مأساة فتاة

اقصيت حبك من قاموسي

حسام 'سارة لازم تتركين شغلة الحفافة واني اجيبلج مصرفج كل اسبوع
لان ما يصير اخلى مرتي تشتغل حفافة واني ساكت
سارة 'ومنو يضملي انك تدزلي المصرف او  تجي تشوفنة حتى حسام انت متغير وياي كولش وصار قلبك قاسي مثل الحجر
حسام 'كافي سارة هاي تخيلاتج اني هاملج واني قاسي عليج  ادري تصرفاتج  لان غيرانة من هدى  وتدرين اني ما تاركج هو كم يوم سافرنة بي  لان عرسان جدد فبطلي شغل النسوان هذا

سارة " هسة اني الغلطانة مو ارتاح وشغلي راح ابطلة  واشوف النهاية وياك شلون
كام حسام يجيني بلاسبوع مرتين واستمر الحال  شهرين ورجع حسام يتاخر علية 
وبيوم اجاني للبيت كوتلة حسام اريد موبايل حتى اخابرك من اريد شي يصير شي عادة عندي موبايل واخابر
شوية وقنع كال راح اجيبلج موبايل عادي فرحت ميخالف اي شي
وراة بفترة جابلي الموبايل
وبعدين حسام صار ما يجي واحتاجيت اشياء كلت اخابرة من خابرتة عتبت علية ليش حسام ما تجي تشوفنة اذا مو اني ابنك هواية مشتاقلك وحنة محتاجين مسواك ما تكول ذولة شياكلون شيشربون ليش هيج صرت ما تطيقنة
حسام 'سارة ارجوج لا تدوخيني ما فاضيلج عند الف شغلة شتريدين دزيلياة برسالة واجيبة الج يلله روحي عندي شغل
حسام 'ادري اني مقصر وياة بس الشغلة مو بيدي كل ما اريد اروحلة هاية الفترة انسة اروحلة وخاصتا هدى كلش متعبتني بسبب حملهة ومتطلباتة ما تخلص
ومن اروح لسارة احس من اشوفة اتشائم ونفسي تلعب لان اشوفة قبيحة مو سارة قبل الحلوة  حتى صوتة ما اريد اسمعة من اسمعة اتقزز منة
ومن رادت موبايل جبتلة حتى ما اضطر اروحلة وصرت اجيبلة التحتاجة وانطيهياة من الباب وارجع بلا ما ادخل  وارتاحيت للوضع هذا 
وبيوم خابرتني كالت تعال للبيت عندي اريدك بشغلة كولتة احجي كالت ما يصير الا تجي ميخالف شوية واني يمج

💧سارة 💧
حسيت حسام يتهرب مني وما يريد يجي للبيت ولا يشوفني ينطيني المسواك من الباب ويروح
ولا كأن اني  مرتة ولا محسسني بوجودة بحياتي
وادهم خطية محبوس بلبيت وحدة لا يطلعة ولا حتى يسال علية
وادهم هاي الفترة متنحس بس يبجي بلقوة اسكتة
ومرة تعبت حيل واشتاقيتلة اتمنيت يجي يمي واحضنة وانام  على صدرة واحس بلحنان والامان
بس اعرف مرتة الحية هدى ساطرتة وما تخلي يشوفنة ويسال علينة
فقررة ما استسلم فخابرتة وكوتلة تعال 
ورحت سبحت وسوت شعري ولبست سيت مال نوم  ومكيجت  وعطرت البيت وشغلت شموع يعني سويت جو رومانسي
وراة شوي اجة شافني  رحت حتى ابوسة واحضنة دفعني حيل وكعت بلكاع
حسام 'سارة لا تجين يمي وتلمسيني ما اطيق اشوفج واسمع صوتج لان اني اقرف منج حتى لو تتمكيجين وتبدلين نفس الشي
يلله كولي شعندج دازة علية خلصيني اريد اروح عندي  شغل 
سارة 'بجيت وصيحت بعلو صوتي روح حسام روح الله لا يردك  يا ضالم الله يشوفك وينتقم منك ومن الحية مرتك
اني ترفضني اني تهيني لهنا وكافي بعد ما اريدك طلقني وعوفني بحالي
حسام 'من كالت سارة طلقني حسيت بفرحة انو اتخلص من همهة وشوفتة  الي 0تزيد الغم
سارة راح اطلقج وروحي يم اهلج وفكيني وعفتة وطلعت
سارة
من كلي راح اطلقج انهاريت ووكعت بلكاع وما حسيت الاوادهم يم راسي يبجي وعيت كعدت شبكت ادهم  وبقيت ابجي
كلت هاي هي لازم اطلق واعتمد على نفسي واعيش ابني وما احتاج احد
العصر خابرت اخوية الزغير وكوتلة تعال اخذني للبيت لان حسام راح يطلقني
وراهة بساعة واندكت الباب واشوف اخواني تلاثتهم الكبار كلولي هذا الحجي السمعناة صحيح تريدين تطلقين
كولتلهم اي صحيح بعد ما اتحمل ابقى عندة لان هو ما يريدني وما طايقني ويتمنى يخلص مني بعد شكو اني باقية عندة

عباس اخوية 'هوة شنو بكيفج تطلقين قابل ما عندج اهل وتفكرين بهم وبسمعتهم بنتهم مطلقة والناس تاكل وجوهنة لا مو بكيفج تطلقين

سارة ' ليش تريدون تبقوني تريدون حسام يتمتع باذيتي كافي عذابة الية  قررت اطلق واتحرر من قيودة
وذا ما تكدرون تعيشوني يمكم انطوني حصتي بيت اهلي واني اعيش نفسي وابني
هشام اخوية 'اي كملي عيني شكلولج احنة مكرنين انعوف اختنة لوحدة تعيش
عباس 'خابري زوجج خل يجي عندي حجي وياة

💔💔💔💔💔💔💔💔💔💔💔💔💔💔💔💔💔💔

اعذروني حبايبي من التاخير بقى كم بارت واخلص  افيدوني بتعليقاتكم 💋