعت من يم سارة ورحت الاهلي وجمعتهم كتلهم عندي حجي وياكم
اني قررت اتزوج هدى بنت خالتي واكعده هنا بلغرفة القديمة وسارة تبقى بلمشتمل وااحاول اعدل بيناتهن
يمة هذا قرارك عين العقل من البداية كوتلك ازوج هدى
بس انتي جنت معمي على عينك حبيت هاي العوبة ام الوسخ (اعتذر عن الالفاظ)

حسام يابة متاكد من قرارك ترى سارة زينة وطيبة وما يوم قصرت وياك لو ويانة فكر زين خاف تظلمة
يابة اني متأكد من قراري وليش اظلمة اشو كاعدة لوحدة ومدللة وكل شي تريدة يجية
هدى يمة توافقين على حسام وانتي تدرين بي متزوج وعندة ظروفة
هدى 'خالة اني قابلة بحسام وبكل ظروفة "بس بداخلي والله الا اخلية خدامة جوة رجلية واكعدة واكومة بأهانة "
حسام 'رجعت للمشتمل ولكيت سارة تصلى واشرتلة من تخلص تجي
سارة اسمعيني لان ما اعيد كلامي اني قررت ازوج هدى واكعدة يم اهلي وحاول اعدل بينكم وشتريدين اجيبلج
وما اريد مشاكل ودوخت راس وعليج تحترميني وتحترمين هدى واهلى شحتاجون منج تسويلهمياة والخميس الجاي الخطبة وما اريدج تجين
ما اريد مشاكل
سارة ' حسام هاي هية قررت روح ازوج الله وياك بس اني سارة اعتبرني متت بلنسبة الك اني هسة سارة ثانية تعتمد على نفسة
قوية ومشاعرة ميتة وانت موتت البداخلي روح حسام روح الهدى حبيبتك
واعتبرني مجرد ام ابنك فقط
مرت الايام واليوم العصر سمعت الهلاهل وبعدين صوت الديجي
شبعت بجي ورحت صليت واتوجهت لرب العالمين وقراءت قران
ودعيت اللهي يبرد قلبي ونطيني الصبر والقوة '
وبدأ حسام يجي بليوم ساعة يلعب وي ادهم ويشوفنة شمحتاجين ويرجع الهدى
ومن يجي يعاملني ولا كأني زوجتة ولا يحس بية مجرد مربية لابنة وبداخلي اتقطع علية من نار الغيرة وراة بفترة صار يجي كل ٣ايام
ومن قرب موعد عرسة صرت اشوفة بلاسبوع مرة وبيوم عرسة صاحتني عمتي
سارة تعالي للبيت ساعدينة مو بس كاعدة هناك ومرتاحة ومااجيتينة وتعرفين عدنة عرس
سارة 'من حجت عمتي احسة روحي طلعت بس اشسوي لازم استسلم الامر الواقع
جاوبتة صار عمة هسةاكوم اساعدكم
وتولتني دك شغل اشتغل والدمعة بعيني ليش ياربي اني شسويت بحياتي وهيج اتعذب وين اكو وحدة بعرس زوجة هي تشغل بي ولا وفواكاة عمتي ما قبلت اروح حتى ابدل تكلي ابقي بلمطبخ ويخلص العرس ورجعي لبيتج
كولتة عمة ما اكدر لازم انيم ادهم بفراشة
ا

سكتي وابقي نظفي ورتبي المطبخ واذا اجوي الناس ما تطلعين تبقين هنا وادهم راح ابدلة وعماتة يشيلنة وعادي ابقي بملابسج قابل شتبدلين اني كولج خدامة  عدنة عافتني وطلعت
ردت ارجع لبيتي بس خفت لا عمتي تعاركني وتفشلني كدام الخطار وتصير مشاكل تكفيت الشر ورجعت اشتغل وادعي على كلمن اذاني

ورة شوية سمعت صوت الموسيقى عرفت اجت الزفة واباوع من شباك المطبح واشوف الناس فرحانة بعدين دخل حسام وهدى والفرحة ما واسعتهم وانتبهلي حسام وبعدين رجع يباوع على هدى
بساعتة اتمنيت اموت ولا اشوف هذا الموقف
لان حسيت صدوك اني مذلولة عدهم ومكانتي عدهم خدامة فقط
وراة كل شوية وحدة داخلة المطبخ من خطارهم
ويباوعولي نضرة عطف خاصتا من يشوفوني لابسة دشداشة تعبانة مال شغل
بقت اشتغل لحد ما كالت عمتي اخذي ادهم وروحي البيتج وبعد لا تجين لان هدى واختي ما يريدون يشوفوج
الا من اني اصيحج
لبست عبايتي وطلعت من المطبخ وصلت للكراج ولكيت الولد كلهم برى
هنا احتاريت لا اكدر اطلع ولا اكدر ارجع
وراة سمعت عمي من وراية يصيحلي
سارة بنتي الله يصبرج على ما ابتلاج الله كريم ويعوضج انشالله خير 
طلعني عمي دخلت المشتمل ونومت ادهم لان كلش تعبان
دخلت الحمام وبقيت بس ابجي على حظي المصخم تعبت وراة نمت من التعب والقهر
فزيت الصبح على صوت الهلاهل من بيت عمي
رجعت نفس الشي على البجي والحزن بس قررت لازم اصير قوية لخاطر ابني توضيت وصليت
حسام 'من شفت هدى بدلة العرس طار عقلي بية وتمنيت الوقت يخلص حتى يزفوني بس من دخلت البيت شفت سارة تباوعلي وعيونة مليانة حزن وقهر حسيت بعطف ناحيتة لان صدك كسرتة من ازوجت علية بس لازم ترضى بلواقع لان حبيت هدى وما اكدر استغنى عنه
بس استغربت ليش جاية لبيت اهلي وبيوم عرسي
وراه هدى كمشت ايدي ودخلنة للبيت وتم زواجنة وعشت احلى ليالي عمري هدى نستني سارة وحتى اسمي
💔******************💔
عذروني لان ما الحك اكتب لان عندي شغل البيت والجهال احاول كل يوم اكتب بارت انطوني رائكم بلقصة