زوجتي الريفية

البارت الثاني

البارت الثاني
طلعنا ثلاث سيارت عمامي وخوالي واحنا .. مااخذنا ناس هوايه .. ابويه من النوع المسالم مايوم تعارك او احد اشتكى عليه .. وحتى اخويه واني بس الضروف خلتنا نوگع بهيج شغله وكولشي بقدر الله ..

وصلنا للقريه وسألنا ع بستان محسن الفلاح .. لان هو كان فلاح عند الناس ومن صار بستانه وحده هم مجاب فلاح هو وابنه وزوجته وبناته سووها جنه ..

المهم وصلنا البستان محسن الفلاح عبالك جنه صدوگ شنو الي بنفسك تلگيه بيها  .. وبنصهه باني بيت هم حلو يعني مبين حالته زينه ومتمكن ..

گعدنا وجابوا جاي .. واخوها كل ساعه وگام من مكانه عليه .. وكولشي مافهمت منه بس فرحه وعمامها يصيحون فرحه وابوها يصيح فرحه . شنو السالفه مافهمنا شنو هاي فرحه الي خابصينا بيها هسا اني لو شايفهه الهاي فرحه كان ارتاحيت هسا ..

عمي گللهم اشكد تردون اني حاظر بس خلونا نسد الموضوع ومانكبره ..

اشو ابوها طفر .. ومنو گلكم اني اريد فلوس فرحه هي اصلا كنز شايفين هذا البستان والعز الي اني بي كوله من فرحه .. لهذا ماكو فلوس تگدر تعوض كسرها وجرحها ..

ابويه .. يابه شتريد گول وفضها .. وترى علي ماقاصدها وهو هم مثل ابنكم ويدرس بمدرستكم يعني مو غريب. .

ابوها .. هاااا واگول وين شايفه اني يعني بعد السالفه اكبر صارت ..
انسان مثله مثقف ومدرس ويسوي هيج هاي جبيره .. لو جاهل جان عذرناه ..

عمي .. هاي عود ردت تكحلها عميتها ابو حيدر ..
ابوي .. بقى صافن مايعرف شيحجي يجبهم منا يطفرون منا ..
يالساعتين گاعدين وماكو شي ..
تالي طگت روحي گتله عمي انت شرايد فضها وگول ..

ابوها .. احنه فرحه انكسرت رجلها وحطولها بلاتين يعني بعد محد ياخذها من القريه لان هم ياخذون المره تفلح وياهم وتساعدهم خو ماتصفط وتگعد ..
وبما انه ابنكم سوا بتنا معيوبه .. يتزوجها هو….

عمامي وخوالي وابويه وحيدر بقوا هيج 😮😮😮😮
بس اني ماسكتت طفرت وگتله لاعمي خلوني بالسجن ارحم ..
عمي گعدني گلي اسكت ولاتحجي ..
وگللهم .. عمي قابل هي خروف وانعاب ومحد يشتريه .. هي بنيه ومره مكانهه ببيتها ومطبخها الا تطلع تفلح بالزرع .. وبنتك بعدها صغيره حرام تزوجها بهيج عمر ..

ابوها .. والله احنا هيج عدنا واخواتها اصغر منها وتزوجوا مو هي الي عبرة 16 وكنت مخليها يمي لان تجيبلي الخير حتى الدنيا خطبتها مني وبمهر غالي ومارضيت .. هسا بعد ماسمعوا بيها اندعمت منو ياخذها ..
هذا الي عندي عمي اذا ماتاخذوها تصير كاتل ومكتول نصاوب ابنكم ونعيبه مثل ماعاب بنتنا ..

ابوي طگت روحها وگام يحجي عليهم ورزلهم وهم هدوا علينا وسحبوا اقسام.. وعمي رافد. بالگوه هدأالوضع ..
اخر شي وگللهم خلص احنا موافقين بس انطونه مهله نرتب امورنا ونرجعلكم خبر .

ابوها .. خوش واحنا هم لمن البنيه تطيب وتوكف ع رجلها وتجون تاخذوها .. بس ها مااتنازل الا لمن تجيبون سيد. يعقد يلا ..

اني عصبت ع عمي وگتله والله مااتزوجها شنو تجبروني اني عفت بنات الجامعه كولهه تالي اتزوج فرحه ..
وگمت اضحك ع روحي 😂😂😂 اصوم اصوم وافطر ع بصله 😂😂😂
حيدر طلعني بالگوه بره وطاگ من الضحك .. عليه ويگلي  هههه اني سامع ياخذون فصليه بس ابد ماسامع ياخذون ولد فصلي 😂😂😂
واني عصبت عليه ..
علي .. اي طبعا تضحك عليه لعد انت شنو عليك اتزوجت الي تحبها الا اني راح يورطوني بهاي الطفله وتلگيها مو حلوه ..
لاتذكرني حيدر راح اطگ واموت ورربي ..
حيدر .. 😂😂
لشويه طلع ابويه وعمامي وخوالي ..
گلتلهم .. بشروا قنعتوهم ..
عمي رافد .. امشو للبيت ونتفاهم ..
ركبنا السيارات وطلعنا وحيدر الطريق كوله يحشش ..
واني معصب عليه وع حالي .. هسا اني شورطني بهذي البلوه ..

شويه وطلعوا عمامي وابوي .. صعدنا بالسيارت ورجعنا للبيت والطريق كله افكر .. بلكي اخلص من هاي السالفه هسا اني شورطني وي بنت الفلاح 😕
وصلنا للبيت دخلوا عمامي وابويه للاستقبال واني رحت للمطبخ ميت عطش ع گد ماعيطت وعصبت ..
تلگتني امي ..
هايمه بشر انحلت الشغله ..
اني .. شبشر جيتج مكشر .. بركسوها براسي بنت الفلاح ..
امي… فهمني يمه شسويتوا .
دخل حيدر وراي يتمضحك .. 😂😂 يمه جهزي نفسج حياخذون ابنج فصليه ..
علي.. حيدر 😡 الخاطر ربك كافي هسا وكت ضحك ..
امي .. شنو السالفه فهموني ..
علي .. ابوها معاند وميريد فلوس يگول الا تتزوجها لان صارت معيوبه ومحد ياخذها عبالك تكسي هي ..
رسل ورفل ومرت حيدر 😂😂😂 يعني صدوگ حتتزوجها

علي .. لو تنگلب الدنيا مااخذها مالي علاقه خلي حيدر لو ابويه يتزوجها .. اني بعدني شاب وحلو والبنات موتن روحهن عليه بالجامعه وماعبرتهن تالي اتزوج فرحه بنت الفلاح 😡
حيدر .. لا خويه اني متزوج وعندي مرتي تسوى 100 مره وحضنتها ..

امي .. لك امشي منا لا والله اروح اني ازفها بأيدي الك .. لك شنو تزوجها الابوك .. انت الي دعمتها وانت الي تتحمل

اسمع ابويه صوتي .. گام يعيط..  علي تعال هنايه واحجي مو گاعد تشكى الامك ..
شمس
يتبع ..