.. اها البنت قالت ليهو وقبل اسبوع حابو لينا بنت استضافة ..ما بتكون قاعدة معانا في الغرفة. طووالي. رغم انها قعدت معانا اسبوع ما شفناها غير 3مرات . قال ليها يعني انتو كدة 9ماـ8 قالت ليهو اااي لكن الاصلين نحنا ال8والتاسعة دي اصلا وافقنا تقعد معانا عشان ما لقت غرفة فاضية ..ولمن مشت الادراة قالو ليها امشي شوفي ناس غرفة لو وافقو يسكنوك معاهم ..خليهم يكتبو تعهد وموافقة ..وبنخليك تقعدي معاهم .. وفعلا البنت جاتنا وحكت لينا وشكلها مسكينة شديد ..قلنا ليها خلاص يا اخت كلنا في داخلية وجابتنا ظروف التعليم وكلنا متغربين وبعيدين من اهلنا ..خلاص يا زولة اقعدي معانا ..ما عندك مشكلة. وفعلا البنت جابت. المرتبة بتاعتها وشنطة وملابسها وقعدت معانا ..وال3يوم الشفناها فيها دي ..ما بتتكلم كتير مع اي واحدة. قال ليها طيب وباقي البنات المعاكم لي ما كتبو تعهد ليها ..كتبتوهو انتو ال3بس. قالت ليهو اساسا ال 5بنات. في اجازة . سافرو اهلهم ليهم تلاتة يوم لمن البنت جاتنا ..وهم صحباتنا شديد لانو بنسكن مع بعض من اولي جامعه ..لحد نحنا هسه في رابعة. وعلي وشك تخرج. اتصلنا ليهم ..ووريناهم انو في بنت جاية تسكن معانا. والبنت مسكينة وما عندها مكان .. اها كلهن وافقن ..قالن لينا خلاص سكنوها .. وفعلا سكناها ...لكن انا لاحظت حاجة غريبة علي البنت دي؟ . الشرطي :لاحظتي شنو؟. قالت ليهو البنت دي علي طول بتكون لابسة التوب. ما بتطلعو نهاائيا رغم انو نحنا كلنا بنات. .لكن قلت خلاص اصلا بكون متعودة علي التوب ..لانو في ناس في بيوتهم م بطلعوهو وما اشتغلت بالموضوع كتير .... اها الشرطي سأل البنتين. الباقيات. قال ليهم وانتو ما لاحظتو حاجة؟ . في واحدة قالت ليهو .: البنت دي بتدخل الحمام كتير اكرمك الله ...وبرضو رجلينها مورمان شديد ..لحد مرات بتطلع الشبشب ما بتقدر تلبسو ... اها التالتة قالت ليهو:يوم انا جاية من الجامعه. المواصلات نزلتني قريب من باب الداخلية ..شفت البنت دي ذاتها ركبت في عربية برادو مع راجل ..لكن قلت احتمال اخوها ولا زول من اهلها ..دخلت الداخلية طوالي .. اها قال ليها اسمها منو البنت دي ومن وين؟ . قالت ليهو ..سالنها قالت اسمها زينة. لكن من وين دي والله م سالنها ..قلنا البنت جديدة بمرور الايام بنعرفها وم حبينا نكتر عليها اسئلة. قال ليهم اها وطلعت من الداخلية متين.قالت ليهو متين دي ما عارفاها ...لانو نحنا كنا نايمين في السطوح ..وهي خليناها نايمة في الغرفة ..قلنا ليها اطلعي معانا فوق قالت لالا ما بتقدر تطلع ..وقالت لينا خلوني بنوم براي في الغرفة ما بخاف ..اها خليناها ومشينا نمنا ..لمن صحينا زي الساعة 7كدة لقيناها مافي .. ما اهتمينا كتير ..قلنا احتمال عندها محاضرة بدري. لكن يا حضرة الشرطي ..لي انت بتسال من البنت دي بالذات .. قال ليها ..جاوبي علي حسب الاسئلة وما تتدخلي في شغل ما شغلك. . اها الشرطى خت علامات استفهام كثيرة حول البنت زينة دي بالذات .
يتبع.....
