محمد شاب حلو اسمراني وعنده لحيه عيونه خضر صف سادس مهتم بمستقبله بس البنات عاميات عينه
محمد:مثل كل يوم وكفت بباب المدرسه مال بنات بسيارتي الحديثه واشوف البنات يباوعون باعجاب
احب هل شعور وانغر اختار بكيفي الكل صيده سهله كدامي 😏 شفت بنيه جذبتني نظرتها البريئه عبالك طفله تعبانه مو مثل هل بنات الوكحه وبيضاها الي دوخني عبالك ثلجه وخدودها حمره من الشمس
تحديت روحي انو اجيب هاي البنيه واثبت لنفسي ماكو بنيه بريئه ...
رجعت للبيت بحكم معارفي من البنات الي بالمدرسه سولفت ويه وحده ع فيس لازكتلي كلت استفاد منها
محمد: هلوو
نور:هلا منين طلع الكمر
محمد : ردت اسال عليج اشوفج شلونج ملونج .... (واخذتنه السوالف حته اقشمرها)
محمد: نور اكو بنيه محجبه جانت واكفه بالباب اليوم وحدها جنطتها جينز وتنشال بتك ايد وشالها ابيض بي اسود شويه و.....
نور : امم ما اعرفها ليش تسال
محمد: لا هيج بس ردت اعرفها منيه اذا شفتيها وعرفتيها حاجيني
يله حب اروح اقره اني
نور : اوك يا حلو بس لطول الغيبه علينه
محمد : هههههه لا اكيد بس لتنسين شوصيتج
********
نور قزومه وجسمي متناسق وشعري طويل اشكر وعيوني صفر معجبه بمحمد بس مدايرلي بال
نور بينها وبين نفسها : اووف هسه هذا شلاكي عوبه باجر اشوفها منيه الماخذه عقله
نور :داومت ثاني يوم وادور ع بنيه الي وصفلي ياها ملكيت وحده بهيج مواصفات بالساحه الكل جنطهم حلوه وكشخه غلست وطبيت للصف
العلمه جانت دتشرح وانتبه بالصدفه ع جنطت ريم مثل الوصفها وبديت اقارن معقوله هاي العوبه الي حته ما حافه حواجبها ينعجب بيها الصاك محمد 😱😱😱
*******
نور: هلو ساره حبي شلونج
ساره: هلا حب زينه وانتي
نور : اووف شكد تحجي هاي المعلمه سطرتنه
ساره : اي والله شوكت نخلص منها حقنه
نور: اكلج ساره ريم هم عدها علاقه ب ولد من مدرسه الولد
ساره ضحكت بصوت عالي : ههههههههههاي منو هاي المرعبله ياهو الي يباوعلها ام الكتب تضل تسولفله ع امتحانات بس ليش تسالين
نور : اممم لا بس واحد سال عليها وكلت اسالج اعرفج تحبيها زايد هههههه 😉
(سالت ساره لان ادري بيهة تعرف كلشي عن ريم بس متحبها)
ساره سولفت لايات ع هل حجي وضلت تقلد ع ريم ريم انقهرت كلش بس مبينت هم ضحكت وياهن حته لتتفشل اكثر لان جانت بس تريد تختلط ويه البنات ومتبين روحها معقده مثل ميكولون عليها
ايات : ريم اليوم ننتظر بالباب اني وانتي اريد اشوف المعجب هلا هلا راح تنفتح بوجهج ولج 💃💃💃
ريم : دروحي بابا يا معجب اني مو مال هل سوالف
نور : اكيد مو مال هل سوالف انتي وين والحب وين شو لا تعرفين تحجين ولا حلوه هههههاي
ريم : (اتضايقت كلش من حجيها كلت لا اني شنو فرقي هم احب وانحب مدرت بال لساره حجيت ويه ايات ) اي حبي ايات اليوم نشوفه المعجب ليش لا 😏😏
وكفت بالباب مثل يوميه وكفت يمي ايات محمد حان واكف ضل يباوع لايات والي وايات تسويله حركات اشرلها ع كتاب تمشت ايات وانطاها كتابه حته محد يشوف بالشارع كاتب بي الفيس مالته ورساله كل هاي واني صافنه ع ايات شنو هل جرأه خرب اني جان متت قبل ما اخذ الكتاب
الرساله :-
هذا الفيس مالتي ورقمي للحلوه ام عيون السود
خفي علينه انتي ثلجه واحنه نموع من نشوفج بس انتي تكدرين تبردينه 😉😉
********
متت ضحك ع رسالته وايات هم كالت اخذي الرقم واحجي وياه لان ماعندج فيس اني اخذت الرقم ع اساس انو احجي وياه كبال البنات بس جذب اني اخاف من اهلي ماعندي هيج جرأه ...
