للحب كلمة

١٣

وفي النهايه ح تعملي شنو يا ساره .... مسحت ساره دموعها وقالت ح انسحب يا هناء ما تشوفي كلام سماح اثر فيني كيف هي اختي والكبيرة وكبرت وانا لِسَّه المستقبل قدامي يعني هي دايما شايله همنا واي شي حلو بتجيبو لي أقوم اعمل فيها كدا مستحيل مستحيل يا هناء دي اختي وامي وكل شي حلو في الدنيا ومستحيل أكون سبب في تعاستها حتي لو كان دا ح يحرق قلبي ما مشكله اتحرق انا وهي تكون مبسوطه ودا الوقت البثبت ليها حبي وخوتي دي الأخوه في الدنيا يا هناء ....شنو انتي مجنونه لو كنتي فاكره دي تضحيه منك تبقي غلطانه لانه هي حتي لو عرسته ح تبقي شايفاك بينها وبين حسام وكدا ح تدخلي الشك في قلبها ودا اذا افترضنا انه حسام وافق بيها انتي اذا ضحيتي البضمنك انه حسام ح يوافق ان مشاعره تبقي لعب بيناتكم ...طيب أعمل شنو اتصرف كيف ... اسمعي انا قدامك بحب نزار ونزار من يوم المشكله وقطعها معاي قدر ما اعتزرت ليهو هو ما رضي قال لي اني لعبت بمشاعره والرجال ما زينا بسامحو وبنسوا وانتي بعملتك دي ح تعملي مشاكل في العيله واهلك يعرفو ويمكن حسام يسيب البيت ولا البلد كمان فكري كويس قبل ما تقرري ....
حسام مشي شغله وسماح الوقت كله بتحاول تفكر أنها تصارحه بمشاعرها زي ما وصتها رشا بس كل ما تقوم عشان تدخل عليهو يجي مريض ومر الوقت كله كدا ورشا كمان ما جات الشغل وهي الشغل كله عليها ما لقت فرصه نهاي لحد ما رجعت للغدا وبعدها رشا مشت معاها دوام المساء وهم هناك رشا قوتها وخلتها تدخل ليهو ...دخلت وهي بتقدم رجل وبتاخر التانيه لحد ما لقت نفسها قدّامه ... سماح في شي .... لالالالا بس في موضوع كدا كنت حابه أقوله ليك .... والله انا ذاتي عندي موضوع حابي اقوله ليك اقعدي اقعدي مالك واقفه .... قعدت سماح وقال هنا حسام خير احكي لي ...ابتسمت وقالت ليهو لالالالا انتي اول شي احكي موضوعك وانا بحكي بعدك ... طيب شوفي يا ستي انا امي الأيام دي ناقه فوق راسي اني أخطب وانا قلت افاتحك انتي اول زول لانه انتي ليك معزه خاصه ...ابتسمت وعدلت قعدتها وقالت في نفسها بركه الما قلت موضوعي اول شي بس طالما قال لي انه انا عندي معزه خاصه عنده معناها عاوز يفاتحني ويمكن الكلام السمعتو عن حبه لي ساره اختي ما كان صاح ساره اصلها مستهتره منو البعاين ليها وتمتمت وردت عليهو وقالت طيب كويس كلام امّك دا عين العقل وطالما هي عاوزه تفرح فرحها ....اكيد اكيد بفرحها وانتي ذاتك ح تفرحي ....اخ يا حسام الفرحه الفيني مافي زول انت غالي علي ....تسلمي يا بت العم دا العشم ....بس ان شاءالله لقيت العروس البتناسبك وتناسب مركزك انت دكتور والمفروض تعرس زوله زيك ... اهم شي سماح انها تكون بت حلال وانا طبعا لقيتها وأزيدك من الشعر بيت انه انا عايش معاها في نفس البيت ... ذاد الأمل في قلب سماح لدرجه قربت تنطط بالفرح وردت وقالت ليهو في بيتنا نحنا ...اي يا ستي في بيتكم انتو وانا عايش مع منه غيركم ... انا قلت يمكن في بيت خالاتك يعني ...لالالالا في بيت خالاتي مافي وحده شدتني زي ما اتشديت في بيتكم انتو محترمين ومودبين وحلوين كمان وغمز ليها وطبعا مع احترامي لي بنات خالتي هم نفس الشي بس عندكم انتو لقيت الراحه ولقيت إلبكمل معاها مشوار حيلتي ودي كانت وصيه ابوي انه أخطب من بنات عمي اي هو خلاكم صغار عشان كدا ما حدد لي وقال لي انت امشي ويلي قلبي يحبها ويختارها تبقي مرتك وانا بصراحه لقيتها وحبيتها من اول مره أشوفها فيها هزتني بشقاوتها وتعاملها واليوم قررت افاتحك في الموضوع عشان تساعديني عشان أخطب ساره ....نزلت الكلمه زي الصاعقه وهو بقي يتكلم عن ساره وعن حبه ليها وهي حاسه انها ح يغمي عليها والعبره خنقتها وبقي اه انا انتهيت من موضوعي يلا احكي لي عن موضوعك وقبل ما تتكلم وهي اصلا ما عارفه تقول شنو بس يجي داخل دكتور الفاتح عليهم وهو مستعجل عاوز يكلم حسام هي انسحبت بهدوء عاوزه تطلع بس حسام يقول ليها ما حكيتي موضوعك بس مافي مشكله تحكي لي بعدين في البيت ...ما اتلفتت عليهو وقالت ليهو بعدين اصلو الموضوع ما بقي مهم وطلعت طوالي ...ما فهم كلامها الأخير القالتو بس انشغل في موضوع الفاتح ونسي موضوع سماح ...
😭😭😭😭😭😭
في شنو اه فاتحتيهو في الموضوع وهنا سماح مسكت نفسها بالعافيه وقالت لي رشا انسي الموضوع ...كيف انسي يابت ..قلت ليك انسي انسي .... وشالت شنطتها وجرت علي السلم تبكي وبقت ماشه برجولها وهنا الشيطان لعب برأسها مسكت التلفون اتصلت علي ساره وساره طالعه من المكتبه لانه كان عندها كتاب بتصور فيهو واول ما شافت رقم سماح ردت عليها .... وحبت تفاجأها وتفرحها سموحه عندي ليك موضوع خطير حسام حسام قال عاوز يعرسك وانا انا العبره مسكتها بس هي من غير ما تشعر اتصرفت كدا كانت نفسها تفرحها بعد ما شافتها بتبكي الصباح لازم أضحي دي اختي والأخ مفقود والزوج موجود بس تلقي رد من سماح غير متوقع وهي بتقول ليها انتي بتضحكي علي منو انتي لفيتي عليهو وخلتيهو يحبك وجايه تقولي لي كدا يا قليله الأدب ....انا انا حرام عليك انا ما عندي شي معاه هو هو ما فاتحني ولا قال لي بحبك حسام بالنسبه لي اخ ما اكتر ولا اقل ....هههههه ضحكتيني انتي فأكرني غبيه هو هسي قال لي عاوز يخطبك وطلب مني أساعده بس زي ما حرقتي قلبي الله يحرق قلبك يا ساره يا بت امي وأبوي عمري ما شفت اخت بتعمل في اختها كدا ...سماح سماح اسمعيني والله انا اكتر زول بحبك وتسمع ساره توت توت توت قفلت الخط ساره حست رأسها بدور ونفسها ضاق ما قادره تتنفس بس عاوزه تمشي لازم احصل سماح وهي بتقطع الشارع وهنا تشوف الدنيا بقت تبقي سودا في عيونها وما انتبهت للعربيه وهي بتضرب بوري وبشده وفجاءه طاخ ساره دي اتشالت واتجدعت بعيد وهي غرقانه في دمها فتحت عيونها بقوه ونفسها الما قادره تشيله وفي نفسها بتقول يااااااا الله معقوله دي ننهايتي اموت واختي زعلانه مني انا انا ح اموت اه اه اه وفجاءه تغمض عيونها .....