رئيسة العصابة vs العميل السري

*1*

فمنتصف ليلة باردة.. بنت فمقتبل العمر مخبية تحت فراشها من كابوس مرعب..
صوت الصرخات دواليديها فارجاء الدار..صوت الطعنات فجسم امها بالاضافة لصوت الرعد
كانت هادي الليلة المشؤومة فحياة البطلة ديالنا روعة
ليلة لي بقات فيها وحيدة
نرجعو بساعة للوراء
روعة: مامي فين هو بابا
الام (تسنيم):هاوا حبيتي فطريق
قبل ماتكمل هضرتها دخل الاب تلاحت عليه روعة عنقاتو ماكانتش عارفة انها اخر مرة غاتشم فيها ريحتو
گلسو يتعشاو و يتعاودو فجو كولو محبة روعة فوق رجلين باباها
حتى كايقطع هاد الهدوء صوت الرصاص كايطيح فالزاج
سي متوكل (الاب) خبا بنتو و مرتو ف بيت كان متوقع اش غايوقع.
بعد برهة تهرس الباب و دخلو مجموعة من الرجال ملثمين قتلوه بدون رحمة ولا شفقة آخر صوت سمعاتو من باباها كان صوت كولو الم
ماجات فين تستوعب اش واقع حتى بداو يهرسو فالباب خباتها ماماها تحت الفراش و دخلات العصابة عدبو الام اشد تعذيب طعنات فمختلف جسمها وكان مصيرها بحال سي متوكل لي كولو دم حتى ماتت الام .روعة بقوة الصدمة مابقاتش قادا تحرك و ربما كان هذا السبب لي خلاها عايشة.
تكلف عمها بتربيتها حتى وصلات ب 18 سنة و قرار تخرج تعتامد على راسها
وكانت قوية لدرجة انها بغات تنتاقم من لي كان السبب فموت الولدين ديالها هادا كان فقط سبب تقنع بيه عمها بينما السبب الحقيقي غانعرفوع مع روعة
انا روعة 18 سنة ممكن تشوفو سميتي تقولو هادي عايشة بيخير
ههه لاكن ربي لي عالم بيا من نهار موت والديا و انا فالعذاب امراض نفسية جراء الصدمة قدرت نتخطاهوم بفضل الرغبة فالانتقام من لي حرموني من واليديا
حم تلفتوني بالهدرة نسيت راسي انا البشرة ديالي سمرة طويلة حروفي كحلين شعري رطب و لكن عمرو طوال ماما كايعجبها طويل و حلفت مانخليه حتا نتاقم من لي كان سباب ف موتهوم  عينيا كحلين و كبار ربما هادشي لي ماخلا ختى واحد يشوف نار الحقد و الكره لي فيهوم