ابطال قصتنا مجاهد و محمد و سلمى و دعاء
مجاهد : مغترب في السعودية و يعمل صيدلي و زول وضعو ممتاز و هو شاب وسيم عمرو نهاية العشرينات و زول بتاع بنات
محمد : مغترب في قطر يعمل في وظيفة حكومية ممتازة و هو شاب وسيم و مسؤول
سلمى : خريجة جامعية تعمل في منطقة حكومية بمرتب كويس و زولة مرحة و الضحكة ما بتفارقها و جميلة و ذكية و فاهمة و ما حصل حبت قبل كدة و كانت مخطوبة خطوبة تقليدية و فسخت خطوبتها لعدم التفاهم مع خطيبها
دعاء : طالبة جامعية و متوسطة الجمال و زولة محبوبة
سلمى زولة نشيطة في الفيس و
داخلة باسم مستعار و كلامها بدل على فهمها و عقلها و مجاهد شاف تعاليقها في قروب و رسل ليها طلب صداقة و قال لازم يجيب راسها لانو هي زولة صعبة دغرية و دخل في تحدي مع واحد من اصحابو انو يجيب راسها و يخليها تحبو و هي علقت الطلب كم يوم و في يوم قبلت طلبات الصداقة المعلقة و من ضمنهم طلب مجاهد و مجاهد رسل ليها و دار بينهم الحوار
مجاهد : السلام عليكم
سلمى : و عليكم السلام
مجاهد : ممكن نتعرف
سلمى : الكلام دا سابق لاوانه و ما بعرف نفسي لاي زول الا بعد اعرفو كويس لان الشهرة متاعب 😂
مجاهد : ما مشكلة يا ستي ، خلاص بناديك باسمك الداخلة بيهو دا ( كانت داخلة باسم زهرة الصبار ) و حناديك بي زهرة
سلمى : كويس اي ناديتني كدة
مجاهد :انا مجاهد دكتور صيدلاني شغال في السعودية اعزب
سلمى : اتشرفنا كتيير
مجاهد : انتي ساكنة وين يا زهرة
سلمى : ساكنة الكلاكلة
مجاهد : انا كمان ساكن الكلاكلة
سلمى : صدفة غريبة 😂
مجاهد : قبيلتك شنو انتي
سلمى :جعلية
مجاهد : انا بطحاني و عندي صحبي قرا معاي جعلي يمكن يكون اخووك و ريني اسمك منو يمكن يطلع هو و نطلع عرفة جد
سلمى : لا ما اخوي 😂
مجاهد : عليك الله وريني اسمك
سلمى : .....
يتبع....
