#لأني_أحببت/ 20
#قصة_حب
.. ناديه@
... ملاحظة هامة
َمتابعيني
««الاحداث الجايه تعالج قضية مهمة تعاني منها نسبه 20% من البنات اللي يتزوجون تقليدي بأشخاص غرباء بدون تأني ويعانون من تعتيم وتكتم للموضوع من قبل الأهل والمجتمع فقط لمجرد الخوف من كلام الناس وتوجيه اللوم على الضحية اللي هيه للاسف .. العروس ...!
أرجو من القارئ والمتابع تقبل هذه الاحداث الواقعية الجريئة +18
وياريت تتركون تعليق مناسب للاحداث »»
...
مجرد مادخلت غرفته قفل الباب ونزع ملابسه كلهن
شفت الغرفه كبيره وجاهزة كانت وماعايزة أي شي
انتبهت مخلي طاوله بالكاع بيها بطاله عرگ (خمر) وكلاصات ومواعين مليانه كرزات وحلويات وفواكه
استغربت ..
واستغربت أكثر إنه وحده يسكن هنا وماكو احد وياه التفت شفته بهالمنظر عاري !
خجلت كلش من منظره دنكت بالكاع وبقيت بس ارجف كلي بعصبية نزعي
ماادري شرد عليه بلعومي ناشف بديت انزع ببطء وهو مستعجل بده ينزعني بقوة
خفت منه اكثر فرني بسرعه وحضنني من وراي بقوة
بعدها جاب قطعه قماش شدها على جسمي وكلي ركصي
كتله حباب على كيفك وياي
صرخ ببوجهي
دا اكولج اركصي
ياربي شنو هذا فززني وگف گلبي من الخرعة
راح شغل مسجل كاسيت ورده الجزائرية اغنية "بتونس بيك" والصوت كلش عالي
بديت اتحرك من الخوف
عمري ماركصت ومااعرف هالسوالف بس بزواج نور ركصت ويه ضمياء كانت تسويلي واهس
دموعي نزلت والكحل ساح والمكياج تخربط ولا تأثر ولا اهتم
عيونه تلهب نار على جسمي
متت من الرعب
بعدها بده يشرب ويركص وياي كلما اوكف يرشني خمر ببوجهي من البطل اللي بيده ويصرخ عليه ويضحك بشكل هستيري
ماادري شكد بقيت ساعه ولا اكثر كتله حباب تعبت
انتبهتله خلص أكثر من بطل كلت بلكي يسكر ويتعب لويوكع
والكه فرصه اشرد مننا
ياربي دخيلك شورطت نفسي
انتظرت لحد ما خلص الكاسيت لزمني ضربني واني ماقصرت هم ضربتها ورديتها اله السافل بس كان اقوى مني
بقيت اصرخ واصرخ واصرخ ..
وسوى بيه اشياء مقرفه غصب عني ..
ماوارده بأي ملّة من المللّ____XXX__
لحد ما كمل وشمرني حيل بالكاع
رفسني وكعد تعب ...
الألم موتني والاحساس بالقرف والأشمئزاز من اللي سواه بيه وريحتي ضايقتني
تلفلفت بشرشف الميز وعاينت للساعة صارت بالـ 3 بليل ختلت بزاويه الغرفه وارجف وجسمي بعده مبلل وقذر ماقبل البس ملابس ولا اروح اسبح ولا اتحرك من مكاني ويعاينلي بحقد وحقارة
انتظرته علما كمل الشرب ماله ونام بالكاع عريان وبيده آخر بطل
تأكدت منه تعب ونام تسحبت بهدوء لبست روب حمام جبير معلگ
مالحكت افتح جنط هدومي
وبقيت ادور على مفتاح الغرفة مقفول
ياربي دخيلك ساعدني
ارجف وخايفه يفز ويرجع يكرر اللي سواه بيه
حبست النفس وبس ابجي وأنشغ من الالم والرعب اللي عشته بهالكم ساعه ويه هالشيطان الحقير
اخذت سكينه وبقيت افتح بقفل الباب المفتاح ماكو مااعرف وين خلاه غضب الله عليه
بقى يون ويفشر ويسب ويشتم هو و مغمض
كسرت قفل الباب وطلعت ركض للشارع مثل المجنونة
انتظرت سياره ماكو الشارع فارغ
خفت يلحكني
الجو بارد ثلج لأن زواجي كان بدايه شهر ال 12 والرجفه اللي رجفتها يبست جسمي
ماحس برجليه بعد حافيه واركض
شفت فلكه ومكان مرور ركضت بكفشتي ووجهي مخربط مكياج ودموع ولطم
ختلت بيها فارغه علما يطلع الفجر بلكي تجي سيارة
لفيت نفسي كانت اكو سترة بالكرسي لبستها فوگ الروب وبعدني ارجف وادعّي على هالسافل إياد ليش هيج سوى بيه هذا مريض نفسياََ وحقير
ماادري وره شكد طلع الفجر بدت السيارات تجي كمت اشرت لواحد وكف
ركضت الحمد لله رجال كبير طالع على باب الله
كتله عمو الله يوفقك اني عروس اليوم متزوجه وشردت منه ضربني راح يقتلني
وديني لأهلي لخاطر الله
خاف مني
أبوس ايدك اذا متصدكني تعال وياي دگ بابهم وتأكد
صعدني وبقه يعاين ببوجهي بالجامه
واني ارجف وانشغ
وصلت بقى واكف ابو التكسي علما ياخذ اجرته
كسرت الباب والجرس
طلع نور حضنته حسيت بأمان
تخبل من شافني وصرخ
نااااااديه !!
كوه حجيت كتله حاسب التكسي ووكعت شالني دخلني لجوه
وبعد مااحس بنفسي شيرين على راسي تبجي وتلف بشعري وضيّ تمسح ببوجهي بكلينس نور واكف ومصدوم ممستعوبين شلون هيج رجعت وشنو اللي صار !
بعيونهم الف سؤال
شهكت وكعدت لزمت شيرين كتلها جيبلي من ملابسي القديمه
وديني للحمام ورجعت ابجي واملخ بنفسي
ركضت جابتلي تراك قديفه ونور شالني للحمام
سبحت ورشيت بطل الشامبو كله على رأسي وجسمي اريد تتغير ريحتي
وغطست كلي بالحوض (البانيو)
تمنيت اغرگ واخلص من حياتي
نفسي لعبت منه شكد احس بنفسي قذرة اريد ريحته تروح مني وقذارته وكلما اتذكر ارجع ابجي
من طلعت تلفلفت ببطانيه وطلبت من ضيّ وشيرين يطلعون ولزمت أيد نور
حضنني وكلي أهدي الصبح اروحله وافتهم منه
شهكت لاااا ...
نور لاااتروح ...
همست بإذنه نور روح كلف محامي يطلكني منه
وحتى اذا يريد فلوس انطيه
شنو ناديه شدا تكولين انتي !
نور مثل ما اكولك مارجعله بعد
نور هذا مريض وشاذ افتهمت ولطمت على وجهي
كلي اششش أهدي ..أهدي ..
خله راسي بحضنه وباسني
اني اتصرف بعد أهدي ..
بس أنتي ابقى هنا لاتتطلعين منا لأي مكان عرفتي
شكد حسيت بأمان من كلام نور ...
اريد بس أحس بدفو غطيت رأسي وشيرين رجعت غطتني ببطانيه ثانية وحضنتني
حبيبتي شكد اشتاقيتلج
لزمت ايدها
شيرين بعد مااعوفج ح ابقى هنا لآخر يوم بحياتي
ومستحيل اغلط وارتبط بعد اللي صار وياي الليله ..
... يتبع ..
#قصه_ناديه@20
استطلاع ..
ماهو انطباعكم عن الأحداث بصراحه ؟!
