"Pag-ibig" by Nhice
Pag-ibig na ipinagdarasal,
pag-ibig na hinihintay ang bigay ng Maykapal.
Pag-ibig na isasakripisyo ang lahat,
pag-ibig na sasagipin ka sa bawat oras.
Pag-ibig na kayang ipagsigawan sa lahat,
pag-ibig na aalalay sa'yo bawat oras.
Pag-ibig na hindi masukat,
pag-ibig na aabutin ang inyong mga pangarap.
Pag-ibig na maraming pagsubok,
pag-ibig na hindi susuko.
Pag-ibig na milya-milya man ang layo,
pag-ibig na paglalapitin ang inyong mga puso.
Pag-ibig na pupuno sa'yo,
pag-ibig na patuloy ipapadama sa'yo.
Pag-ibig na wawasak sa'yo,
pag-ibig din ang sasagip dito.
Pag-ibig na tunay at tapat,
pag-ibig na hindi basta-bastang matitinag.
Pag-ibig na iyaalay sa Maykapal,
pag-ibig na panghahawakan habang buhay.
