ليش يادنيا؟.

part 13

صفق راشد وفي هاللحظه دخلت الشرطه بسرعه ونوف انصدمت وحاولت تشرد بس قبل لاتشرد مسكها الشرطي من ايدها وحاول يسحب السلاح منها بس قاومت وفجأه ططاااخخخخ
نزل راشد ع الارض رافعت هند راسها لما سمعت صوت الطلقه وشافت راشد قاعد ع الارض وماسك جاتفه اليسار والدم ينزل فلتت نوف من ايد الشرطه وركضت برع تمت تركض تركض والشرطي وراها لين م اطلق ع ريلها وطاحت ع الارض وراح يركض صوبها اول م طاحت شافها خالد ونزل بسرعهه شلها وحطها فالسياره وتحرك وقف الشرطي مكانه مقهور ورد داخل شاف هند قاعده عند راشد اللي ماقدر يقعد وانسدخ والشرطه واقفين وراه يتريون الاسعاف
هند ودمعرها تنزل: راشد راشد تسمعنيي؟ انتي بخير صح
وتمت تضرب ع ويها بالخفيف فتح راشد عينه وشافها وابتسم
راشد: م عليج حبيبتي انا قوي اتحمل اخخخ
هند: راشد الله يخليك تحمل الاسعاف يايين "والتفتت للشرطه وصرخت عليهم" وويينن الاسعاف متى بسرععهه خل ايون "والتفتت لراشد مره ثانيه" تحمل تحمل الاسعاف يايين
اقل من ٥ دقايق و وصلت الاسعاف شلو راشد ف سياره وهند سياره كانت حاله هند مب اقل عن راشد تحملت جروح عميقه ٤ ساعات وجسمها يحرقها وايد بس يوم شافت راشد حست ان الالم كله راح والحين رد ، وصلو المستشفى بسرعه وهند بدت تفقد الوعي من الالم دخلوهم عمليات بسرعه

ف بيت بو حمدان "هو نفسه بوراشد"
كان حمدان منسدح فالغرفه ويفكر ف اخوه راشد واخته هند يفكر ب طريقه تجمعهم قطع حبل افكاره الفون يرن شاف رقم غريب ورد
حمدان: الو؟
الطرف الثاني: السلام عليكم الاخ حمدان خالد؟
حمدان بأستغراب: هيه نعم اخوي منو معاك؟
الطرف الثاني: معاك الاستاذ عبدالله احمد ال..... من قسم الشرطه
حمدان: ي هلا فيك استاذ تفضل امر؟
عبدالله: انت اخو راشد على ما اضن؟
حمدان بدا يتفذ صبره: هييه نعمم انا اخو راشد شفيه اخوي؟
عبدالله: اخوك مصاب ومعاه بنا ماقدرتا نعرف هويه البنت
حمدان: ششووو؟؟؟ مصاب؟ كيف مصاب شفيه؟
عبدالله: تعال مستشفى ال..... وراح تعرف كل شي هناك ، ولو سمحت ياريت اتيب معاك حد بس مايكون الوالد والوالده
حمدان بأستعجال: ان شاءلله ان شاءلله
وسكر منه بسرعه واتصل ع صديق طفولته
سيف: هلااا والله زين تذكرتنا واتصلت
حمدان: سيوف مب وقتك انت وين؟
حس سيف بجديه حمدان: انا فالبيت الحين بطلع بد..... "وسكت م حب يخبره عن اختفاء اختهم" ليش؟
تكلم حمدان بسرعه: خلك خلك بمرك الحين.....
قاطعه سيف: ليش؟
حمدان وهو يركب السياره: بتعرف بعد شوي ولاتخبر حد
سيف بأستغراب شديد: ان شاءلله!!
وسكر منه وراح لبيتهم ماطول وصل بسرعه لانهم نفس الفريج
وصل حمدان ولقى سيف واقف برع مشغول ف فونه دق له هرن وانتبه له سيف وركب السياره
سيف: السلام عليكم
حمدان: وعليكم السلام
سيف: ممكن تخبرني ي اخ حمدان شو صاير؟ لانك الصراحه وقفت قلبي
حمدان: اتصل علي واحد من قسم الشرطه وخبرني ان اخوي رشود فالمستشفى مصاب ومعاه وحده وماقدرو يعرفون منو ههييه
انصدم سيف وتذكر اخته على طول: انزين منو هالبنت ماعرفتوها؟
حمدان: لا هذا اللي فهمته من الشرطي والحين رايحين بنشوف شو السالفه
سيف: انزين ليش م خبرت امك وابوك عن رشود؟
حمدان: الشرطي قال هات معاك حد بس مب امك وابوك اتوقع عشان ماينصدمون
سيف: ان شاءلله خير بس وان شاءلله مافيه شي رشود
حمدان: ان شاءلله

.