شَغَف حُبچ

الجزء7

شَغَف حُبچ
البارت 7
همسات الليل(ام آيه)

رواسي....مرت الايام وداومت
وگمت اشوف فهد بالخطف ...بس احسن من الماكو....
وخالد بعده متزوج الا من تنجح ريم...
بدت تدهور الاوضاع بالبلد..
وصارت بلبله بين الحكومه والعشاير..
ونهايه سنه 2013 ،
صارت فوضى بالانبار ودخلوا داعش وبدت تسقط المناطق وحده تلوا الاخرى...

العصريه ودگيت على فهد
رواسي...هلو فهد ....اني كلش خايفه شفت الوضعيه شلون تخوف ،وذوله داعش سووا بلاوي بسوريا...واحنه هم نفس الشي..
راح يسبون النسوان والبنات، واني خايفه..
والله اضرب روحي بسجينه ولا اسلمهم نفسي...

فهد...احجي وياها واهديها واني الف موته دموت من التفكير بيها وبخواتي وبمصيرنا المجهول...
لا حبيبتي لتخافين الله يحفظج ....شحده ليمسج والله اخذ لوزته...

رواسي...يله حبيبي راح  اروح ...ديصيحوني..
باي حبيبتي الله وياج...

ها ماما شكو شتريدين تصيحيني...
رواسي بدلي دنروح لبيت عمج غالب...
ليش شكو ..
بدلي ولتضلين تسألين..
بدلت ورحنه لبيت عمي ...وحالهم مو احسن من حالنه...الخوف والقلق باين على عيونهم...

وصار الحجي..
ابوخالد...ابو احمد اخويه اني راح اطلع من الديره واخذ اهلنا واروح لكربلاء يم اهل ام خالد...بين متفض البلبله، بلكت الشغله متطول...
ابو احمد...اني هم راح اطلع بيهم للشمال لان خايف على احمد...ديصفون بالشرطه..كله ذبح بدون رحمه..

ابو خالد...خوش لعد نطلع سوة نروح على الستراتيجي وعلى النخيب ويذبنه بكربلاء ومناك نتفرق...
ابو احمد....گدامنه يومين نرتب امورنه ونطلع..
رواسي...اني گاعده بس اسمعهم وعيوني حايره...وگلبي يوجعني على فهد ومينطي اعوفه هنا...

ابو خالد...احنه جايين اليوم وبما انو ريم نجحت وكاطعيلهم مهر ومكملين كلشي...
شتگول اذا باجر نلبسها بدله كدام الناس ونطلعها من بيتكم ...حتى ناخذها ويانا وتعرف هاي دنيا والظروف متتأمن...
ابو احمد...بنتك هاي تعال اخذها باجر ، والله البنيه بهيج ظروف صارت هم...خليها تستر بحضن رجلها احسن...

احمد....متطلع ريم من البيت الا تنطوني رواسي...
ابو خالد...هاي شبيك ابني...
اي عمي ،اني مااقبل واريدها تصير گصه بگصه....
احمد....مااضمن من تروح لكربلاء ويشوفوها ولد خوالها وخالاتها ويخطبوها...
ابو خالد...ابني اخذ حجايه مني البنيه الك..
احمد....اخذ البنيه واضمنها وارتاح....
خالد....شلون تاخذها وانت كلشي ممجهز ولا گاطع مهر....
احمد.... اكطع عليها مهر شيخ...و بعدين من نطلع منا ارتب وضعي كله...
رواسي...گاعده وغورگت عيوني.....مسويني مثل الطوبه يرفعون ويكبسون بيه...

ابو خالد....والله احمد انت زينة الشباب واحسن من الغريب...روح جيب الشيخ وتعال...

رواسي....راح احمد ...واني رحت اركض للحمام بعد مااتحمل..
طگيت من البجي ...شراح يگول فهد من يسمع...وين الوعد الي وعدته اله ...اندگ الباب عليه...