#هروب-الى-الجحيم

الجزء 6

#هروب_الى_الجحيم
بقلمي فردوس عبد اللطيف
الجزء  6
ذيج الليله كظيناها بجى انى والبنات بس نفسيا ارتاحيت من شفت وضع زينه تقريبا يشبه حالتى
كعدنا ثانى يوم نفس الوضع دوام ونرجع نظام بالملجأ والى يخالف يتعاقب العصر لازم نشتغل نظف السكن ونغسل ملابس وندرس لحد مايصير الليل ندخل للغرف كانهه عنابر سجن لازم نطفئ الضوء واجبارى ننام لكن احنا نبقى نسولف كل وحده تسرد قصتهه حتى ترتاح
سعاد ... احجيلنه اليوم عليج الدور دمعت عيون سعاد
شحجى انى امى ولدتنى بمستشفى العلويه للولاده وعافتنى وهربت طفله بالقماط اكو وحده ترمي ظناها لو ماكنت عار عليهه انى لقيطه
فاطمه....شنو يعنى لقيطه اريد اعرف
سعاد والبنات ضحكو وكانى غبيه وما افتهم شي
متعرفين لقيطه يعنى بنت حرام ...يعنى امى غلطت وتورطت بحملها ذبتنى بالمستشفى وانهزمت وكانهه ما مسويه شي كل يوم ادعى عليهه واكوللهه انت تغلطين وانى ادفع الثمن مجهوله النسب وشنو مصيرى ابقى طول عمرى اسمى بنت حرام لقيطه)
اختنكت سعاد وعافتنه وتمددت على سريرها يمكن المخده تستوعب دموعهه وتهون عليهه
سراب...احجيلنه انت شنو قصتج
انى سراب ...قصتى حسب ما روتهه الى الست لميعه بعد ما لحيت عليهه 
امى كانت تحب شخص وعدهه علاقه وياه
اتفقت ويه عشيقهه ان يقتلون ابوى ويسرقون فلوسه ويهربون
كانت جريمه مدبره على اساس عصابه حراميه يدخلون بالليل ويقتلون ابوى بعد ما انطته حبايه فاليوم بالشاى وخلته منهك القوى ميكدر يدافع عن نفسه وعشيقهه ضرب ابوى واخذ الفلوس وانهزم وامى انعدمت وانى محد يريدنى ومحد مستعد يربينى ذبونى بالملجأ كالحيوان ومحد يسأل على لا خوال ولا عمام صارو اهل الملجأ اهلى
هذه قصتى...وانت فاطمه احجيلنه قصتج
هاها لا انى ضعت من امى
طبعا اخاف احجيلهم ويرحون يحجون للست لميعه وترجعنى لاهلى
يالى بنات خلى ننام
تهربت من الجواب واحتفظت بالسر لنفسي
وبقيت افكر بكلمه لقيطه يعنى انا الان اعتبر لقيطه
بس عالاقل مكان يأوينى وهنا اكل واشرب
بعد مرور 5 سنوات بحلوهه ومرارتهه والمشاكل الى تحدث بالملجأ قصص كثيرة واحداث بس ما اريد ادوخكم بيهه لان اركز على قصتى والى صار بي
تغير شكلنه وصرنه بعمر مراهقه
كان شخص مسؤل بالملجأ يحاول يتحارش بالبنات ولكن اتفقنا عليه وفضحنا يم الست لميعه بالبدايه كلامنه محد يسمعه ولا يصدكونه الا سويناله كمين وخليناها تلكفه وشافته بعينهه يالى صدكت واكتفت بنقله لمكان اخر لان مرادت تضيع مستقبله
فد يوم اجتى وحده مرتبه ويه ست لميعه وباوعت علينه احنا البنات وكانهه تريد تختار وحده من عدنه
كالت بنات هاى ست نبيله تريد تتبنى وحده منكم
احنا هم كيفنه بلكى نخلص من السجن
اختارتنى الست نبيله من بين البنات وتبنتنى
الست نبيله تشتغل معاونه بمدرسه ومتزوجه وعدهه 3 اطفال وماتلحك بين وظيفه وشغل البيت يعنى اخذتنى خدامه بيتهه باسم التبنى
جمعت حاجياتى وسلمت عالبنات وبوستهم ودموعنه تنزل تعودت عليهم صارو اهلى جزء منى لكن اطلع للعالم المجهول لا اعرف ما الذى ينتظرنى ولكن لا بد من الخروج من القفص الى كنا بي
دخلت لبيت الست نبيله
بيت حلو بس مزعبل لان اطفالهه وكحين وميخلون شي بمكانه وهى تتعاجز تشتغل
اول ما دخلت انطتنى تعليمات
ممنوع تطلعين من الباب
ممنوع تشيلين سماعه التلفون من يرن كانت التلفونات ارضيه بوقتها
ممنوع تسبحين بحمامنه اكو حمام خارجى ترحين تسبحين بي ومن يكون زوجى خارج البيت
تعليمات اخرى واجباتى التنظيف الترتيب شغل من الساعه 7 الصبح لغايه 12 ليلا كنت كالماكنه اشتغل لكن بالمقابل كانت تشتريلي ملابس تخلينى اكعد اباوع تلفزيون اذا كنت مكمله شغلى تنظيف الجام والحيطان تطلعلى شغل من جوة الارض متخلينى اكعد كل هذا باسم التبنى حتى راتب ماتنطينى
مجتمع قاسي
بس هما ميعرفون قصتى صحيح مرت سنين ويمكن اهلى نسونى بس هم اخاف ارجعلهم واكرهم ما اريد ارجع للعذاب
بقيت محتفظه بالسر الى يخصنى ويخص اهلى ومحد يعرف
حتى من يجى العيد الست نبيله تشتريلي ملابس جديده احسن من اهلى الى كانو يتحسفون يشترولى فستان يفرحوني بي لذلك كنت اقارن حياتى بين ست نبيله واهلى اشوف هنا احسن من اهلى
بقيت تقريبا 3 سنوات تعودت عليهم وصرت وحده منهم كانو مرتاحين بوجودى ما اخليهه تتعب بشغل البيت اقوم بواجبي باحسن صورة واسمع كلامهه كبرت وصرت شابه وصارت العيون على
فد يوم جتى معلمه اسمهه الست ساهره صديقه ست نبيله كانت محتاجه مساعده من زوج نبيله لانه محامى وابن ساهرة سكير وابو مشاكل وفاشل ويركض ورة البنات وياخذ مصرفه من امه
من شافتنى ظلت تسال على
نبيله حجتلهه على منين جابتنى واشلون انى فايدتهه بشغل البيت
اشو ورة شهر اجتى ساهره تخطبنى لابنهه اسمه محمود...انسان فاشل ومحد تقبل تتزوجه لكتنى خوش صيده هم خدامه الصبح بالبيت وبالليل زوجه لمحمود افندى وببلاش
نبيله وافقت وزوجهه وافق بقيت انى محتارة
ظلت تقنعنى لازم اتزوج والزواج ستر وساهره صديقتهه وتعرفهه
انى ماكان الى خيار لازم اوافق
كتلهم خلى افكر
شدكون توافق لو تر
ه بكلبي كبرت بطني وانى هذا حالى يوم اتعس من يوم ماشفت يوم راحه بيت عيالى
للحكايه بقيه   f