#يالتراب-اخذت-الاحباب-ظلت-بس-صورهم

الجزء الاول

#يالتراب-أخذت-احباب-الي-وظلت-صورهم
بقلمي فردوس عبد اللطيف
الجزء الاول. القصه حقيقيه
بِسْم الله الرحمن الرحيم
اني ناظم مواليد 1965 اكبر اخواني ....عائلتي متكونة من 13 نفر الولد 7 والبنات 4 والدى شيخ عشيره نسكن محافظات الوسط (محافظه واسط) عائلتنه معروفه اهلي ابوي واخواني أغنياء تجار ميسوري الحال الا اني حظي قليل بهالدنيا علاقتي بأمي مو زينه أبد ماراضيه عني على طول مشاكل زوجوني مديحه بنت يتيمه هم حظها اسود مثلي اول ماجتي للدنيا أمها ماتت ومشاكلي ويه زوجتي مديحه على طول ماتخلص
مرحبا اني مديحه. اول ماولدت للدنيا امي ماتت ربتني عمتي .وابوي عافني ونسأل علي فد يوم عشت حياة الحرمان وكرهت الدنيا لكن من تزوجت كلت لازم اعوض أطفالي بحبي وحناني الهم واربيهم احسن تربيه بس زيادة الدلال يخرب ماينفع وبسبب مشاكلنه اني وناظم وعرايكنه الى ماتخلص فشلو أولادي بالدراسه
اني متدينة ومثاليته وما اقبل واحد يأذي أطفالي لان انحرمت من حنان الام والأب ردت أزرعه لأبنائي أنجبت 3 اولاد وتمنيت البنت تمنيتهه اخت وصديقه لان من حياتي بيت عمتي عبالي اخلص من اتزوج لكن ناظم شبعني ظيم وقهر
ناظم. انسان مريض معقد اناني صعب انسجم وياه اخوته حاسدينه على وهو ما مقتنع مره يكل مخليتلي سحر ومره يشك بي ودايما البيت هوسه ومشاكل بعد ماتمنيت البنيه وطلبتهه من رب العالمين واجتني بنيه سميتهه بشائر احلى بشرى تبشرت بيهه كانت بالنسبة الي اكبر فرحه فرحتهه بحياتي
بشائر....اني بشوره الحلوه المدلله محد يردلي طلب طلباتي أوامر عند بابا وماما يكولون تشبهني نيرمين الى تطلع بعمار كوسوفي بس هى طويله واني لا طولي متوسط
من فتحت عيني عالدنيا اني البنت الوحيدة على 3ولد امي من فرحتهه بي تسبحني يوميه وتغير ملابسي 3مرات باليوم وشعرى تحتار شتسوي تسريحات وأكثر شي كانت تسويلي كرون 2 بيبيتي عمته امي هي الي ربَّتها كانت غنيه وتعتبر امي بنتها كانت تشتريلنه ملابس وهدايا واني كنت اكثر وحده اجيبلهه نسميها امي العلويه
دخلت المدرسه صار عندي صديقات هواي اكثر صديقه احبهه شمس صديقتي واخت حبيبي أمير الى راح اسردلكم قصتي وياه
كنّا عايشين بمنطقه بعيده عن بيت جدي
جدي ابو راضي اسمه حازم الشيخ حازم شيخ فخد وجبير اخوته انسان كريم ونبيل وأخلاقه عاليه ويصير عن ابوي
من كثره مشاكل ابوي امي لحت على ابوي يشتري بيت يم بيت جدي وصدك جدي ساعدهم وحصلو بيت بصف بيته امي خلته يقترب من بيت جدي حتى ابوي ميأذيهه وجدي يحاسبه لان يعتبر امي يتيمه ولازم يساعدهه
اخواني الكبير أمجد والثاني فهد والثالث عماد
كانو يحبوني وعلاقتي بيهم زينه مرات ياخذوني لبيت بيبيتي ام ابوي هي تحبّني بس ماتحب امي ولا ابوي وعمامي ونسوانهم يسألون علينه ونحجيلهم على مشاكل ابوي وامي الي ماتخلص من اروح للمدرسه امي تأخذني بايدهه توديني وترجعني
كبرت وصار عمري 13سنه عدنه بالعشيرة هذا العمر يعني ناضجه وكبيره بديت اهتم بنفسي امي ماتخليني اشتغل بالبيت كل الشغل هي تشتغله متقبِّل واني هم تعودت ما اسوي شي
أمير ابن عّم الوي
مرحبا اني أمير مواليد 90 اصلي وأصوم وملتزم عائلتي متكونه من 12نفر والدي شيخ يصبحو حجي ابو راضي عائلتي متكونه من 6بنات 4ولد اثنين متزوجين راضي وعلي والبنات كلهن متزوجات ماعدنه بنيه تكمل متوسطه البنت توصل متوسطه يبطلوهه من المدرسه تبدي الخطابه تجيهه واحنا نشوف الزين ومناسب نطي
بناتنه تربيه عشاير حجاب وديانه والحجاب ماينزع امام الاقارب ممنوع المكياج بالطلعه
كلام ابو راضي واضح يكول ما اريد واحد يكول اليوم بنت الشيخ حازم اتحرش بيهه واحد او عاكسهه هذا كلامه كان يردده علينه
ابو راضي اني متدين اصلي صلاة الليل واخذلي فره عالبيت بيتي كبير بس الصاله 100م وداخل البيت 6 غرف ابني الكبير كان عايش وياي 15 سنه كنت اني اصرف عليهم لحد ما الله فتحهه عليه وانطيته 250م بالحديقه وبناله بيت
واستقر عندي 5 اخوان واخت وحده احنا ناس اهل مضايف وعز وخير ونعمه اني اصغر اخواني بس عندي حظ اقضي حوائج الناس وأساعدهم مشاكل العشيرة اني احلهه حتى المشاكل الي تصير بين اخواني ونسوانهم اني احلهه وأصرف من جيبي الخاص عالواجبات والكل تجتمع بيتي وعندي
للحكايه بقيه
فردوس عبد اللطيف. F