الشرطة القبض عليهم متلبسين بالجرم المشهود كلهم رفعتهم شرطة الاداب. وعلي مركز الشرطة طوالي. الضابط قبل يبدا معاهم التحقيق اداهم محاضرة في الشرف والاخلاق.واللي قالو ليهم : انتو ما خفتو ربنا من البتعملوفيهو ده ؟ما اتذكرتو انو الموت في اي لحظة يباغتكم؟ ما فكرتو في اهلكم؟ وانتو ما عندكم اخوات تخافو عليهن ..بتعملو في بنات الناس كدة لي. سال عمر قال ليهو بتوافق انو ولد يكون بنفس الوضع اللي كنت فيهو مع البنت دي؟ بترضي اختك تمشي مع ولد شقة مفروشة ومشبهوهه وكلها دعارة وسكر وقلة ادب؟ عمر هنا قاطعو "قال ليهو يا جنابو انا متزوجها لكن؟ قال ليهو بالله عليك وين القسيمة بتاعه زواجكم؟ قال ليهو ما معاي. في اللحظة دي سميةقالت ليهو متزوجين عرفي. هنا الضابط رد ليها. قلتي لي عرفي؟ عرفي ده في اي عرف؟ في اي شرع. ده عرفكم انتو اولاد اليومين ديل الله يقطع سيرتكم وانتو يا بنات حواء مصايبكم كترت الايام دي. البجيبوها ولدت وجدعت ولدها بالحرام والبتتزوج عرفي. انتو ده شنو الوصلتو ليهو ده من الانحطاط الاخلاقي . انا عايزكم انتو الاتنين جاوبوني؟ لي اتزوجتو عرفي؟ ادوني نص من القران او السنة الشريفة بحلل ليكم الزواج العرفي. بحلل ليكم انكم تمشو مع اولاد شقق وتنومو معاهم. ادوني دليل بحلل ليكم انكم تكذبو علي اهلكم . ادوني دليل بحلل ليكم المخدارات .. دليل بحلل السكر بحلل ما يذهب العقل .. ده كلو ما ورد في القران ولا رسولنا الكريم عليه الصلاة والسلام ذكره. وده حراااام شرعا العملتوهو ده ..زنا وفجور وبلاوي. انتو اكيد اولاد ناس وطالعين من بيوت كويسة. لكن للاسف ارجع واقول كل من اهلكم. ماافي رقابة من الام والاب. انتو رضيانين هسه بالعملتوهو ده ما خجلانين من نفسكم انتو عارفين عقابكم حيكون شنو . اول حاجة عندكم قضية مخدارات +زنا ..ولسه مصايبكم كتيرة. اها الضابط نادي. عسكررري. العسكري دخل وادي التحية. الضابط :سوق الجماعه ديل بالله حيشرفونا في السجن هنا اها سمية وزهرة قعدن يكوركن. والبكاء عجيييب ..عليك الله طلعنا نحنا ما بنقدر للسجن ..اهلنا لو عرفو بضبحونا. الضباط قام ع طولو قال ليهو خايفين من اهلكم يعرفو وما خايفين من ربكم الشايفكم وعالم بيكم. ما خفتو من الفضيحة لشنو لمن عملتو كدة. عسكري سوق البنت دي من قدامي بالله يلا سريع .. ﻭﻃﺒﻌﺎ ﺍﻟﻌﺴﻜﺮﻱ ﺷﺎﻝ التلفون وعايز يتصل لى اهلم
يتبع.....
