#هروب_الى_الجحيم
بقلمى فردوس عبد اللطيف
الجزء الاول
القصه حقيقيه
بسم الله الرحمن الرحيم
انا فاطمه ابدى اسرد لكم قصتى
عمرى الان 4 سنوات لانى لا اذكر شيئا قبل هاهذا العمر تتكون عائلتى من ابوى وامى ونسكن بيت جدى بي عمامى متزوجين وعماتى قسم متزوجات وقسم بعدهن بذاك الوقت كنت طفله ما افهم الاحداث بس الى اتذكرة ...امى وابوى على طول يتعاركون ماكو تفاهم بينهم امى تصيح وابوى يضربهه بس على شنو ما اعرف كانو مختلفين بكلشي وعلى طول صياح وعرك وانى من اشوف العرك وامى تنضرب والى يضربهه ابوى اكرهم اثنينهم اروح اختل بزاويه الملابس مرات من الخوف اغمض عيونى والكى نفسي نايمه بالزاويه كثرة المشاكل بينهم اخر مرة ابوى ضربهه ضرب حيل وركع راسهه بالحايط حلفت يمين ماترجع طلعت وعافتنى وحدى بقيت ابجى محد يمى يواسينى ولا احد يكلى اشبيج
بعد كم يوم جوى خوالى تعاركو ويه ابوى وصار بينهم غلط وفشار
بعد تدخل بعض الخيرين اتفقو يطلقون لان العيشه بينهم مستحيله بس انى محد فكر بي شنو مصيرى وين اروح المهم فكرو بنفسهم اشلون يريحون نفسهم
ورة كم شهر اشو صار عرس بيتنا وابوى العريس انى كنت انام يمه اشو ودونى لبيت امى لاهلهه
كتلهم اريد ابقى اشوف العروسه
عبالى لعابه او عروسه مثل الى نشوفهن بالاعراس الى نروحلهه
لكن هذه عروس لابوى يعنى بعد ممنوع انام يمه
امى من سمعت ابوى تزوج بالبدايه انقهرت اشو وراها صارت تعاملنى غير معامله كانى اذكرهه بي
بقيت ابكى اريد اروح لابوى اشوفه ودونى يم بيت جدى
رحت للغرفه لكيت ابوى كاعد وزوجته الجديده يسولفون ويضحكون
زين ابوى ليش تغير على اشبي كان يحظنى يبوسنى
فاطمه روحى نامى يم بيبيتج زوجه ابوى تكلمت
باوعت على ابوى هزلى راسه سمعتى بابا بعد تنامين يم بيبيتج
رحت يم جديتي ...
امرأة كبيرة بالعمر نظرهه ظعيف دخلت يمهه بالفراش حسيت بالبرد اريد دفو اريد حضن حنان لا ام ولا اب كلمن يفكر بنفسه
كضيت الليل سهرانه منا شخير بيبيتي منا برد ماخذه الغطا ومخليتنى مكشفه اريد اروح للحمام
بيبي بيبي ...ها ولج فطوم شتردين
اريد اروح للحمام
ماترحين ياهو كاظج روحى وخمدى خمدت عليج طوفه
بقيت كاعده واتحلم اروح للحمام واخاف
لحد ما صار الصبح وصار الضوة رحت الا روحى طالعه
بقيت نايمه لان بالليل مانمت
ما احس الا دفرة رجل
فتحت عينى زوجه ابوى اسمهه ليلى
كومى ولج كومى ساعدينا بشغل البيت
انطتنى مكناسه وانى لا اعرف اكنس ولا اسوى شي
كنست اشلون ماجان
جتى ليلى لج هذا كنس
شوفى اذا مايصير مثل المرايه الحوش راح اخليج ترجعين تكنسي لو مئه مرة
عبالى اكنس من ورة خشمى وتعبر عليهه
كنست مرة ثانيه وثالثه
لحد ما صار كلش نظيف يالى عافتنى
كتلهه ليلى جوعانه
منو ليلى لج انى بكدج كولى يمه ليلى
صار اخاف منهه تخنزر بعيونهه تخوف
بقيت اسبوع طلعت روحى ورة الاسبوع ابوى كال يالى تحضرى اوديج لامج
فرحت كلت الضيم بيت خوالى ارحم من ليلى
ودانى لامى..رحت فرحانه تلكتنى امى اشو شكلهه متغير
ونسوان وهوسه وحفافه وتحضيرات
شنو الموضوع...لبسونى بدله اليوم عرس امج
انى هم فرحت اشوف امى يمكيجونهه ويلبسونهه فستان عرس وجتى مزيقه وسيارات ياخذون امى وانى فرحانه عبالى اروح وياها
اشو لزمونى خالاتى وامى باستنى وراحت
بقيت اصرخ وابجى اريد امى اريد امى
سكتونى وكلمن راح لغرفته بقيت ابجى لحد مانمت
للحكايه بقيه f
أنت تقرأ
#هروب-الى-الجحيم
Adventureطفله ابوهه وامها ينفصلون وكلمن يتزوج وتبقى وحيده وتهرب وتعيش فى ملجا الأيتام بعد غرق اخوها
