Corpus Data

Chapter 6: Suspects

Pumasok na si Frankiel sa loob ng bahay ng mga Sandoval. Inilibot niya ang kaniyang paningin sa loob at isang tao ang nakaagaw ng pansin niya.. Si Denver.. Napatingin naman si Precillia kay Frankiel at kay Denver, para siyang binuhusan ng malamig na tubig nang ma-realize niya pwedeng kahahantungan nang pagsama niya kay Frankiel. Agad na umigting ang panga ni Frankiel nang makita si Denver na agad din namang napangisi nang makita siya. Tumayo si Denver at lumapit kay Frankiel na unti-unti nang kumukuyom ang kamao. Di mapigilang magtaka ang dalawang matanda sa ikinikilos ng dalawang binata habang si Precillia naman ay di na alam kung ano ang gagawin. Base sa ikinikilos ng dalawa ay mukhang alam na niya kung ano ang mangyayari.

"Nice to see you... Cassidy." Sabi ni Denver na nakatingin kay Frankiel. Di na napigilan ni Frankiel ang sarili at kinwelyuhan ang lalaki. Di mapigilan ni Precillia mapatayo at napasigaw sa kaniyang isipan na 'I knew it'.

"Same here Roberts.." Sabi ni Frankiel na nagpakulo naman ng dugo ni Denver.

Sariwang-sariwa pa sa kanilang ala-ala ang mga nangyari nitong nagdaang taon sa kanila.  Akmang susuntukin na sana ni Denver si Frankiel nang may magsalita sa may pintuan.

"At anong ibig sabihin nito?" Naguguluhang sabi ng isang babae. Si Jamie. Di niya inaasahang magkakilala ang dalawang lalaking nasa loob ng kanilang bahay. Napatingin sa kaniya ang dalawang binata na magsu-suntukan na kanina at saka bumaling ulit sa isa't isa.

"Di ko alam kung pinaglalaruan lang tayo ng tadhana o sadyang nananadya ka Roberts." Sabi ni Frankiel sabay tulak kay Denver na bumalik naman kaagad sa kaniyang nakangising mukha at naglakad pabalik sa kaniyang kinaupuan. Nagkatinginan si Mrs. Geneva (lola ni Jamie) at Precillia nang makahulugan dahil sa maiinit na usapan ng dalawang binata. Mas lalo namang naguluhan si Jamie sa nakita niya pero ikinibit balikat niya na muna ito dahil sa paniniwalang problema nila 'yun at di na dapat siya makialam pa dahil mas malaking problema ang kinakaharap niya.

"Anong ginagawa mo dito?" Pagputol ni Jamie sa tensyong papalaki habang umupo siya sa single sofa na kaharap ng kinauupuan ni Mr. Geneva. Sa pagkakatanda niya ay di naman nila nilalakasan ang aircon pero sa di maipaliwanag na dahilan ay nilalamig siya. Siguro ay dahil sa sin-lamig ng yelong tinginan nina Denver at Frankiel na ngayon ay nakaupo sa single sofa sa magkabilang tabi niya.

"Talking to me?" Tanong ni Denver sabay turo sa sarili niya at tumango naman si Jamie bilang tugon. Inayos niya muna ang kwelyong hinawakan kanina ni Frankiel bago nag-salita. "Oh, I'm here to talk to all of you, except to him of course" Sabi niya sabay saby tingin kay Frankiel nang mapangasar at ibinalik ulit kay Jamie ang tingin. "about the case of your parents."

"Why? May update na ba tungkol dun?" Tanong ni Mr. Geneva sabay sindi ng kaniyang sigarilyo. Agad namang napatakip ng ilong si Jamie dahil sa usok na ibinubuga ng kaniyang Lolo.

"Yeah. We've found a four potential suspects through the CCTV footage before, during and after the crime happened. The most complicated part here is the CCTV camera attached by the entrance of this street -- which is Santan St. -- was corrupted." Sabi nito sabay baling nang makahulugan kay Precillia at Frankiel. Napansin ito ni Jamie kaya di niya mapigilang mapaisip kung anong kahulugan ng mga physical interactions nila na tila ba ay may nagaganap na cold war.

"Would you mind to tell the names of these suspects you've been talking about?" Tanong ni Mr. Geneva sabay buga ng usok kaya agad namang napatakip ng ilong si Jamie maging ang dalawang binata at si Precillia. Agad namang hinampas ni Mrs. Geneva ang kaniyang asawa at sinabihang itigil muna ang pagsi-sigarilyo dahil nagmumukha na silang may sunog dahil sa rami ng usok na pumapalibot sa kanila. Agad namang tumango ang matandang lalaki at saka lumabas para dun ipinagpatuloy ang pagsisigarilyo dahil ayaw niya raw na masayang ang sigarilyo niyang imported.