انتــي صغيرة على حبي

الجزء الرابع

صار يوم عرسي واني فرحانه مثل اي عروسه يمكن صغر سني مخلاني افكر بالعواقب المهم رحت للصالون وجان من افضل الصالونات ومن ارقى المحلات اشتريت بدله  اني احب البدلات البسيطه اختاريت بدله  تخبل نازكه وختاريت تسريحه مال شعر هم بسيطه وحلوة وطلعت كلش حلوة حتى ام الصالون كالتلي الله يساعدة هالليله لرجلج اني جمالي كله بعيني اني كل ملامحي حلوة بس اكثر شي بيه حلو عيني حتى اخويه جان يكلي دائما جمالج وحشي  يعني يخوف المهم  انوالمفروض  طارق يجي ياخذني من الصالون بس مااجه اجاني اخوو الصغير اخذني جان ضايج محجه شي طبعا بالصالون جانت ويايه مريم ومرت عمي استغربت مرت عمي ليش مااجه العريس لان المفروض هو يجي ادك عليه ميجاوب وصلت لبيت اهلي ودخلت وهلاهل وحفله جانت حلوة ورة ساعتين اجه طالع  يخبل لابس قاط اسود جماله رهيب و من دخل صديقاتي فتحن حلكهن  ماتن  وبعدها اخذني مقبل انروح لمصور كال اني جايب مصور بيتنه يطكنه صورهو عندة بيت بصف بيت اهله هو هذا الي رح نعيش بي  المهم طكينه صور ودخلت للبيت و مرت عمي ومرت خالي وخالتي علموني على هالليله ومن هالحجي وطلعوو واني كاعدة على الجربايه اجه اخذ موبايله وسويج سيارته وراح كعد بغرفه هاي الغرفه مشايفتها اني طلعت  هاي غرفته المكتب مالته باوعت عليه من الدرج استحيت احجي وياة رحت بكوة نزعت بدلتي وفتحت شعري ولبست دشداشه مال نوم بيضه كصيرة كلش وخليت عطر وعدلت مكياجي وجنت مترددة انزل ورة شويه سمعته صعد فوك وكف وجان يباوع عليه من فوك ليجوة بس ماااعرف جان يكلي شوفي اكلج انتي طفله مثيريني واني ازوجتج لااسباب رح اظلين ويايه سنه وبعدها اطلكج واني كتبتلج مؤاخر دكدرين ترتبين وضعج بي واي احد يسىئلج كوليله كلشي تمام وكدام اهلي واهلج نتعامل طبيعي والا قسم بالله ادمرج سمعتي وحسج عينج ادكولين شي لااي احد هي سنه رح تاكلين وشربين وصرفين بس مالج اي دخل بيه  وخاف عبالج دكولين لاامج اني اعرف   هذاك الوقت شلون انتقم منج وبمنوو ظليت صافنه معقوله هاي الليله عرسي وهذا الي عاالاساس رجلي هيج يحجي تخيلت نفسي بكابوس زين اني مااكدر احجي لااي احد لان اعرف  هو قوي وبكل بساطه يكدر ياذيني وشراح اسوي معقوله كابوس وهسه اكعد منه
يتبع ...........
#الكاتبه #روجمان