للحب كلمة

١٢

وبعد ما التحاليل جات خير يا دكتور مالها بتي ... مافي شي اطمنو بس عندها انميا حاده .... شنو انميا وجاتها من وين . مشي خالد علي الدكتور وقال ليهو يعني هي بتاكل كويس من شنو جاتها يا دكتور دي بتجي من عدم وجود كميه كافيه من خلايا الدم الحمراء في الجسم لتنقل كميه كافيه من الأكسجين للانسجه ودا يسمي
تركيز الهيموجلوبين (HGB): وهو تركيز الحامل الاساسي لغاز الاوكسجين في الدم
انا بكتب ليها علي علاجات وان شاءالله بتبقي كويسه حسام بقي يتكلم مع الدكتور بالإنجليزي مسافه
وطلع الدكتور وجات الحبوبه اه يا ولدي الدكتور كان برطن معاك بقول شنو ... لا يا حبوبه مافي شي اطمنو ... رجعت تاني لساره الكانت راقده في السرير ومركبين ليها محلول انتي يا بت انميا تجيك كيف ما قاعده تآكلي اكل البيت كله عامله زي نمل السكر ما يشوف ليها حاجه يجي جاري يتلم عليها ...ضحكت ساره ضحكه خفيفه وسكتت واصلت الحبوبه كلامها وقالت بس غير ما جبتي لينا الفضايح ما عملتي حاجه الناس تقول علينا شنو ما عندنا اكل وحات الله امّك بتكب باقي الاكل من كترو وانتي بتاكلي اكل الحمير في النجيله لا الحمير بتشبع ولا النجيله بتخلص مخير الله غايتو مرضك مرض جوع والله انتي من كتر ما بتاكلي قربتي تآكلي ناس البيت كلهم بقو يضحكو علي كلام الحبوبه بس الحبوبه تفاجأ الكل وتقول ليها بس بصراحه وقعتي قلبي ما كنت عارفه نفسي بحبك قدر دا يا مقصوفه .... ما يا امي شكلك دا معاها ما بدل الا علي حبك ليها ... اي والله بحبها بس هي لو تبطل طوله لسان وتبقي زي سماح محترمه مالو بس ما بتقدر لسانها بياكلها .... وقعدو زي ساعه وجو مارقين وهم في الطريق قالت ليهم الحبوبه اوعكم تقول قدام العروس عندها انميا احسن ما تفتكر انه نحنا جعانين ما عندنا اكل الكل بقي يضحك ووصلو علي البيت اول ما شأفتهم سماح مشت عليهم اه مالها ساره ردت الحبوبه وقالت هبوط عندها هبوط ...طيب الحمدلله الحمدلله علي السلامه ودخلو وجاء حسام قال ليها انتبهي علي حالك لو سمحتي ما تخوفيني عليك ...ابتسمت وقالت ليهو ان شاءالله يا حسام .... حسام ولا سحس والله ما حلوه كلمه سحس الا من لسانك ....
يا خالد انت يا خالد يلا امشو عشان تتطلعو ما بقي وقت علي سفركم وذاتو لؤي وينو عشان معاه الجوازات ... ردت سماح علي خالتها وقالت ليها لؤي مشي عليكم اول ما عرف ...كيفن هو ما عارف نحنا مشينا ياتو مستشفي .... طيب دقيقه اتصل عليهو صاح نحنا ما شلنا تلفوناتنا معانا باللخمه ومشت تشوف سلمي تلفونها ولقت لؤي مكسر علي التلفون اتصلت عليهو ورتو انهم مشو ابراهيم مالك ورجعو وقفلت منه وجاها خالد وقال ليها انا ما ح اقدر اسافر واسيب ساره كدا .... ساره مالها ما كويسه هي بس تاخد دواها وتآكل كويس تاني ما بتجيها عوجه انت امشي انبسط ليك يومين ..... ان شاءالله يا خالتو
..👄👄👄بعد مرور ثلاثه أشهر 👄👄👄
حسام فتح عيادته مع الدكتوره ندي والدكتور الفاتح صاحبه وسماح و رشا بقو شغالين معاهم رغم اعتراض خالد بس رشا قدرت تقنعه وساره نزلت الجامعه و حسام صارحها بحبه بقو يوميا يتلاقو يجيها جنب الجامعه ويرجعها وكأنو داسين العلاقه دي من ناس البيت وفي يوم جمعه قاعدين يفطرو كلهم وفجاءه الباب بقي يدق شديد قام خالد ومشي فتح الباب يلقي ليك لؤي وخالته سلمي جاين وشايلين فطورهم معاهم سلمو علي الكل وختو فطورهم وبقو ياكلو معاهم وبعد الفطور عملو الشاي ولؤي قاعد وسطهم يتونس خالد وحسام مشو بهناك وهنا جات مارقه رشا وهي لابسه اه يا جماعه استأذن منكم ...ردت سلمي عليها وقالت وين ماشه كدا ...يوم الجمعه بمشي علي ناس امي وهنا جاها خالد وقال ليها اه جاهزه ...اي جاهزه ....تمام يلا عشان أوديك وارجع ...انت ما ح تقيل معاي ....لالالالا انتي ما شايفه خالتي عندنا ...ردت عليها الحبوبه وقالت ليها انتي امشي بعافيتك وخلي ولدنا يرجع لينا طيب طيب وطلعت طوالي
شكلها زعلت يا امي ماكان في داعي تقولي ليها كدا .... بقول كان ما عجبها تضرب نفسها بي اكبر حيطه قدّامها
..
يوم الأحد قامت ساره بدري عشان عندها محاضرات ولبست ومشت علي رشا عشان تشيل طرحتها البيضا منها وقبل ما تخش تسمع رشا بتقول ...انتي يا سماح وقت بتحبيهو الحب دا كله امشي اتكلمي معاه عديل كدا ....بس يا رشا صعبه امشي أقول ليهو كدا في وشه ما بقدر وبعدين حسام يقول علي شنو .... يعني ح يقول شنو اتدردحي كدا وقولي ليهو .... رشا طالما ساره بيناتنا. مستحيل يفكر فيني ... ساره قلبها وقع اول ما سمعتها بتقول كدا وسكتت ما عرفت تعمل شنو. وتسمع سماح بتقول لي رشا انا كبرت وخايفه القطر يفوتني وانا املي كله حسام يتزوجني والله ماعاوزه شي غير كدا ان شاءالله بعدها اموت ...بعد الشر عليك انتي اسمعي كلامي وما ح تندمي .... بس ساره ح اعمل شنو معاها ...انتي مَش قلتي لؤي بحبها وعاوزها خلاص تعرس لؤي ... بس هي ما بتحبو .. وانتي مالك تحبو ولا. الحب بيجي بعد العرس اه انا كنت بحب خالد ولا خالد بحبني هسي كان سألتيني ح أقول ليك بحبو وبحب التراب البمشي عليهو وهو كمان بقي روحه فيني
ساره رجعت وهي محطمه معقول سماح بتحب حسام وانا ما حسّيت بكدا يا ربي اعمل شنو
😭😭😭😭😭😭
جرت لبست طرحه تانيه وطوالي مرقت
لقت حسام واقف برا بشرب في سيجاره اول ما شافها قال ساره. وهي دموعها ماليه وشها مشت من غير ما ترد عليهو بقي حسام واقف مستغرب من تصرفها ليه عملت كدا انا عملت شنو عشان تتصرف كدا اضايق شديد وركب عربيته يحصلها هي كانت وصلت الظلط اتلفتت وراها تشوف عربيته جايه عليها طوالي اول ركشه كانت ماشه وقفتها ونطت فيها .... بقي ماشي وراها وهو بكورك وبضرب بيده الديركسون في شنو يا ساره ليه كدا ليه يا عمري ومشت الركشه لحد ما وصلت الجامعه وحاسبت الركشه ونزلت بس تلقي ليك حسام في وشها ... مالك فيك شنو ممكن افهم تصرفك دا معناه شنو
نزلت رأسها للأرض وقالت بصوت واطي حسام امشي انا قدام الجامعه ... وصرخ حسام فيها ويعني شنو انك تكوني جنب الجامعه ردي علي مالك .... حسام من فضلك ما تعلي صوتك نحنا جنب الجامعه ....جامعه جامعه فليكن ياخ انا بسألك تردي علي انتي فاهمه ... رفعت رأسها وقالت ليهو حسام امشي من قدامي انا ما طايقه روحي ... واول ما شاف وشها والدموع ماليه عيونها مسك يدها وقال ليها انتي بتبكي منو زعل عمري انا .... انا انا وفكت يدها من يده وجرت طوالي دخلت الجامعه تلاقي هنا ء في وشها رمت نفسها في حضنها وبقت تبكي وتبكي لمن البنات والأولاد بقو يعاينو ليها ...في شنو يا بت مالك ...انا تعبانه تعبانه يا هناء قلبي واجعني شديد ....سلامه قلبك تعالي تعالي تعالي الناس بقت تعاين علينا وساقتها ومشو بعيد وقعدو ...يلا احكي لي مالك .... وبقت تحكي ليها ودموعها نازله .....