رواية قسمة ونصييييييب 🍁 🍁 🍁
الحلقة 17 🌟🌟🌟
بعنوان { ♡ خفايا الماضي ♡}
رحمة ادجهز في الاكل مع الطباخة اتحط في الشوكات والملاعق وكل شوية تمسح في دموعها
خش مصطفي للمطبخ وهوا سارح .
رحمة : خيرك حبيبي شن فيه ؛ رواد فيه حاجة .
مصطفي : ساكو لو سمحتي جهزي الصفرة برا وخليني اني والمدام اشويا .
رحمة : خوفتني شن فيه .
":":":":":":":":":":":":":":":"::":":":":":":":
ماجدة : كلكم قاعدين علي لحم بطنكم من الصبح بروا قعمزوا وتوا انسخنوا العشاء وانجيبوه .
سليم : واللهي حالة وخلاص من اللي ليه نفس ياكل ولامار بهادي الحالة .
ماجدة : لالا مادقولش هكي الكل بيأكل وبدون اعذار .
يلا ياكنايني ويابناويتي خشوا للكوجينة خلي انجهزوا العشاء .
واقفات النساوين يعولوا في الكوجينة كل مجموعة علي حاجة .
وماشاالله الكوجينة كبيرة وفاها باب يطلع علي الجنان حاطين فيه الطناجر ويسخنوا برا عاد ادقولي عرس .
[دار حوار سري بصوت واطي وهما يوتوا ويحوسوا ]
فاتن ( مراة عبد الفتاح ):) ياخسارة تعبنا من الصبح واحني انطيبوا .
سعاد (مراة خليفة ) : اسكتي وخلاص رجليا ابدوا يسطروا وراسي قريب يتفجر هذا سلفي مصطفي الله يسامحه وخلاص قالنا من امس مش خييير ؛علاش التعب .
سلاف (عمة لامار ) : عاد احني طيبنا بازين 《 آكلة مشهورة في غريان 》وكسكسي بالحوت ،ومكرونة بشاميل ، وفطائر محشية بالمشروم والجبنة ، وسيخ كباب ، وسمبوسك بالبطاطا ،وامبطن ؛ والحلو درنا بسبوسة ، وكنافة .
فاتن : يلا معليشي تعبنا مع ربي مايريحش .
حميدة : لكن صخفتني لمورة واللهي مسكينة كانت تحسب فيهم باليوم باش يجو .
سعاد : تي النبي فكيني واللهي الا تسهويك ودلع بنوت وممي زاااايد .
سلاف : علاش ادقولي علي البنية هكي حرام عليك شن اللي شافاته اشوية .
سعاد : تي النبي فكيني كله اديره امها هيا السبب تي اني اهو صغاري كبار مانخليش فيهم بروحهم وهيا امسيبتهم صغيرين هذاكا اليوم وتلود من تركينة لتركينة نبييين جابت الهم فوق راسها وروسنا من هذاك اليوم واحني صاير فينا حالة .
فاتن : واللهي لامار عسل واتهبل وماتستاهل اللي صار فاها.
حميدة : باهي علاش ماتجيش رحمة واتعيش مع بنتها اهني وماتخليهاش بروحها .
سعاد : تي خيرك انتي ماتقدرش اتسيب مصطفي ، وهوا مريض ويعاين خايفين عليه بشكلل ، كان بتسيبه منو بيه غادي ومن بيعانيه .
سلاف : واللهي مسكين حتي هوا مابعده .
سعاد : ماشفتيش عمتي امبكري كيف ترعش عليه رعيش وقالت لي سلفي صلاح مايقولاش علي لامار ؛ والله ياكبدي كان يندري لما يطب ساكت .
حميدة : واللهي قطعولي قليبي واللي صار فيهم مش عادي .
سلاف : لكن حتي انور زودها ماكانش المفروض يكلمها توا معقولة مايقدرش يؤجل .
سعاد : الوليد كبيدته ممروته ليه 4 اسنين وهوا بعيد علاها تباهي اللي ماخطفهاش وهرب باها هوا .
فاتن : ههههه والهي ماتتحشمي انتي ؛ لكن تعرفي مادابيا يسيبها خلي ناخدها لولدي نائف بالك تهديه اشوية .
سعاد : هوا انتي ولدك ناقصة هداية تي حتي من اللحية طالقها ادقولي اجدادنا القدماء هذا بري خوديله واحدة منحرفة بالك تخليه ينحل اشوية .
ماجدة : ياسر توشويش وكملوا اللي في ايديكم بسرعة .
الكل : حاضر .
":":":":":"
نورا : اااااااااااخ علييييك ياوليدي
مفيدة : واللهي صخفني كسرت بخاطره الوليد .
مروة : هيا رآيها واضح من البداية من الاول انهت كل شيء لكن هوا قعد معشم روحه شن بديرله هيا .
احلام ( عمة لامار الصغيرة ) : ياحبيبتي الولد من حينت مافتح عيونه علي هالدنيا وعارف انه لامار ليه وانها عروسته المستقبلية تبيه توا لما كبر وابدي بالشناباته ينساها .
نورا : واللهي لامار الحق ياربي نحس فيها بنيتي اللي ماجبتهاش واللهي العظيم واني لاني انحبها نباها لانور مش لان ولدي لكن لانه يحبها حب غير عادي وحيسعدها ويهناها واني في اقرب فرصة حنكلم امها وباها وحنخطبها رسمي .
مروة : والله كان تسمع بيك لامار لما تقتلك كيف تكلمي باها قبل ماتشاوراها .
نورا : لا اكيد حنشاورها عاااد اني مانقدرش اندير حاجة من وراها .
مفيدة : بالله عليكم انتم في اما عالم مش عايشين معانا انتم ولا شن القصة مش توا البنت كانت تعيط عليه عياط تبيه يطلع وادقوله مانحبكش ومانبيكش .
احلام : بالله غيروا الموضوع
أنت تقرأ
قسمة ونصييييييب 🍁 🍁 🍁
Romanceروايتي باللهجة الليبية انا فتاة في سن المراهقة عمري 17 عاما ........ لعبت بي ايدي القسمة والنصيييب وكأنني لعبتها المفضلة ....وضعتني امام الهاوية ...لارمي بجسدي الممزق بها .......لم اعد اعلم ماهو الحب ......ولا كيف احمي نفسي منه ...........وهل فعلا...
