ليش يادنيا؟.

part 4

كان المسبح ورا البيت وصراخ البنات واصل ل اخر البيت وتموو نص ساعه يلعبون فالماي وصريخ وحماس لييين فجأه سمعو صريخ البنات وهم يزقرون هند وع دخلت الشباب للبيت سمع راشد الصوت وراح صوب المسبح وراحو وراه الباقين دخل راشد المكان وشاف عند طايحه فالمسبح وماتتحرك نقز وسحبها وطلعها في هاللحظه استوعب سيف وراح ركض لأخته وبعد راشد عنها لانها كانت لابسه شورت قصير وتم يسوي لها تنفس صناعي ليين قامت تكح وتطلع الماي حضنها سيف على طول واشر لحمد اييب شي يسترها فر عليه الروب وغطاها والبنات يوم شافوها قامت راحو ورا الشجره وانخشو عشانهم مب لابسين وطلع راشد عشان تاخذ راحتها هند وهيه متضايق خاف يصير فيها شي
سيف: حمدلله ع سلامتج حبي شو صار كيف غرقتي
ابتسمت هند بخفه: ماشي بس وانا ماشيه زلقت ريلي وياني شد ف ماقدرت اتحرك
حمد: انا اقول بعد هنود السباحه كيف تغرق
طلعت لطيفه في هاللحظه: من عيينك اصلا
مايد: خلاص بنات روحو البسو وقعدو فوق مب لازم تسبحون
مهره: لييشش ميود ماشبعنا
ميره: هييه والله بس نص ساعه كملنا
مايد: هنود تعبانه يلسو عندها فوق...
قاطعته هند: لا فديتك مافيني شي بيلس هني عالكراسي وبتم اكل يوعانه وهم خل يسبحون
وتمو يتناقشون وفي نقاشهم لف سيف صوب المكان اللي منخشين فيه الباقي وشاف عليا معطتنه ظهرها تم يطالع جسمهاا لين م استوعب ان اللي يسويه عيب ولف ل اخوه
سيف: خلاص ميود خلهم يسبحون ونحن بنكون داخل بنسمعهم اذا صار شي وان شاءلله مارح يصير شي
باسته لطيفه ع خده: فدييت سيفاني
ابتسم سسيف: هييه حق المصالح
لطيفه: روح روح ماتستاهل بوس "واتجهت ل مايد وباسته ع خده"
ضحك مايد: انا انسان مرتبط زوجتي تغار لوسمحتي لاتبوسين
ضحكت ريم صوت عالي والتفت لها مايد بس ماشافها لانه منخشه
لطيفه: اففف مالت عليكم اصلا احسن واحد حمد "وراحت له وباسته كان بيحضنها حمد بس استوعب ان بكبرها ماي"
حمد: ذكريني الفليل احضنج
كلهم: هههههههههههههههههههههههههههههههههههههههه
وطلعو الشباب وقعدت هند عالكرسي وطلعو البنات وكملو سباحه وسوالف طلعت عليا ويلست يم هند
عليا وهيه تضحك: ها جولييت شو الاخبار؟
ضربتها هند وهيه منحررجه: جب جب اصلا ماشافني
عليا: يااحضك ياخوويي
دزتها هند صوب المسبح وهيه منحرجه: روححي اسبحي روحي
ضحكت عليا وراحت تسبح
هند "معقوله شافني جيه ولا مانتبه "احمر ويهها" لالالااا مسحييلل اف ياربيه انا ليش جيه لبست لو لابسه مايو اسلامي وايد احسن "سكتت تتخيل شكلها بالمايو الاسلامي" وضحكت فجأه التفتو لها البنات
مها: هندوي تخبلتي؟
لطيفه: شكلها
هند ومازالت تضحك: ههههههههه لـ لاا بس تخيلت شكلي بالمايو الاسلامي ههههههههههههههههههههههههههههههههههههه
كلهم: هههههههههههههههههههه
عليا: ماتتخييللل والله ههههههههههههههههههه
وكملو سباحه ، وبعد ساعه طلعو البنات ورغم التعب الا انهم متنشطين راحو فوق وبدلو والحين متوهقين ف مها ماعندها لبس لانه شووي جسمها مليان
هند: لحظه بروح شوي وبي
وطلعت راحت غرفه حمد ودقت الباب
هند: حمود واعي؟
حمد: تعالي هنودي
دخلت هند: حمود اقولك بتخذ من عندك جلابيه نوم
حمد بأستغراب: بسم الله ليش ماعندج ملابس؟
ضحكت هند: ههههههههه لا مهاوي ماعندها لبس وبيباتون عندنا
دق قلب حمد: هاا مها انزين اخذي
طالعته هند بنظره: انزين
واتجهت لكبته وطلعت وحده سوده وطلعت وراحت ل مها وعطتها
مها بصدمه: ششو هااا لالالاااا مابلبسه مال منو
ضربتها اختها عليا: البسي البسي فكينا
هند: مهاوي عادي مال حمد هاي
مها بأحراج: لاا شوو
لطيفه عطتها الجلابيه ودزتها صوب الحمام: روحي البسي يلاا
دخلت تلبس وطلعت شافوها البنات وصرخو
البنات: اووووووووووههههه
انحرجت مها ونزلت راسها
هند: ي حضك حمدو مهاوي لابسه ملابسك
عليا: حضه حمد الصراحه
لطيفه: انا لو مكان اخوي ما اعق الجلابيه فالغسيل
كلهم: هههههههههههههههههه

عند حمد كان نازل المطبخ ومر صوب غرفه هند وسمع حشره البنات وهم يصرخون تم يسمعهم
وسمع هند وهيه تقول: ي حضك حمدو مهاوي لابسه ملابسك
عليا: حضه حمد الصراحه
لطيفه: انا لو مكان اخوي ما اعق الجلابيه فالغسيل
كلهم: هههههههههههههههههه
استانس حمد وشق الحلج ونزل تحت شافه راشد اللي كان نايم وياهم بعد
راشد: هااا حمد اشوفك شاق الحلج
انتبه له حمد: ااا ماشي تذكرت شي
ضحك راشد: ايوااه
وراحو ثنينهم المطبخ
حمد: شرايك نسوي لنا وللبنات كوفي؟
راشد بقلبه "فرصه اشوف حبيبتي": اوكيه يلا
وسوو الكوفي وراحو فوق والبنات كانو كلهم متيمعين ف غرفه هند ووقت النوم بيتوزعون ودقو الباب
هند: منو؟
راشد وحمد: احناا
هند: شو تبون؟
حمد: مسوين لكم كوفي تعالو تحت بنشرب ويا بعض
هند: يلا دقايق بنلبس وبني
ونزلو الشباب وعند البنات
مها: نازل عليهم الوحي تتوقعون؟
لطيفه: شكلله هههههههههههه
عليا: بلا استهبال يلا قومي حرام مسوين لنا
هند: افف مالي خلق ريولي لين الحين تعورني ماروم انزل من الدري
لطيفه: تبين ازقر سيفو يشلج؟
هند: لا شوو...
قاطعتها عليا: صدقق انزين بتمين روحج فوق حتى مهاري ومياري بينزلون
مها: صح يلا ، لطوف روحي ازقريه
لطيفه وهيه تلبس شيلتها: اوكيه الحين بروح
وراحت لطيفه غرفه سيف م حصلته ونزلت تحت شافته يالس ويياهم وراحت لهم
حمد: ها وينهم مايبون ايون؟؟
لطيفه: لا بيون بس شسمه هنوده ماتروم تنزل من الدري ريولها تعورها مال الطيحه ف سواف تعال ساعدها ولا شلها مانروم نحن
راشد بقلبه "اخخخ ياريتني مكان سيفو"
قام سيف وراح فوق ويا لطيفه ودق الباب
عليا: تعال لابسين
دخل سيف واتجه لهند: ها الدلوعه يقولون ماتروم تمشي
ضربته هند ع جتفه: دلوعه مرتك انزين
في هاللحظه رفع سيف راسه لعليا وابستم لها ونزل راسه
سيف: يلا حبي قومي
وشلها وساعدها ع المشي وكانت تمشي ببطئ شديد تنرفز سيف
سيف: افف لين باجر م بنوصل
وشلها ونزل بسرعه وهيه تصرخ وتضربه دخلها الصاله ويلسها
هند: حمماار
سيف: ها يزاتي شالنج من فوق
انحرجت هند ونفس الوقت دخلو البنات ويلسو ويابو الكوفي وشربو وسولفو ليين الساعه ١:٣٠ قامو وكل واحد راح يرقد وكان ترايبهم
هند - عليا ف غرفه هند
لطيفه - مها ف غرفه لطيفه
التوأم ف غرفهم
سيف - حمد - راشد ف غرفه حمد رقدو

ف غرفه هند كانو يالسين عالسرير ومبندين الليتات بس مشغلين ليت صغير ويسولفون
عليا: هنودده
هند: عيونها؟؟
عليا: فديت عيونها ، مممم انتي تحبين رشود اخوي؟
انصدمت هند وتمت ساكته ماتعرف شو تقول
ضحكت عليا: هههههههههه عادي هنود ترا ادري انكم تحبون بعض
رفعت هند راسها وقالت بهمس: راشد يحبني؟
عليا: ليش م كنتي تدرين؟
هند بفرحه وصدمه: اا لا ماكنت ادري
عليا: ممم هو من زمماان يحبج ومب طايع يخبرج يقول يمكن في حد ف قلبها ومن هالكلام لين قبل سنه اصريت عليه يخبرني كل شي وخبرني كيف حبج وان من زمان مب شايفنح ومشتاق لج وهذاا السبب اللي خلانا اني بيتكم
هند بعدها منصدمه: راشد يحبني؟ ماصدق
عليا بأحباط: هييه حلفني ماخبرج بس مارمت وشكلج تحبين شخص ثاني لانج قلتي من طرف واحد
ضحكت هند بأحراج: ااا لـ لا اللي احبه طلع يحبني بس ماكنت اعرف
عليا بشك: يعنيي؟؟ اللي ف بالي
هزت هند راسها وفرحت عليا وحضنتها
هند: ههههههههههههه شوي شوي خنقتيني
عليا بفرحه: صصددق صدقق استاننتت والله
هند: حياتي والله ، المهم اسمعي انا مدوخه من الطيحه ومسطله مب راقده ف خلينا نرقد وان شاءلله باجر نكمل سوالف
باستها عليا ع خدها: اوكيه حبي تصبحين ع خير
هند وهيه تتلحف وتسكر الليت: وانتي من اهله حبي
ورقدو