شَغَف حُبچ

الجزء2

#شَغَف_حُبچ
البارت 2
همسات الليل(ام آيه)

مرت 3ايام واني بالخط الجديد...
گعدت من النوم دايخه واول ماأوگف اوگع ...صحت ماما وجتي ترگض عليه...
ماما...ماما...

ها رواسي شو لساتج بالفراش...گومي ترى حضرت الريوگ ....وابوج وعمار ديتريكون....
ماما دايخه فد مره من اوگف احس بدوخه...
اي هاي ماكو غير التهبت اذانج...من سبحتي البارحه وطلعتي بالطرمه وصلتي بيت عمج ضربج الهوى...

انتي عندج امتحان اليوم...
لا ماعندي...
دنامي لعد وبالتسعه اخذج للمستشفى وينطوج علاج...

ماما اگلج گعدي خالد ...وگوليله يخابر على الخط حتى ليمرولي...
شيگعده لخالد هسه ..واكيد قافل باب غرفته...
رواسي....ماما صيحي عمار خل يجي يرتب چربايته ويلم هدومه ودعاثيره الي بنص الغرفه...اني مابيه دايخه...
اي هسه ادزه بس يكمل ريوگه...

عمار...شبيج من الصبح بس تنطين اوامر...
شنو هاي دعاثيرك گالب بيها الغرفه گلاب ...رتبها قبل لتروح للمدرسه..
انتي رتبيها شبيج مكسره.....
ولك متشوفني مالي خلگ...
الله بلاني بيك بلوه...خالد خلصان منك واني المبتليه...
الام....شبيكم من الصبح بس تتناكرون...

عمار....ماما تدردم عليه ومتريدني انام وياها بالغرفه..
رواسي...شوفي گالب الغرفه ...ليش متوديله چربايته وغراضه وينام ويه خالد...
الام....رواسي نامي وسكتي انتي مو مريضه ...شگد لغيتي لخاطر الله...

ابو خالد....نجوى صوت الخط مال رواسي...
طلعي بسرعه حاجي الولد.... 
اي يمعود طالعه...من العجله طلعتله للولد لابسه برجلي تك وتك...

ام رواسي....صباح الخير ابني...
فهد....صباح النور خاله...
اليوم رواسي متداوم مريضه...واسفه منطيناك خبر لان خالد تعرفه تنبل وميگعد...

لا عادي خاله مصار شي عدها العافيه...
الله يعافيك وليدي مع السلامه ..

وحده من البنات....فهد والله احنه دنضايق من رواسي ودنوصل للدوام متأخرين...
نزلها وبعد لتمر عليها بالخط...
فهد....والله انزلكم كلكم وابقيها بس هيه..
البنات....شدعواك عمي شگلنا قابل...
فهد....اخت صديقي المقرب وامن بيه عليها ...
البنات...هي كلش خشم وشايفه روحها...
فهد....بگلبي اگوللهم(لا والله لان عاقله ومو من طبعكم متعجبكم)

فهد....انتبهت على نفسي شلون ضجت لان مجتي ومن حجوا البنات تنرفزت...
رواسي...ودتني ماما وانطاني الطبيب كورس ابر وحطلي كانوله...

فهد....حسيت اليوم فراغ بداخلي لان مشفت رواسي...معقوله مشاعري تحركت عليها ...
صارت ساعه 10 بالليل...وبقيت احوص اريد اعرف راح تداوم باجر لو لا...
واريد اخابر خالد ..بس بقيت متردد...اخر شي خابرت وشفتها عادي لان اني ابو الخط مالتها..
هلو خالد شلونك
هلو فهد بخير...شو محد شافك اليوم
والله ملتهي ....عندي شغل بالبيت ...اگلك خالد نمر باجر على اختك لو لا...
هسه اسألهم  فهد اصبر...