حسام طلع يشوف التشطيبات النهائيه لي عيادته هو وندي بعد ما اتفق مع الكل انه اليوم ح يوديهم روتانا حتي خالتو محاسن ح تمشي وخالد قالو يعملو عزومه لي خالد لوداع العزوبية لان العرس بعد اسبوع ... ومحاسن مشت جابت خدره من السوق وجابتها للحبوبه تنقي فيها .... ساره يا قاشره تعالي نقي معاي ينقو ليك شعرك من القمل ان شاءالله جات ساره وهي بتضحك وبقت قاعده تنقي مع حبوبتها الملوخيه وهنا جات داخله تهاني .... ازيكم يا ناس يا تقيانه .... تهاني ازيك وكيفك وكيف امورك والله ما تقي ولا شي انتي عارفه العرس قرب وراسي جايط .... عاينت ليها الحبوبه وقالت منو المفروض يجي لي التاني نحنا عندنا عرس مفروض تجي علينا وتسألي اذا ناقصنا شي ... خالتي السره ازيك ومشت سلمت عليها وقالت ليها والله معاك حق بس انا ما كنت مسافره عشان تعرفو أنكم حتي ما فقدتوني ...جات عليها محاسن وقالت ليها بري والله ما عارفين وانتي مالك ما قلتي انك مسافره ... قعدت تهاني بعد ما سلمت علي ساره وبدات تنقي معاهم الملوخيه والله يا محاسن ضربو لي بالليل انه ابوي عيان والصباح طوالي سافرت ... كَر عليهو سلامته ماله ان شاءالله يكون مافي شي خطير ...جلطه والله بس الحمدلله عدي منها ... لا والله الف سلامه عليهو ...سلامته يا بتي ان شاءالله هسي احسن ...لا كويس الحمدلله بس تعالو قولو لي عملتو البيت دا متين كدا .... رفعت الحبوبه أصابعها الخمسه وقالت ليها الله اكبر عليك قولي ما شاءالله احسن البيت يقع فينا ....هههههه ما شاءالله ما شاءالله يا خالتي والله عجبني ليكم ... دا يا تهاني ولد عمهم للعيال رجع من لندن وصان بيت ابوه وقال الا يصين لينا بيتنا كمان عشان عرس خالد .... وأنتو عندكم اهل عايشين في لندن ... شوف بالله الحاسده دي كيفن يعني ما عندنا فاكره اننا مقطعين ولا شنو ... لالالالا طبعا يا خالتي بس ما حصل سمعت بي اهلكم ديل ... قعدت محاسن الكانت واقفه من قبيل وقالت ليها دا اخو المرحوم كان مهاجر من سنين وولده لمن ابوه مات رجع السودان دكتور عشان يفتح عيادته هنا ...ما شاءالله عليه الله يوفقه ...امين والله يا تهاني الولد طيب ويدخل القلب طوالي .... شفتي يا خالتو تهاني يشبه منو ...منو يا ساره ...تامر حسني ...يعني الولد مزه يلا شدي حيلك عشان تعرسيهو ...تهاني دا كلام شنو ما تقولي كدا وما تفتحي ليها عيونها .... شوف الهبله التانيه بتك يختي تفتيحه وشايله مفاتيحها ... شفتي يا امي حبوبه بتقول شنو .... بتضحك معاك يا ساره ... وشالت فرع من الملخويه وظعطتها ظعطه لمن ساره قالت اي وقالت ليها بتشتكيني لي بتي فاكره انها ح تقوم تضربني يعني .... والكل ضحك علي مناقره الحبوبه وساره الما بنتهي وهنا جاها لساره تلفون لقتها هناء ابت ما ترد ...الحبوبه قالت ليها دا منو البتصل ...دي هناء ....اوعك تتكلمي مع ذفته دي تاني دي بت قليله أدب .... وشويه جاتها مسج فتحتها ساره لقت هناء كاتبه ليها سرو عليك الله ردي علي نزار خلاني ... ساره مسحت المسج وما اشتغلت بيهو وهنا تهاني اتلفتت علي ساره وقالت ليها هيييي عرفتي قالو قروب فسخ وجلخ هكرو .... الحبوبه ردت طوالي قالت ليها هييييي رجعتو ستو انتي قديمه ياخ ...خالتي السره عرفتي كيف انتي معانا في القروب ولا شنو ...اي يختي بتي لمن كنت عندها جابت لي s5 وقاشره عملت لي حساب ودخلتني القروب .... ووووب علي دخلتي فسخ وجلخ ... وكمان دخلت منبرشات ....هههههههه لكن يا خالتي السره طلعتي خطيره بس انتي بتعرفي تقري ... شوف دي بتقول شنو يا بت. انا بعرف اقرأ واكتب قايلاني جاهله زيك .... تهاني حبوبه دي عامله زي فرعون بتعرف كل شي ... يفرعن رأسك دا يا كلبه ...
💋💋💋💋💋💋💋💋
بعد مرور اربعه ايام وقبل حنه خالد بيوم اصرت ساره انها تمشي تشتري فستان .... يابت فستان شنو ما تلبسي الجابهم ليك لؤي يوم داك .... يا امي دا ما حق حفله .... يا ساره انا ما عندي البسي اي شي من عندك ..... امي شيلي من سماح ... سماح ما عندها يادوب العندها ح تمشي تشتري بيهو لي نفسها انتي ناسيه المطبخ االجابتو لي.... وبقت تبكي وتقول امي يعني سماح ح تجيب لي نفسها وانا مافي زول ح يديني اجيب .... الحبوبه راقده مبسوطه وقالت في نفسها احسن خليها تبكي والحبوبه بتضحك .... اتلفتت ساره عليها وهي دموعها في خدها وقالت ليها انتي شنو البضحك شمتانه صاح الله يأخذني عشان ترتاحو .... والحبوبه تضحك بي اعلي صوت وساره خلاص الشياطين بقت ترقص قدم عيونها وفجاءه الحبوبه قالت ليها خلاص ما تبكي انا بديك .....ساره بلعت ريقها هي عارفه حبوبه عندها قروش كتيره بتها دائماً بتديها ولؤي بديها كمان وامي واحيانا خالد وهسي سماح لمن اشتغلت بقت تديها ..... اي بديك بس علي شرط .... تجي تدوسي لي كرعيني لمن أقول ليك كفايه وبعدها تختي لي حنه في كرعي ويدي .... وبعدين تطبيقيهم لي .... حبوبه دا كتير انا بتين امشي السوق وارجع .... شوفي يا تعملي كدا يا بلاش .... لالالالا خلاص بعمل وأمري لله بس أدوس ليك الاول ولا اخت ليك الحنه ... يا غبيه بعد الحنه تدوسي لي كرعي لانهم بكونو واجعني من القعده ومشت جابت الحنه الكانت امها عجنتها ليها من امس والحبوبه كانت منمره علي تهاني تعملها ليها بس خلاص المقصوفه ساره ح تعملها ليها وبدت تعملها ليها وساره خطيره ظبتطها ليهاجموها ظبطه وبعد ما خلصت مشت غسلت يدها وجات لي حبوبتها تسألها عن القروش ....حبوبه وين القروش ...قروش قروش شنو يابت دا اخر الزمن عاوزه تشيلي تمن حنتك لحبوبتك امشي من وشي .... ساره قربت تقع من طولها حبوبه انتي مَش قلتي لي اعملي لي الحنه وانا بديك وكمان حتي قلتي لي ادوس ليك كرعيك .... طيب تعالي حكي لي ضهري في حاجه قرصتني ..... ومشت ساره تحك ليها والحبوبه تقول لالالالا ما هنا لا هنا وبعد ما خلصت منها جاتها وقَعَدت جنبها حبوبه وين القروش عشان الوقت .... ووووووووب علي وووووووب ووووووووب يا محاسن الحقي شوفي بتك الحراميه قعدت جنبي وعاوزه تشيل قروشي دخلت يدها في جيبي وانا ما قادره امنعها يدي فيها الحنه ....ساره بقت منططه عيونها ما قادره تصدق البتقولو حبوبتها لالالالا دي فاتت الأفلام الهنديه والمسلسلات التركيه دي ما بقت حبوبه دي بقت دراكولا
💋💋💋💋💋💋💋💋
أنت تقرأ
للحب كلمة
Romanceالي كل روح فارقت الحياه بسبب السرطان والي كل مريض يعاني من ويلاته والي كل مريض يعالج الان بالكيماوي والي كل طفل انحرم من طفولته وأنهك السرطان جسده البرئ والى كل انثى تساقط شعرها بسببه وفقدت جمالها والي كل اب انحرم من ابنه ولا بنته والي كل ام اتوجعت...
