عد الى قلبي

الجزء الثامن

.....اي صحيح اعرف سيف ميشاقه ويااحد بس احنا من اصغار سوا فنختلف
....يجوز
بس جانت نظراتها تحجي شي وكاانما ممصدكه بيه
او عبالك بالها شي
عد اني حاولت انو اغير الموضوع وابين انو الامور طبيعيه
كتلها
......لعد انتي وسيف شلون تعرفتو على بعض وحبتو بعض
شفتها ابتسمت ابتسامه ادل على الحب
.....سيف ياعيني عليه  تعرفت عليهً بطريقه. ‏مأساويه هههه
....ليش
.....اني قبل  سنه تقريبا بدبي جنت بحفله ولمن طلعت  من الحفله جنت مستعجله وجنت داحجي بالتلفون وطلع واحد صدفه كدامي وضربته
بالسيارة مالتي ونزلت عليه ركض وشفته واكع بالكاع ومشمور الابتوب مالته بالكاع واوراق مطشرة خفت انو يكون مات بس مكانت الضربه قويه شلته وديته للمستشفى بوقتها نكسرت يدة وصار عندة رضوض ومن بعدها بديت اهتم بي لان حسيت بالذنب وانو الي صار بسببي
وبدت تصير بينا علاقه
.....ولو سؤال فضولي بس تعرفين احنا البنات شكد نحب هاي الشغلات
....اي شنو السؤال
....هو يحبج انتي تحبي علاقتكم شلون نجحت
....اني هوايه احبه بشكل كبير وهو هم بس هو من طبعه
ميهتم كلش واني اعرف انو هاي طبيعته  مو عدم حب
...الله يهنيكم
....الله يسلمج بس اريد اسئلج سؤال وجاوبيني بصراحه
...اي تفضلي
....انتي تعرفين الي جان سيف يحبها
اني بلعت ريكي ويدي رجفت  وعركت
....لا ليش هو يحب وحدة
....اي هو كلي مرة عليهاشعجب متعرفين انتي بهذا الشي
انتي مودكولين اني اعرف سيف زين واحناعلاقتنه من الطفوله
....اي صحيح بس ماااعرف بلي يحبها
....عبالي تعرفين صار عندي فضول اعرف هاي الانسانه شلون
شكلها لان هو كلي ماتت
....ها ماتت
....اي بس مكلي شلون ماتت وصراحه اني اغار عليه حتى لو ميته
دورات اشوف خياله يروح لغير مكان يمكن لو عايشه اكول
هاي بعدة يحبها
،،،، كلت بكلبي عزة بعينك  سيف شوكت متت اني
هياني كاعدة
.....مكلج شلون ماتت
....لا مكلي
....شنواسمها يجوز اعرفها بلااسم
...... ماادري ميقبل يجيب طاريها وكلما نحجي بهذا الموضوع
ينزعج ويضوج من اسئله لهذا السبب مااحجي
ابدا بس اني بداخلي انزعج ماادري ليش احس اكو احد
مشاركني بسيف
.....هاا لا مدام ازوجج معناته يحبج الج
....اي حبيبي اني كلش احبه
.....الله يديم المحبه بينكم
....تسلميلي
اجى سيف كال تاكلون شي اني هزيت راسي يعني لا
وزوجته كالتله لا مااريد مجوعانه
جان يباوع عليه
جان يكمش خدودها
.....اني اريدج تاكلين حتى لتذبل هاي الخدود الحلوة
واني جنت داباوع ومخنوكه ضجت من لمسته إلها
وتخيلتها تنام بحضنا 
وبسرعه نفضت نفسي وكمت وطلعت وكفت يم السيارات
جان الهوى حار ولاهف بس حسيتة اهون من وجودي بقربً
سيف وبعدها كلهم طلعو وبدو يتحضرون حتى نكمل طريقنه بس
سيارت زوج عمتي مشتغلت وحاولو يسوها مشتغلت فكاللهم والدي عوفو السيارة وتعالو ويانه وبعدين نشوف شلون
نرجعها
وسيف كال ريمان تعاي ويانه بالسيارة اكو مكان حتى سيارتكم تكفي بيت عمه
....ميخالف
ومشيت اني ياة وصعدت وكعدت وصرت بالكرسي الي يصير خلفه السايق
ومشينه بطريقنه وجنت كلش ممرتاحه بوجودي ويا سيف بالسيارة بالذات من نام عمو ومرت عمي وزوجته غطت وجهه لان كالت انزعجت من الضوه واني جنت كاعدة على عصبي
وسيف يسوق
وشفته يلعب بتلفونه وطلع اغنيه وربطها على المسجل مال
السيارة وجانت الاغنيه كلماتها
((((من غبت عني والهم كتلني وينك تعال تعذب الفركه مشتاك‏ للملكة والبعد طال مكدر بدونك وداعت عيونك لوتلحك علينه
شنسوي مافاد ومن غبت عني الهم كتلني  وينك تعال))))
وخلصت الاغنيه وهو
يباوع عليه بالمرايا وكل شويه يدرها عليه  ويرجعها
وكلي
....تريدين اشغلج اغنيه اي اغنيه تحبين
استغربت حجه هيج ويايه بلطف
كتله
....احب اغنيه رائد جورج لاترحلي
....باوع عليه كلي بس
وسكت
لان مو اني احبها هو يحبها وهو عرف انو اقصد شغل هاي الاغنيه الي انت تحبها يعني اني اذكر الاشياء الي تحبها
كلي
....اي اشغلها ليش لا
وصدك من شغل هاي الاغنيه حسيتها اخذتني لغير عالم
جنت ويا كل كلمه اروح بدنيا ثانيه كل كلمه احسها
جانت ادك بكلبي وهو جان
كلش مركز وياها لدرجه حسيته كام عبالك ميعرف يسوق
الكلمات كانت رائعه وكنت اردد ويا الاغنيه

(لالا  لاترحلي من بعدج يموت ورد الياسمين وحالي من بعدك يكون بسهم وسكون ويزيدالانين ليش
ليش  ياما كلتي شلون انسى لا لا مستحيل   وكل كياني
ودمي انت وليلي من بعدك طول تالي عفتيني  بجروحي
بجروحي اهمس بااسمج ياروحي ياروحي
القلب شيفيدة
شفيدة وانفاسج بعيدة  
‏ )))
وجان بسرعه سد الاغنيه وسكت بعد ماحجة ابد وظل يسوق
وصلنه للشمال وحجزنا بفندق
واني رحت ويااهلي وارتاحينه ‏بغرفتنا والعصر عمي كال يله تحضرو دنطلع نفتر شويه ونتعشى
وبدلت  وجانت ملابسي حلوة وتقصدت اكون حلوة كلش
ردت اكون احلى من زوجته لسيف
ماااعرف ليش هيج ردت اسوي
وبعدها طلعنه  ‏واتمشينا وبعدها كعدنه بمطعم
وبعد ‏العشى
كعدت اني ومريم بت عمتي  وسيف وزوجته
مريم جانت تعرف بيه وبااحاسيسي اتجاة سيف
فحاولت تخلي سيف يحجي كالتله سيف
....نعم
...ممكن اسئلك سؤال بماانك الولد الوحيد الي كاعد ويانا
.....اي سئلي ست مريم
....ههههه اي شكو بيها خلي اسئلك
....ديله احجي
....انت الي يجرحك سامحه
وسكتت مريم وياوعت عليه
....ليش دسئلين هذا السؤال
....مجرد فضول
....اوكي راح اجاوبج
((((تعرفين شنو ‏مشكلة البشر‏انو احنا نحب بكل اللي بينا بكل قوتنا ‏ مننطي كل انسان على كد قيمته وقدرة نحبه اكثر من حجمه هو بكل بساطه يستغلنه  ويظل يجرح بينا وبقصد  لذالك ميصير نحب انسان اكثر من ماهو يستاهل  لان هيج انسان  يكون ممتعلم على الحب بهاي القوة  لان الي ميعرف يكمشي ويضمني حيل لكلبه هذا ميستاهلني بس اكو اشخاص من نغادرهم يرجعون النا حتى ياخذون مكانهم بكلبنه بس ‏يا ترى منو يعوضني على حزني وسهري ودمعي من جانت عيوني متشوف بشر بس هو ليش مجان يقدر حبي وتضحيتي ليش جان يشوفني ضعيف لذالك  لا صعب اسامحً إنسان جرحني  وانسان اذاني
بس ممكن اخلي يتعذب اخلي يكضي الليل بنار ونه
واخلي الليل كله يسهر وهو يفكر شلون ارجعله بس هم ماارجعلهً
‏إذن صعب اسامح انسان جرحني بالذات الي احبه كلش ويجرحني  ))))
ورفع عينه وباوع بعيني وتعرفين شكلها ((( بعد تحلمين ارجعلج )))وجان يجر يد زوجته وباسها
وكللها
((احبج)))

يتبع ،،،،
#الكاتبه #روجمان