حبك قضيتي «الم مرضي »

البارت الاول «حياتي الرائعه »

كم هي جميله الحياه عندما تجد من تحب بقربك وهم سعداء تشعر انك تريدهم ان يبقوا سعداء وان لا تتغير هذه الابتسامه التي علئ وجوههم
:
:
:
:البطله :
مرحبا اني اسمي مريم عمري 20 سنه طالبه لغات مرحله ثانيه

عندي اخت اصغر مني اسمها سما عمرها 16 سنه وهيه بالمدرسه

امي ايسمونها ام مريم دكتوره نسائيه عدها عياده لان اني بنتها الكبيره ايسموها ام مريم
وبابا نفس الشي ايسمونه ابو مريم بابا يشتغل استاذ بكليه الطب

عندي صديقتي شمس هي من اعز صديقاتي ودائما تنصحني لان كلش عاقله ومثقفه ومعتبرتها اختي الثانيه
صديقتي بالمدرسه وبالكليه
وهذي هي عائلتي ☺

البطل :
مرحبا اني اسمي جلال عمري 22سنه واني بكليه الطب قسم الاورام السرطانيه مرحله رابعه ، عائلتي مكونه من امي هيه مدرسه خصوصيه من قبل كم سنه طبعا جانت مدرسه بمدرسه اعداديه ولكن قررت تتقاعد لان احنه ولدها صرنه كبار ونحتاج عنايه واهتمام هذي وجهت نضرها فصارت ادرس علمود تقضي وقتها

وابويه مهندس معماري عنده شركه مال بناء يعني حالتنه الماديه جيده

واخويه الاصغر مني اسمه كمال عمره 17 سنه

واختي الصغيره سرو اسمها اسرار عمرها 13. سنه وصدك اسم علئ مسمئ تعرف اسرار العائله كلها هههه هسه حتتعرفون عليها خلال القصه مشاكسه ومحبوبه والمدلله من الجميع لانها اخر العنقود

عندي صديق اسمه محمد اتعرفت عليه من المرحله الاولئ بالكليه والئ حد الان احنه اصدقاء صار اعز صديق عليه واقرب واحد الي احجيله كل همومي وهو نفس الشي
وهذي هي عائلتي 👍
:
:
:
:

مريم :
الان نعود الئ الماضي:

قبل سنتين
يعني قبل ما ادخل كليه كنت صف سادس اعدادي كنت اروح عند مدرسه خصوصيه حته تنطينا محاضرات اني ومجموعه من البنات يعني كروب
جانت عدنه حصتين بالاسبوع واول محاضره النه اتفقنه اني والبنات انو نجتمع عدها الساعه بالاربعه الضهر
اتحضرت واخذني بابا نزلني يم بيتهم
مجنت متأكده من مكان البيت بالضبط
خابرت علئ المدرسه وصفتلي بيتها وكالتلي اني بره البيت راح يستقبلج ابني واني ارجع بسرعه ما اتئخر كلتلها اوك
مريم : دكيت باب البيت طلعلي ولد شاب تقريبا اكبر مني بشويه كلتله مرحبا اني وحده البنات الي ادرسهم والدتك وكالتلي انتضرها وهيه هسه حتجي
جلال : اهلا بيج اي اتفضلي جوه انتضريها

انتهئ البارت
»الشكر موصول الئ مصممه الغلاف  NOOR_BR@
شكرا جزيلا لك