قشرت ليكم ... اه شفتها كيف رأسها فاضي ما زي سماح تقيله ورزينه ....ما اشتغل لؤي بكلام حبوبته لانه عينو كانت ح تاكل ساره بعيونها وكان معجب بجمالها ولا الغمازات ألفي خدودها وبياضها الكان عامل زي لون القمر ولا جسمها البجنن بس ساره كانت من النوع البتحب تهظر وتضحك بس قلبها ابيض زي الحليب رغم انو بعض تصرفاتها بتثبت عكس الجواها .... وجو مارقين وركبت الحبوبه بقدام ودا طبعا ما جاء علي هواء لؤي ومشو علي شارع النيل وقفو شويه وبعدها مشو شربو عصير في محل في الرياض وهنا اتلفتت الحبوبه وقالت ليهو وينو عشاك يا ولد ح تقضيها لينا لف في الشوارع ...ههههه لا طبعا بس رائكم شنو نمشي نتعشي في السلام روتانا ... نطت ساره وقالت واووووو ياخ نفسي امشي الفندق دا من زمان .... بس كدا من عيوني انتي تآمري .... بس يا لؤي هدومي ما قدر كدا كيف ادخل مكان زي دا كدا .... ولا يهمك هسي بنمشي نختار احسن لبسه من المحلات ألفي الرياض رائك شنو ....بالجد يعني ممكن .... طبعا ممكن ....بس هنا الحاجات غاليه ...اتلفت ليها وقال الغالي برخص ليك نحن عندنا كم ساره .... يسلمووووو يا احلي ولد خاله بس ما عاوزه أكلف عليك .... مخير الله والأدب النزل عليك فجاءه دا من وين وتاني شي اشتريتو الهدوم اه يا ام لسان ح تلبسيها كيف وريني وانا اذا رجعت البيت ما بطلع تاني .... صاح يا لؤي ح أغير وين .... ياخ في محل بعرفو عنده غرفه بقيسو فيها عادي الناس الهدوم البشتروها لانه عندهم قوانين مافي ترجيع ... يلا طيب منتظر شنو وحرك العربيه ومشو واختارت احلي بلوزه وأحلي جيبه ودخلت غيرت وعاينت لي نفسها واتكيفت وجات مارقه ولؤي اول ما شافها صفر صفاره كبيره والحبوبه تعوج خشمها ساي وحاسب لؤي وجو مارقين بس الحبوبه حلفت ما تركب ...حبوبه يلا مالك وقفتي ...ما بركب الليله نهاي ... ليه في شنو انتي مَش قلتي عاوزه تتعشي ... اي قلت ...طيب أرح .... لا ما متحركة من مكاني دا تشتري ليها كل الحاجات دي وانا حبوبتك يا وسخ ما فكرت اني كيف ح ادخل المكان القلتو عليهو بتوبي دا ...بس يا حبوبه توبك حلو وجديد ... اسكتي انتي في واحد اتكلم معاك هسي ...طيب يا حبوبه انتي هسي عاوزه شنو ...عاوزه لي توب طبعا وشبشب طقم التوب .... طيب هنا في محل تياب قريب ...والله يا لؤي في بس يعني حبوبه توبها ما محتاج تغيره ...يعني يا ساره انتي ما شايفه كيف راكبه رأسها يلا ياخ نشتري ليها ونخلص الساعه عشره هسي ... يلا يا سيدي ....
🏃🏃🏃🏃🏃🏃🏃🏃🏃🏃🏃🏃
اه يا خال انا ونزار طالعين ...وين ما تقعدو تتعشو معانا ... ابوي انا عازم حسام علي العشاء برا ... طيب يا سيدي امشو بعافيتكم ... ندي سمعت الكلام من هنا واتشبكت فيهم الا تمشي معاهم ...ياخ دي عزومه اولاد انتي وين ماشه ...بمشي بمشي بمشي ... يا ابوي ما تشوف بتك دي ...خليها تمشي معاكم هي وبت عمتك يغيرو شويه ....ياربي جيتك تحلها جبت لي وحده تانيه كمان ....خلاص يا نزار خليهم يمشو معانا يلا ما تضيع الوقت ..... وفعلا قعدو في العربيه مستنين البنات يلبسو ويجوهم وفعلا خلصو البنات لَبْس وجو طالعين يضاحكو وركبو معاهم في عربيه نزار وخلو عربيه حسام عند بيت جده ... اه الوجهه وين .... شنو رأيكم تمشو السلام روتانا ... والله فكره وكمان بالمره نوري حسام الحاجات الحلوه ألفي بلدنا ....بلدنا حلوه بكل حاجه فيها تصدقو هي احلي من لندن .... ههههههه ههههه هههههه الكل بقي يضحك لانه مافي وجه مقارنه .... بس حسام كان جادي مافي زول بعرف قيمه البلد دي الا يطّلع منها في النهايه سودانا حلو ومافي زيهو وتعالت الونسات وهم ماشين وحسام من جاء من لندن مافي طلعه طلعها من غير ساره هي الورته الشوارع والأماكن كانت رفيقه دربه يا ريت لو كانت معانا
أنت تقرأ
للحب كلمة
Romanceالي كل روح فارقت الحياه بسبب السرطان والي كل مريض يعاني من ويلاته والي كل مريض يعالج الان بالكيماوي والي كل طفل انحرم من طفولته وأنهك السرطان جسده البرئ والى كل انثى تساقط شعرها بسببه وفقدت جمالها والي كل اب انحرم من ابنه ولا بنته والي كل ام اتوجعت...
