Naranasan mo na bang magselos kahit hindi naman kayo?
Yung tipong pag nakikita mo ang mga larawan nilang dalawa na magkasama, parang hindi mo maipaliwanag yung nararamdaman mo?
Yung may kurot sa isipan mo na sana ako nalang yung nauna, sana hindi ko nalang nakita tong picture na to, sana hindi ko nalang siya inistalk, sana hindi ko nalang siya nakilala ng ganito.
Napakahirap kumalma at itago sa kanya na nagseselos ka.
Nagseselos ka kahit hindi naman kayo kasi nga nasanay ka na laging nasa iyo yung atensyon at oras niya.
Nakikinig ka sa mga salitang binibitawan niya na hindi mo alam kung anong paniniwalaan mo.
Mahirap magselos at sabihin sa kanya na nagseselos ka lalo na't alam mong wala ka naman karapatan. Selos ay emosyong di mo mapipigilan.
Kailan mo kaya masasabi sa kanya na nagseselos ka?
Natural lang magselos kasi may nararamdaman ka para sa kanya pero hanggang kailan at hanggang saan ba aabot ang pagseselos mo?
