#لأني_أحببت /28
#قصة_حب
.. ناديه @
****
ظلم كلش ظلم تحيا وتموت بشوگ *
وجا شنهو العمر من تذبل رياحيني *
تعب حتى الورق حبر ودمع مخبوط*
وحسره وي القلم تأذيني وتبجيني*
صفة رسمك حلم عذب حنّ بالروح *
مثل طيفك أبد ما شايف بعيني*
نهر طولك عذب صافي ويرد الروح*
وأنه الميت عطش وبكطره ترويني*
أكتبلك شعر وأسطرلك الأبيات*
وانته بلا بخت بالفرگة تجويني*
قيس بعام واحد وتيبّس من الشوگ *
وآنه سنين مرّت ما غفت عيني *
كلي شلون رايك والعمر محسوب*
وجلمات الشماته تكول ناسيني*
طلابه وي العشگ وأيامي كلهن ليل*
وشمس حبك ظلم من ما تضوّيني*
كافي من العتب راح أختم الأبيات*
وأحجيلك سطر بي كل عناويني*
مثلك ما شفت ولا رايد ولا ريد*
يـسلطان" گلبي ...
وأبقى أحبك للموت
وانته وحدك ...
عنوان لكل دواويني**
💔💔
...
الصبح كنت متوترة لدرجه ماكدرت آكل أي شيء سبحت وبدلت وكل شويه أنتجي على حايط وأجر نفس
أحس نفسي محترة رغم ما الدنيا بارده
كننا بشهر كانون الثاني
ونفسّيّ صار بطيئ وگلبي يدگ ببطء
زين" وياسمين" بالمدرسة وشيرين" يجيها الخط مالت الجامعه بالـ 9
ضيّ تكضيها بين طبخ وغسل ملابس وشغل البيت
أني بعد مرضي الأخير ماكدر أسوي أي شغل منعني الطبيب من التعب والوكفة وحتى الكعده الطويله تسببلي ألم وتشنج ومضاعفات ..
بقيت الوج بالغرفة شسوي ..
شلون اروح ..
شنو الطريقة اللي أكدر اوصل بيها لـسلطان" بدون متحس شيرين ولا اي أحد يعرف
راغب" كل شويه يخابر ..
رديت
كلي ... حبيبتي شنو سالفتج من البارحه وينج !
كوة حجيت .. راغب" أسفه البارحه اخذت علاج ونمت من وكت
ماشي حبي اليوم نتغده سوى !
لااا .. لا راغب مو على الغده
ليش ناديه مااشتقتيلي !
هااا ..لا بس قبل شوي تريكت مااشتهي خليها لباجر
لا باجر شنو بالليل جايكم مشتاقلج حبي وحياتي وعمري انتي ..
بس خلاص راغب روح هسه اني طالعه عندي مشوار مهم
وين ؟
هاا .. لا بسس .. ام همام جايبه بدلات وكلابيات من تركيا ورايحه اشوفهم احتمال اتأخر ..
...
كوه خلصت المكالمة وسديتها
أني هسة كلش مشوشه
أفكاري مخربطه ودماغي راح ينفجر
الساعه بالعشرة صارت شيرين كالت المحاضرة ساعه تستمر يعني راح تخلص بالـ 11
اخذت علاجي بالجنطه ولبست ثوب من ثيابي القديمه اللي شايفها سلطان أبيض ردن ومنقش باحمر ووردي
آخر ثوب لبسته والتقيت بسلطان بداخل السياره يم الجبل
وكفت كبال المرايه ..
يمكن طلت شويه عن قبل لأن اشوفه قصير فوگ الركبه شوي مو مشكله
اريد سلطان يتذكرني مااعرف اذا كانت ملامحي كبرت وتغيرت لو نفس شكلي !
لبست فوگ الثوب سترة جلد سودة
وبوت طويل جلد اسود
وفتحت شعري ونزلت كذله ولبست ذهبي تراجي وكلاده ردت اكون جميله وجذابه بگد ما اگدر مكياج مخليت لان اعرفه ميحبه سلطان" بس كحل وعطر رشيت وطلعت
تفاجأت ضيّ ..
شنو هالاناقه ناديه على وين !
ابتسمت .. كتلها من ارجع اكولج ..
بقت عدها نظرت تعجب ..
اني فعلا قررت بعد لقاءي بسلطان من ارجع اجمعهم كلهم واخليهم كدام الأمر الواقع واني هسه عمري 26 سنه مو صغيرة
واعيه ومن حقي أتخذ قرارات مصيري بنفسي ..
طلعت أتمشى ببطء ماادري بسبب الألم اللي دا أحسه بظهري وبعد ما أشعر بي من كثر شوقي ولهفتي للقاء حبيبي
ولا بسبب الخوف من أنه ما يطلع سلطان نفسه واتفشل ..
أجرت تكسي وصلت للجامعه تقريبا بالـ 11 ونص سألت عن غرف الأساتذة
دلوني دخلت غرفه بيها كم استاذ وأستاذه سألتهم
كلولي طلع الأستاذ سلطان
كتلهم ممكن عنوانه او رقم موبايله اني قريبته
ساعدني واحد منهم أخذني لغرفه العمادة وحصلي رقمه سجلته بموبايلي
طلعت لحديقه الجامعه بس اريد اتنفس مااكدر بعد اختنكت كعدت طلعت علاجي واكو برادات للمي اخذت مسكن ارتاحيت شويه توقعت راح أوكع من التعب والألم ..
ردت اطلع من الجامعه قبل لاتشوفني شيرين ..
بس اجت شيرين ويه صديقاتها وشافتني تفاجأت بيه حضنتني وعرفتني عليهن
ناديه شنو هـالمفاجأة حبيبتي
شاورتها حبيت اتعرف على المعجب صلاح "
عضت شفايفها لا اا فدوة ناديه .... الله يخليج ليش تحرجيني شنو هاي !
شفتة الولد من بعيد
فعلاََ جان معجب بيها وماكلها اكل بعيونه وصديقاتها كلش جميلات وخلوقات
أنحرجت منهم مكدرت اعوفهم بعد وإني طالعه بلا آكل من الصبح عزموني على لفات بالكافتريا كتلهم إذا هيج العصاير على حسابي
بقيت وياهم للساعه بالواحده شويه تغيرت نفسيتي وأرتاحيت ودعتهم وطلعت كانت عدهم بعد محاضرة
رحت جهه الفنادق القريبه على الجامعه ترددت اخابر يربي ليش هيج دا أرجف كل شويه اكعد بمكان وأرتاح بعد ما اكدر أكمل مشي تعبت
طلعت مرايه من جنطتي عدلت وجهي
الوقت يمشي بسرعه مااعرف شسوي أحتاريت يربي
كعدت بمكان بي شجر وورد شتميت ريحته شويه ردت روحي وحسيت بتفاؤل
طلعت الموبايل دكيت الرقم
رد بسرعة ...الوو ..
طبكته من الخوف مااعرف من الشوگ
صوته ...!!
لا مو صوته ... شو هذا خشن هالصوت معقولة صوت سلطان جان ناعم !
رجعت اتصلت مره ثانيه ..
كال بغضب الووو !
بلعت ريكي ..
سسلطان !
نعم !
منو وياي !
انته سلطان !
سسسلطان عبد الرحيم ..!
مو كلنه نعم منو وياي !
اااني ... يربي شبيه انعكد لساني وبلعومي نشف اخذت نفس ..
انيييي ... ناديه
صرخ ...ناااااااديه ...!!!
انتي وين !!
مكدرت ارد الموبايل يهتز بيدي
اختفت الكلمات
بقى يصرخ باذاني الووو نااااديه وينج !
ردي ...
سسسلطان اني قريبه يمك هنا شويه عن الجامعه بس اطلع من الفندق وأوكفلي بالباب
حسيت من كلامه كلش فرحان كلي دقايق ناديه اوكفي لاتتحركين جايج ..
وسد الموبايل
اريد اكوم بعد مااكدر
ياربي دخيلك ساعدني بس اشوفه وبعدين أخذ أمانتك وريحني من هالعذاب والألم
ماكو حيطان أتجي عليها
كملت طريقي كوه
وصلت للفندق شفته من بعيد ..
هوه ...!
سلطان" ...
سلطاني حبيبي ...
ركزت اكثر ... شكد كبران طولان عن قبل ولحية صايره عنده وشوارب شگره وهيبة وجمال
أويلي عليج يناديه وعلى حظج الحلو عاشگه رجال بهيج جمال وهيبة يملخ ..
من شافني بده يتقرب مني رفع حواجبه وفتح عيونه الصفر اللي تسطر سطر
وابتسم ... وصل يمي .. ناااديه !!
مد ايديه مشتاقلج
تحبين نروح مكان عام لو تتدخلين جوه لغرفتي ؟
هزيت برأسي واشرتله للفندق .. لزم ايدي واخذني لداخل الفندق وصعدنه بالمصعد
كان بس يعاينلي بلهفه من فوگ لجوة ماخجل من الناس الموجودة كلما اعاين اله اشوفه راح ياكلني بنظراته والبسمه ماليّه ووجهه وصلنه لغرفته دخل وسد الباب وحضنني بقوة دخل كفوفه اثنينهم بشعري وبقه يشمني ويهمس مشتاقلج حبيبتي ...!
...
يتبع ..
#قصه_ناديه@28
