اعرفكم بنفسي،،
مينا: عمري ١٨ سنه اني وحيده امي وابويه ،عيوني ملونه اليشوفني يكول عليه زعطوط وخبله بشكل ماعندي شيء اهتمله بس اكل ونوم ومسلسلات وع فكرة نجحت من سادس بمعدل ٦٠ بالدفرات وقدمت وطلعلي معهد قسم محاسبه ، وبعد اسبوع ع دوام ويبدأ ، ابويه رجال فقير جان بالجيش صنع العسكري واتقاعد وامي ربه بيت والحمدلله حالتنه مستورة ، هو معلي ب احد الكل تحلف براسه هو وامي يموت عليها ، ولكن عندي عمام وعمات عكارب اموووت منهم ،
رحت اني وامي للسوك واشتريت تنورات وبناطير وقمصان وشالات وجنط واحذيه ومكياج وهالسوالف ردت اطلع اخبل لان شكلي طفولي وحلوو طالعه ع امي وسمرة مو زركه بس طولي ١٥٤😭 ودبدوبه مو لدرجه فيل لا سمن طبيعي☺ مهم لبست تنورة قصيرة بس جواها جواريب طبعا ومكياج طوخ خليت وحذاء عالي ولفيت حجابي بطريقه بنات معهد كلهن ما مسويات مثلها طلع شكلي مرتب ونازك،، 💃طلعت واخذت ماما ورحت بين ما الكى خط
مهم طبيت كالت
ماما: رؤحي انتي واني اشوفلج خط وارجع للبيت كتلها
مينا: اوك حب ممححح
ماما:عيب ولج هههههه الله يحفظج بنيتي
*رحت امشي بكل ثقه وزودتها هم ولا عبالك احد اكوو بس اني وبس هههههه
جان يفوتون ولد اثنين من بصفي
كال لصاحبه ، اول مرة اشوف كمر اسمر وفوكاها طولها يجنن 😍
اني مااهتميت كبل مشيت بدربي بكل ثقه..
رحت كعدت ع مسطبه وحدي لان بعدني مااعرف وما هامتني محاظرات لان اني بكل الاحوال انجح ذكيه وبسرعه افتهم للاساتذه،،
كعدت وجان يمه اشوف واحد صحيح مو ذاك الجمال بس مرتب وانيق واسمر ضحكته تموووت واطول مني كاعد بصف ابنيه ماادري ليش انجذبتله ومن اول يوم 😂😂امده هيج دراسه كلت بكلبي ،بس هو ما انتبهلي كلت طز احجي بيني وبين نفسي ووشويه وكامت الابنيه وهو ضل وجان يلمحني 🙈بس طنشته ولا درتله بال قابل انزل نفسي لحد قابل 😌
*اتعرفت ع ابنيه كلش حبابه اسمها ژيان كرديه واخذت رقمها واخذت رقمي ومن هالسوالف ، كالت
ژيان:مينو حبي حرؤح اضبط مكياجي وانتي اوكفيلي لاتتحركين
مينا: اوك كلبي جيبي اشيلج اغراضج واخذي جنطتج بس
ژيان:اوك كبد
اثاري العينتين يعرفها وصديقته كلش بحسبت اخته...
*يبوه نسيت اعرفكم اني عبدالعزيز بس يصيحولي عزوز متخرج قبل سنه من هالمعهد وعمري ٢٤ ووحيد اهلي وعندي خوات اثنين صغار ،عندي مطعم مالتي بس محد يدري بي وماعدا احب الشعر واني من نوع لللي اتشاقه بس كتوم وشخصيتي قويه ولحد هسه ماارتبطت بعد حبيبتي السابقه ،،
ژيان ژيان
هاي منو ديصيحلي جان اباوع هذا الخبل عزوز
ژيان :ها عزوز هله والله خير خوما اكو شيء
عزوز:جنج بومه بيش تفاوليني هههه لا رايدج بسالفه
ژيان:هههه عيوني الك ضلع بس كول
عزوز:فديت عيونج اكولج منو هاي جنتي واكفه يمها
ژيان:ليش ولك مصارلنه اسبوعين من داومنه شبسرعه كمت تسأل ع بنات
عزوز:من عابت انتي شعليج انطيني مقررها يله عوبه
ژيان:ههههه اسمها مينا وعمرها .......وحجيتله كلشي عنها
عزوز:تفيدين استخبارات ويا ابويه هههههه
ژيان:هههههه عزوز مااسمحلك تلعب بيها اذا جنت ناوي هالنيه ترة هي بت اوادم ولك ومربايه بس خشم يابس وعنوديه
عزوز :لاعيني اني هم عندي خوات لاتخافين واعتبري من هسه صارت مرت اخوج هههههه
ژيان:ايي يله حتى اردح 💃💃هههه
كمت افكر هالابنيه عجبتني بس العوبه تلبس لبس ماادري شلونه وهي مدبدبه مال الفها بالخبزة واكلها ، بس اني لازم الكى طريقه احجي وياها او اكون صديقهن بس حتى اتقربلها واشوف تفكيرها واذا قبلت بعدين اكوم احاسبها ع كلشي😁ونمت وكمت احلم
ثاني يوم لكطتها واكفه ويا ژيان وهله خوش فرصه بحجت اسال ع ژيان ونتعارف وجان ارؤح
عزوز:السلام عليكم ژيون مرحبا خيتي
ژيان:هله والله بخويه الضلع ،احب اعرفج
عزوز صديقي واخويه متخرج بس ٢٤ ساعه اهنا
مينا:اهلا وسهلا اخويه اتشرفنا
عزوز:الي الشرف عيني
مينا:يلا شباب عن اذنكم اني اترخص
ژيان :وين حبي ترؤحين
مينا: ارؤح ع طلاب يشرحولي شكم موضوع ماافتهمتهم
عزوز:هله والله اجتني الفرصه اذا تحبين اني اشرحلج اي ماده ترة شاطر جنت 😌😁
مينا:اخاف اتعبك لو تصير بيها احراج الك
عزوز: لايمعوده تعبج راحه بس كوليلي شوكت تريدين واني حاظر من عيوني
مينا:تسلم عيونك ورده ،واني طايرة من الفرح بس ما كلت شي اله ولژيان 😂💃🙈
وجان ارجع للبيت بعد ما خلصت دوام واتغديت وفكرت بعيونه الحلوات وكمت اشوخر هههه
عزوز وك فدوة للخلقج شهالحلاوة والادب والنزاكه وانوب حلكها عبالك فرؤله تحجي واني صافن عليها اوووفف حفقد عقلي والله اريدها😭بس خل اخذ رقمها من الخبله ژيون
عزوز:📱 واتصلت وردت ، مرحبا زوز من دون مااتلوكلج اريد رقم مينا ترة حتخبل والله
ژيان:هههه دنطيني مجال ارد عليك بومه ،بس فدوة لا طلعني بسواد وجه كدامها تره احبها ومااريد اخسرها وهاك رقم 0770...
عزوز:وج اريدها دخلت عقلي ولاتخافين راح اسود وجهج هههههه
ژيان:اموتك غير هههه
عزوز:الله يحفظج النه عيوني، مع السلام
😉😉😉😉😉
،
،
انتهى البارت الآۆلْ ،،، اتمنى يعجبكم لايك ومتابعه أإأذأإأ ممكن
،، البارت الثاني جريئ ومشتعل ☺🙊
أنت تقرأ
انا ومجنوني (كامله)
Romanceقصص حب رومانسيه تحدث بين طلاب الجامعه والى اين تاخذهم هذه المرحله من حياتهم وتتاولى الاحداث حول قصه حب عميقه وجريئه بين فتيات جامعيات وخريجيون ، تودي بهما الى الزواج في ٱڅڑ المطاف، حيث تشتعل هذه القصه بالرمانسيه جريئه والغيرة والحب الجنوني الذي لٱ م...
