Para sa babaeng kukumpleto ng aking tula.

Para sa babaeng kukumpleto ng aking tula.

Gusto kong siguraduhin saiyo

Na bago tayo magtagpo

Isa na akong sasakyan

At ikaw ang magiging musika ko

Isa na akong matibay na saranggola

At ikaw ang pinakamatabigay na buntot ko

Sisiguraduhin ko rin

Na isa na akong pinaka-matibay na kandila

At ikaw ang pinaka-masarap na cake na papatungan ko

Ako'y magiging masarap at malamang lumpia

At pakiusap magsilbi kang purong suka na may bawang sili, asukal at paminta

Na sa ating paglalakbay

Ikaw ang mag sisilbing buhay ko

Mapabilis o mapabagay ang ritmo mo

Ay sasabay ako

Masaya, malungkot ang liriko

Ay kakantahin ko parin ito ng bung puso

Dahil ikaw ang musikang magiging paborito ko

At sa aking paglipad

Alam kong may panahon na babagsak ako

Ngunit hindi ako aburido'

Kasi alam kong ikaw ang magiging balanse ko,

Mapataas man kaliwa o kanan

Hindi kita bibitawan.

Sabay nating susuungin ang lakas at ingay ng hangin

Hanggang sa tayo'y sumayaw sa tugtugin

Dahil ang lakas at ingay ng hangin sa atin ay naging maaliwalas na tugtugin.

Tandaan mo,

Hindi lang ako nakapatong

Bagkus ako ang kandilang magtatanggol sa'yo

Pagliliyabin ko ang apoy na meron ako

Para sa mga taong mag tatatakang sirain ang pagkatao mo

Na bago ni pagpipira-pirasuhin ang tulad mo ay dadaan muna sila sa bangkay ko

At mangangako ako na ipagtatanggol at aalagaan kita hanggan sa may hininga ako

Hindi lang ako gawa sa gulay gaya ng karrots at monggo

Dahil isa akong spesyal na lumpia

na mayroong manok at keso na ibinalot sa pagmamahal ng magulang ko

At hinubog sa grasya ng Panginoong Hesu Kristo

At alam ko, sa pagtatagpo ng spesyal na lumpia

At pinaka purong suka na nanunuot sa anghang at sarap na may kasamang tamis at kakaibang lasa.

Na pag nalasahan nila ang ang ating pag-iisa

Ay magiging saya, inspirasyon at halimbawa tayo sakanila.

At panghuli, "Para sa babaeng kukumpleto ng aking tula."

Ako ang magiging haligi ng tahanan na ating ipapatayo

At ikaw ang pinaka-maganda, maliwanag at mamahaling ilaw na ikakabit sa tahanang ating mabubuo

Sa salita ng Diyos ang magiging malalim na pundasyon nito.

Para sa babaeng kukumpleto ng aking tula

Sabayan mo ako sa pagsulat ng kanya-kanyang kwento nating dalawa

Hanggang sa ang kwento natin ay magtugma

Sabay nating ipapahayag sa madla na sa pagmamahalan nating dalawa

ay maroong walang hanggang nakatalaga.

- Nagmamahal ang iyong pang habang buhay na kasintahan.