مشيت مريم شويه وسابت ميدو وهو واقف وبيضحك وقفت ولفت "موافقه على فكره " "انتى بتقولى ايه " "بقولك موافقه انت رجعت فى كلامك ولا ايه " "لا لا مرجعتش ولا حاجه " بصتله وضحكت ولفت ومشيت وهو واقف ومش عارف هيعمل ايه روحت مريم اول ما دخلت من الباب "كل ده يا مريم بتجيبى حاجات من السوبر ماركت " "معلش يا مامى ادينى جيت اهو هى سندس فين " "فى اوضتها انا هدخل احضر الغدا تعالى ساعدنى " "حاضر هدخل اقول حاجه لسندس وهاجى" دخلت مريم الاوضه بتاعت سندس "سندس سندس سندس سنددددددددددددس" "ايه يا بت يا مجنونه انتى فى ايه " "عايزه احكيلك على حاجه " "قولى بس براحه علشان افهم اتكلمى براااااااحه " "انا هتجوز" "لا والله بجد لولولولولوى " "يا بنتى انا بتكلم بجد " "بجد ايه ان شاء الله طب مين تعيس الحظ قصدى سعيد" "ميدو " "اه وبعدين ميدو مين اللى بيعلب فى الزمالك " "لا يا ظريفه شاب اسمه ميدو اتعرفت عليه فى السوبر ماركت وطلب منى الجواز وانا وفقت " "لا والله وانتى فاكره باءه انه هيجى " "معرفش بس انا مبسوطه وبعدين ده كيوت اوى وعسول " صوت من بره "يا بنات حد يقوم يساعدنى " "انا هقوم اساعد مامى وانتى خليكى فى سى ميدو بتاعك يا عبيطه "وحدفتها بامخده "رخمه اوى على فكره " على الناحيه التانيه من الحكايه ميدو دخل البيت "ماما يا مامااااااااااا يا حاجه ياللى اسمك ماما " "بتزعق ليه كده يا واد انت عايز ايه ؟" "مافيش يا ست الكل انا بس جبتلك الحاجه قولت طبعا لازم اجبهالك لحد عندك وكده علشان انا ابنك حبيبك المؤدب المحترم اللى بتحبيه ومش ممكن تقوليله لا على حاجه " "لا ممكن مش ممكن ليه يعنى من الاخر كده عايز ايه ؟" "عايز اتجوز " "لا والله طب مبروك "وسابته ومشيت "يا ماما انا بتكلم بجد انا عرضت الجواز على بنت قبلتها انهارده فى السوبر ماركت وهى وافقت" "تبقى مجنونه زيك وانا عايزه واحده عاقله ليك مش تبقو انتو الاتنين مجانين كده " "ومين قالك انى عايز واحده عاقله وبعدين والله شكلها بنت ناس وهو انا ناقصلى ايه ما انا عندى شغلى وعندى شقتى وبصرف على نفسى من ساعه ما بابا اتوفى الله يرحمه يبقى مش نقصنى حاجه يا ماما تعالى ونبى ونحدد معاد ونروح نخطبها ونبى ونبى ابوس دماغك مووه ابوس ايديكى موووه" "خلاص حدد معاد وهنروح بس نتعرف مش خطوبه فاهم " "ايوا باءه كده يا عشعوشه انا عارف عمرك ما تزعلنى " "يلا يا مجنون اهو لو اتجوزت ممكن تعقل وارتاح منك " "احببتى يا ماما " ودخل اوضته يكلم اسلام صحبه "الو يا زفت فينك من الصبح" "كنت بجيب لماما حااجات من السوبر ماركت يا عم دوختنى " "ماشى يا حلوه عقبال كده ما تخدمى فى بيت العدل " "ليه يا عم فاكرنى زيك ولا ايه ههههههههههههه" "وانت تعرف تكون زى يا واطى " "المهم يا ابن الزنانه عايز اقولك خبر لانج هتندهش " "ادهشنى " "انا هخطب " "وحياة امك " "هتقل ادبك ؟" "ده انا هقل منك انت شخصيا وانت ياخويا بتحب وهتخطب ومش قيالى " "ياعم لا مرتبط ولا زفت ده انا قبلتها فى السوبر ماركت دلوقتى وطلبت منها الجواز وهى وفقت " "انا مش فاهم حاجه " "مش مهم تفهم يلا انا هنزل على الكافيه علشان اشوف الشغل انزلى ونبقى نتكلم لما اشوفك ماشى" "ماشى يا مان " نزل ميدو واسلام الكافيه وميدو فهم ميدو كل حاجه "تصدق انك عيل مجنون والبت دى اجن منك " "اه ما ده اللى عجبنى فيها ولمضه كده ولسانها طويل " "انت اهبل يا ميدو ؟ يا ابنى ده جواز " "يا ابنى ما انا هعمل خطوبه يعنى 3 شهور كده ولا حاجه" "3 شهور ورحمه ابوك انت مجنون " "خلاص باءه متبقاش خنيق انا ما صدقت انا ماما وفقت " "ما انا عارف ان امك اصلا دمغها مفوته من زمان " "خلاص باءه يا زفت لم لسانك انا هخطبها هتبقى معايا ولا ايه ؟" "معاك طبعا طب خلاص كلمها بقى علشان تحدد معاد يا عريس" "اكلمها ؟" "اه مالك سهمت كده ليه؟ " "اصل اصل اصل يعنى ................." اسلام قاطعه "اصل ايه ما تنطق" "اصلى معيش رقمها " "نعم يا خويا " "يا ابنى بقولك اتعرفت عليها فى السوبر ماركت نسيت يعنى طبعا اقولها هاتى رقمك " "اللهم طولك ياااااا روح " "طب هتعمل ايه يا ازكى اخواتك " "بص هى اكيد ساكنه هنا يعنى انا هروح بكره السوبر ماركت تانى واسال وكده لحد ما اعرف بيتها فين " "ماشى ربنا معاك " على الناحيه التانيه من الحكايه "ايه يا مريومه بتفكرى فى ايه " "مافيش يا سندس " "مالك يا بنتى مركزه كده فى ايه ومكشره " "مش مركزه انا بفكر " "ايوا وبعدين بتفكرى فى ايه " "هو فعلا ميدو ممكن يجى ونتجوز ؟" "يارب ارحمنى يا بنتى ده شاب عبيط زيك لاقى واحده هبله زيك برضه راح هرج معاها بس بما انك عبيطه وهبله فى نفس الوقت فا صدقتى بس هى دى الحدوته " "يا بنتى والله كان شكله بيتكلم بجد انا حستها اوى يا سندس " "اللى يشوفك كده يقول انك عمرك ما حبيتى ولا اتحبيتى " سكتت مريم وبصة لسندس بصة عتاب سندس حست انها غلط "والله يا مريم مكنش قصدى انا اسفه بس فعلا اصل اللى يشوف كده يقول انك عبيطه ما صدقتى حد يقولك عايز اتجوزك" "خلاص يا سندس قفلى على الموضوع ده " "انتى زعلتى ؟" "مهما العمر عدي بيا يا سندس عمرى ما هنسى عمر مش علشان بحبه لسه صدقنى انا نسيته بس علشان مر الخيانه عمره ما بيتنسى حتى لو عدى سنين بس انا معرفش ليه ارتحت لميدو اوى حساه طيب " "خلاص يا سيتى لو كويس يارب ميكونش بيهزر ويجى يتقدملك بجد دى تبقى حكايه ههههههههههههههههههههههههههههه" "اه تخيلى باءه حاجه رومانسيه خالص" "طب نامى باءه علشان انا عندى شغل بكره " "اوك يا حببتى تصبحى على خير" ونامت مريم وهى بتفكر فى ميدو مش عارفه ليه بتفكر فى كده كأنه قشه بتتعلق بيها مع ان عدى على موضوع عمر اكتر من سنه الا انه لسه مأثر فيها اوى فعلا الخيانه عمرها ما بتتنسى لانها جرح صعب الواحد ينساه وكمان عمر مكنش اى حد فى حياة مريم ده اول حب فى حياتها علشان كده كان اصعب وهى متعرفش ليه حست انها هتلاقى فى ميدو اللى ضاع منها مع ضياع عمر منها ؟
