يوم الجمعه الساعه 10:00AM في بيت نوره وسلمان..
ابو مجيد (سلمان) : صاحبي ابو امير عرفتيه! توفى
ام مجيد (نوره) : الله يرحمه ويصبر اهله. مو كأنه هو الي قبل كم يوم جا عشان يوظف ولده عندك؟
سلمان : اي هو. الله يصبر زوجته و ولده.
بينما كانو يتكلمون دخل مجيد
مجيد : السلام عليكم..ابوي دريت!
سلمان : ايه ياولدي. الله يرحمه
مجيد : امين الله يسمع منك. والله صدمني الخبر
سلمان : صدمتي ما كانت اقل منك
مجيد : بس كيف مات؟
سلمان : مريض بالقلب
مجيد : الله يرحمه.
نوره : وين اخوك يا مجيد؟
مجيد : نايم يا امي
نوره : روح صحيه
مجيد : ابشري.
-
عائلة نوره وسلمان
نوره : الام، ام جميله لولدين تزوجت من سلمان بعمر صغير وعمرها الحين ٤٧
سلمان : الاب، عمره ٥٢ رجل عصامي وعنده ثروه حصل عليها من تعب يده. عنده شركه للساعات و سلسلة مطاعم مشهوره
شايع : الولد الاكبر، عمره ٢٧ وهو يد ابوه اليمنى. بعد كبر ابوه وانشغاله عن العمل قرر يفهم شغل ابوه ويدير اغلب الاشياء
مجيد : الولد الاصغر عمره ٢٤ بعيد عن مجال ابوه بالعمل قرر يتبع هواه ويتخصص طب
لمى : البنت الوحيده، عمرها ٢٠ متخصصه هندسه تصاميم بالجامعه
بكذا نكون انتهينا من عائلة سلمان و نوره الجميله.
-
دخل مجيد غرفه شايع وفتح الستاير
مجيد : اصحى!
شايع : .......
مجيد بصوت حاد : شايع!
شايع : هاا
مجيد : اليوم جمعه ياولد قوم!
شايع : بقوم
مجيد : لاتتأخر قوم تسبح يدوب تلحق على الصلاة
شايع : سكر الباب معاك
طلع مجيد وسكر الباب وراح لغرفة اخته وطق الباب
لمى : مين؟
مجيد : انا مجيد
لمى : ادخل
مجيد : صباح الخير
لمى : صباح النور
مجيد : ايش تسوي
لمى : ارتب جدول الجامعه مابقا شي وتبدا الجامعات. انت رتبت حقك؟
مجيد : خلصته امس
لمى : كويس
مجيد : سمعتي ايش صار بصاحب ابوي!
لمى : ايوه! شفت بالواتساب. الله يرحمه
مجيد : امين ان شالله
لمى : قوم خل ننزل نفطر ولا خلصتو بدوني؟
مجيد : لا توني جيت اصحيك واصحي الاخ
لمى : يلا اجل ننزل.
-
خالد : ايش قلت يا امير؟
امير : لا يا خالي خلنا هنا مانقدر نفارق بيتنا ونجي للرياض
خالد : انا بس ابي راحتك صدقتني الي يريحك انت وامك يصير
امير : معليه. احنا متعودين عالدمام وما توقع النقل بيغير شي
خالد : براحتك. انا ماشي اليوم للرياض متى ماحسيت انك بتغير رايك قولي
امير : ان شالله.
-
على طاولة الفطور
مجيد : امي اعطيني الخبر
نوره : تفضل
سلمان : هالولد الزفت وينه!
لمى : هذا هو جاي سمعت صوت الباب
دخل شايع وباس راس امه وابوه
شايع : صباح الخير
نوره : صباح الخير حبيبي اقعد افطر
جلس شايع قدام امه ويساره ابوه على رأس الطاوله وعاليمين مجيد وقدامه لمى
لمى : وين الي يقول بصحى بدري؟
شايع : اتركيني راسي مصدع والله
لمى : سلامتك
مجيد : شايع ليه مالبست ثوب وبعدها نزلت؟
شايع : ماني رايح الصلاه
سلمان : ليه عسى ماشر
شايع : مو قادر تعبان
نوره : شفيك حبيبي؟
شايع : راسي يا امي بس وجع راس
مجيد : عرفت مين مات؟
شايع : بسم الله مين؟
مجيد : ابو امير
شايع : ابو امير! الله يرحمه كيف توفى؟
مجيد : سكته قلبيه
شايع : الله يرحمه
سلمان : اليوم بنروح للعزى بعد الصلاه وانت ياشايع تجهز
شايع : ايش فيه! نسيتو سفرتي؟
سلمان : متى السفره!
شايع : ٣ العصر ولازم اروح المطار من بدري
مجيد : مايمديك تجي دقايق وتروح؟
شايع : اعذرني يا ابوي. ان شاء الله اذا رجعت بروح لولده بنفسي وبعزيه
سلمان : حصل خير
مجيد : قد شفت امير يا شايع
شايع : لا ما حصلت. ان شالله اذا جيت
مجيد : اها طيب.
-
امير : طالب جامعه سنه اولى عمره ١٩ سنه
شخصيه لطيفه وعفويه وباقي الوصف انت تكتشفوه افضل..
ام امير : شخصيه قليل ظهورها بالروايه.
-
هذا كان كل شي بالنسبه للبارت الاول. بارت قصير وتعريفي، رأيكم؟
