في يوم من الايام اتصل على سلمى زميلها يوسف الكان اتقدم ليها قبل كدة بعد عرف الحصل ليها من رفيدة صحبتها و قرر انو يتقدم ليها لانو لسه عايزها و بحبها و دار بينهما الحوار
سلمي : الو السلام عليكم
يوسف : و عليكم السلام سلمى
كيفك انتي
سلمى : بخيير الحمد لله يا يوسف و انت كيفك و كيف الزملاء كلهم
يوسف : كلهم كويسين و الشغل فاقدك بس و منتظرنك ترجعي بس
سلمى : يا حليلكم لكن ما اظن اقدر ارجع بس سلم عليهم كلهم
يوسف : ان شاء الله يصل ، يا سلمى انا عايز اقول ليك اني لسه عايزك و الله و لو ما عندك مانع انا عايز الاسبوع الجاي اخطبك من اهلك
سلمى : انت لسه عايزني يعني !!
يوسف : انا عمري ما نسيتك و كنت حاسي انك حتكوني لي في يوم
سلمى : و الدموع في عينها انا موافقة و حاكلم اهلي و ارد ليك
كلمت اهلها و اهلها رحبو بيهو و وافقو و يوسف و اهلو جو يوم الجمعة و قلبو الفرحة بدل خطوبة عقد و حددو العرس في العييد و ربنا عوضها بزوول افضل من مجاهد بمراحل و قدر ينسيها مجاهد و حبتو حب كبيير و عاشو سعداء
و محمد و دعاء اتزوجو و عاشو
في سعادة و تفاهم و حب
و عايزة اقول ليكم يا احبائي انو قصة محمد و دعاء مقتبسة من قصة حقيقية و الفيس بوك ليس هو سوي مرآة تعكس شخصيتك.. تصرفاتك..كلماتك.. الفيس بوك الذي ليس سوي أنه حقيقتك مجردة..!!!! و في عالم الانترنت تختفي الاسماء و الاشكال و تظهر التربية
و نصييحة لاي زوول انو يتقي الله في تصرفاتو و انو الولد يخاف الله في بنات الناس و يدخل البيوت من ابوابها زي ما عمل محمد و يوسف و ما يعمل زي مجاهد الكان بلعب بمشاعر البنات و انت لو ما عايزهم ما تلعب بيهم لان الدنيا دوارة و ربنا يمهل و لا يهمل و كمان بقول لاي بنت انو ما تتنازل عن مبادئها و اخلاقها باسم الحب لان البحبك بالجد بخاف عليك و بجي لي ابوك و انو الجادي ظاهر جدا و اوعي تضيعي زمنك مع واحد ما اتقدم ليك و ما تصدقيهو الا يثبت حسن نيتو و يجي يتقدم لانو ممكن يحلف ليك بالكذب زي ما عمل مجاهد و كان بحلف بالكذب لسلمى عشان تصدقو وهي صدقتو و عشان كدة ما ترفضي زول عشانو و لازم تحسمي امورك معاهو من بدري و الخطوة الجادة مهمة في اي علاقة و انو ضروري الاهل يعرفو و تكون في النور و كمان هنا سلمى ما اتنازلت لكن في بنات كتاار بتنازلو و بغلطو مع الزي مجاهد دا و لازم اي بنت تخت في بالها انو الشرف دا ما الا تزني عدييل و حتى الكلام الكعب بخدش شرفك و انتي ما عندك غيرو و لازم تحافظي عليهو و تخلييهوو و تحفظيهو لزووجك حلالك و ما ترخصي نفسك و خليك بخيلة في مشاعرك قبل الزواج و خلي اي حاجة في وقتها لانو اي حاجة في وقتها احلى و مافي احلى من الحلال ☺☺☺
...... الـنـهـايـة ......
