#ومن_الحُبِ_ما_وجع "1"
مرامـ : ألو إزيك يا منى عاملة ايه ؟!
منى : الحمد لله يا ميمو طمنيني عليكي انتى
مرامـ : تمامـ المهمـ عاوزاكى فـ خدمة ولازمـ تساعديني
منى : طبعاََ اؤمريني يا مرامـ
مرامـ : أنا محتاجة دكتور نفسي بسرعه دوريلي على حد كويس واحجزيلي عنده وبلغيني بالميعاد علشان أنتى عارفه الظروف فـ البيت مش هعرف ادور بنفسي
منى : دكتور نفسي ؟! ليه يا مرامـ فيكي ايه مالك ؟
منى : مفيش يا منى مفيـــــــــش عادى يعنى مش اللى بيجيله برد بيروح لدكتور واللى عضمه بيوجعه بيروح لدكتور واللى نفسيته بتتعب بيروح برده لدكتور مش لازمـ نكون مجانين يعنى
منى : طيب براحه بس براحه مالك انفعلتى كده انا كنت بطمن عليكي بس
مرامـ : اطمنى يا ستى انا بخير الحمد لله هقفل دلوقتى وهستناكى تردى عليا سلاامـ
منى : حاضر سلاامـ
_ قفلت مرامـ التليفون وراحت كملت قعدة عـ اللاب ودخلت عليها أمها وهى بتقول " استغفر الله العظيمـ يارب انا مش عارفه انتى ايه اللى جرالك كل حياتك بقت الزقت ده الهى يولع كل الناس بتحسدنى علشان عندى بنت كبيرة عروسة تفتح بيت ميعرفوش الخيبة ييجوا يشوفوا خلفة البنات "
وتخرج من اوضة مرامـ وتفضل مرامـ متنحة مبتردش وكأن الكلامـ مش ليها
_ ييجي تانى يومـ وتتصل منى بـ مرامـ علشان تبلغها باللي اتفقوا عليه
منى : ازيك يا ميمو ؟
مرامـ : الحمد لله يا منى ،، عملتى ايه فـ اللى قولتلك عليه ؟
منى : لقيت دكتور كويس وقريب منك كمان وحجزتلك بعد بكرة باذن الله
مرامـ : شكراََ بجد يا منى ربنا يخليكي ليا مش عارفه اشكرك ازاى
منى : عيب يا ميمو ده احنا اصحاب واخوات
مرامـ : تسلمي يارب انا هقفل دلوقتى بقي ونبقي نرغي بعدين
منى : ماشي يا ستى اخدتى غرضك منى خلاص وبترميني كده ماشي ماشي هسيبك دلوقتى بس هكلمك تانى علشان اعرف عملتى ايه مع الدكتور
مرامـ : ان شاء الله .. سلاامـ
منى : سلاامـ
_ مرامـ بتعد الساعات علشان تيجي لحظة ما هتروح للدكتور وتتكلمـ معاه وفعلاََ جه اليومـ اللى هتقابله فيه قامت لبست طقمـ أسود مع انها مكنتش بتحب اللون ده
_ دخلت مرامـ العيادة وقعدت أول ما سمعت اسمها علشان تدخل فضلت قاعده فـ مكانها وباصه على باب اوضه الدكتور
وفضلت تسأل نفسها فين الكلامـ اللى كنت عاوزة اقوله لحد ما قاطعتها مها اللى شغاله مع الدكتور اتفضلي يا أنسة
الدكتور : اتفضلي يا مرامـ ،، عاملة ايه ؟
مرامـ : بص حضرتك انا جاية هنا علشان محتاجة حد يسمعنى من غير ما يحكم عليا حد يقولى رأيه برا دايرة المعارف اللى كل حد فيهمـ ليه هدف معين وبلاش تتعامل معايا بطريقه اهدى ونامى ع الشزلونج واسترخى علشان انا مش محتاجة لكل ده
الدكتور : خلاص خلصتي ؟َ! اتفضلى اقعدى بقي
ومن هنا هتبتدى رحلة مرامـ مع الدكتور حد هيكملها ؟!
