مدخل
كثير من العلاقات في مجتمعنا محرمة شرعا .ولكن البعض يقع في العلاقة بسبب تزيين الشيطان له كل شرا خيرا وكل حراما حلالا .. وكله بسبب البعد عن الله. ايضا الصلاة ..فالصلاة عماد الدين وهي تنهي عن الفحشاء والمنكر ..فأحفظ الله يحفظك ..ثق به وتوكل عليه. فهو حسبك ونعم الوكيل. في روايتي هذه سأسلط الضوء علي الكثير. .. العلاقات المحرمة. .الخيانة. الزوجية. الزنا ..الزواج العرفي .. واتمني ان اعزف علي ذلك الوتر الحساس ..اتمني. ان افيد حواء. ان افيد مجتمعي. . . البداية : عم محمد. راجل عمرو زي 49سنة كدة شغال في واحدة من الداخليات. بتاعة البنات ..ووظيفتو فيها انو.بنظف المنهولات والمشبكات وتسليكها ورفع المخلفات عنها. كان عندو ايام محددة في الاسبوع. بمارس فيها وظيفتو. في يوم من الايام عم محمد جاء كالعادة ..وبدي يفتح في المنهولات واحد واحد ...لحد ما وصل لمنهول وفتحو. اساسا عم محمد ده عندو زي حديدة او سيخة طووويلة بدخلها عشان يطلع المخلفات العالقة. وفعلا دخل الحديدة بتاعتو. علقت بي حاجة ثقيلة. ولمن حاول يطلعها ..لقااااهو ده طفل ((يا الله من قسااوة المشهد)) . عم محمد اتخلع شديد. قال اشهد ان لا اله الا الله واشهد ان محمد رسول الله .. لا حول ولا قوة الا بالله ..يا رب يا رب سترك ..ده شنو ده ... عم محمد طووالي طلع تلفونو من جيبو وبلغ ادارة الداخلية. وبرضو بلغ الشرطة ..التي اتت سريعا الي حيث الواقعه النكراء. كل الناس حزنت شديد ..وطبعا بعد رسم مكان الجريمة ..وفحص الطفل الذي ذهبت روحه البريئة الي بارئها ..تبين انه متوفي ليهو زي 24ساعه ..حتي ملامحو ذاتهع بدت تتغير وجسمو خلاص علي وشك انو يتحلل ..لانو صغير شديد وحتي حجمو . وبرضو من كلام الطبيب الشرعي تبين انو مخنوق بالحبل السري الامر الذي ادي لوفاته. . الشرطة بدت في التحقيقات ..وطبعا الامر من السلطات العليا وشرطة حماية الاسرة والطفل بانهم يفحصو الطالبات وااااحدة واحدة . ((موقف.. الطالبات حيكون شنو؟ وكيف المجتمع تاني حينظر ليهم ..فعلا ..الخير يخص والشر يعم ..يا رب سترك )).. بعض بنات الداخلية كانن في اجازة نصف السنة ..في اهلهم. وديل الله شاف عليهم. والا كان حيكون راس السوط لاحقهم ..رغم البراءة. وارتكاب وااحدة لهذا الجرم الشنيع .. طبعا قفلو كل الغرف عشان مافي واحدة تطلع ..وللاسف مرتكبة الجريمة طلعت من الداخلية قبل الناس تكتشف القصة. ورغم انو ما ممكن تتحرك بالسااهل ..لكن في زول تاني ساعدها في الجريمة دي واللي هو والد الطفل ...حنعرف لي قدام بكون منو؟. بالنسبة للطالبات. اجري الفحص عليهم كلهم ..والحمد لله. وجدوهن سليمات ((يا ربي احفظني وجميع بنات المسلمين) ).. اها جابو المشرفة عشان يشوفو دفتر الحضور والغياب ..يرضو. البنات الغايبات كلهن ديل شالن اذن خروج من الداخلية قبل وقوع الحادثة بي 10يوم .. اها تاني رجعو بحققو مع الطالبات واحدة ورا التانية ..عشان يعرفو الحقيقة ..اي غرفة يسالوهم. كم عددكم ..اسماءكم منو ..؟ الغايبة مين ومن متين ويقارنو الاسماء بالناس اللي اخدو الاذن. والموجودة تطلع اثبات شخصية .. لحد ما وصلو لغرفة من بين الغرف واقعة اخر غرفة في الصف. . كالعادة بعض الغرف في الداخليات. العدد بكون 10طالبات ومرات 8ومرات اكتر .. اها الغرفة دي بالذات الشرطة وجدت فيها 3بنات .. الشرطي سالهم من اسماءهم منو؟.. جاوبهو كلهم. في واحدة من البنات. الشرطي بسال فيها .. قال ليها اصلا انتو كم في الغرفة؟ قالت ليهو نحنا 8بنات وقبل اسبوع جابو لينا بنت استضافة
يتبع....
