نور. بعد ماخلصت من امير 😁 رحت اقره شويه لان باجر عدي امتحان English.
وبعد ماخلصت نمت وكعدت الصبح وسبحت وبدلت وضليت منتضره امير يجي
امير. رحت للبيت ونمت وكعدت الصبح كلعاده تريكت وسبحت وبدلت ورحت اخذت البنات ورحنه لنور واخذناه ورحنه للمدرسه وضلو يسولفون نور والبنات واني رحت للبيت
نور. بعد مارحنه للمدرسه دخلنه للصف واول درس الامتحان امتحنه وخلصنه ومر اليوم عادي
وخلصنه دوام وضلينه ننتضر امير يجي
امير. وصلت البنات للمدرسه واني رحت للجامعه وخلص الدوام وطلعت رحت للمدرسه واخذت البنات
البنات. سلام
امير. وعليكم السلام
نور. هلو امير
امير. هلوات 😉
مروه. ترى شفتكم 😁
امير. واذا شفتينه عادي
نور. 😳😳
وضلينه نسولف عن مدرسه البنات اوصلت نور لبيتهم ورحنه احنه لبيتنه
ومر اليوم عادي وكعدت بليل وي امير لان خطرتلي الجمعه نروح لكربلاء
امير. شلونج يمه
ام امير. هله يمه شلونك
امير. الحمد الله انتي شلونج
ام امير. بخير
امير. يمه عود كلت الجمعه نروح لكربلاء نروح نزور
ام امير. اي والله يمه صارلي هواي مازايره
امير. ان شاء الله الجمعه نروح بس اريدج تخابرين عم نور نشوفهم يروحون ويانه
ام امير. ان شاء الله هسه اخابرهم
ودكت امي على عم نور وكالتله بس هو مايكدر يطلع لان تعبان ومحمد عده شغل كل بس نور اذا تريد تروح وكالت امي لعمه اني اخابره نور واتفق وياه
وسدت التليفون
وخابرت على نور
ام امير. شلونج نور
نور. هلو خاله شلونج
ام امير. الحمد الله يمه انتي شلونج
نور. الحمد الله خاله
ام امير. يمه اريد اطلب منج طلب بس اتمنى ماترفضين
نور. تفضلي خاله اطلبي وان شاء الله مااقصر
ام امير. يمه الجمعه نريد نروح لكربلاء ونريدج تروحين ويانه
نور. والله خاله اني اتمنى اروح لكربلاء بس لازم تسالين عني مو اني
ام امير. لاتخافين سالته وكال ماعندي مانع خليه تروح
يله لعد الجمعه نروح
نور. ان شاء الله خاله
شكرا
ام امير. يله يمه الله وياج
سديت التليفون
امير. ها يمه شكالت
ام امير. اي يمه تروح
امير. اي الحمد الله مارفضت
ام امير. شنو يمه شكلت
امير. ها لا يمه ماكلت شي ☺
يله يمه تصبحين على خير
ام امير. وانته من اهل الخير
ورحت لغرفتي
نور. دكت عليه ام امير وعزمتني على روحه كربلاء واني كيفت 😁 لان صارلي هواي مازايره وشويه ودكلي امير
امير. مساء الحب
نور. مساء الانوار
امير. شلونج
نور. بخير وانته
امير. تمام
نور. انته صاحب الفكره مو
امير. اي اني صاحب الفكره
شوكت تبلش امتحاناتج
نور. اليوم بلشنه اول امتحان
امير. اي شنو امتحانج اليوم
نور. انكليزي
امير. حلو انكليزي السادس
نور. (ردت اضوجه شويه)
اي حلو حتى المدرس حلو
امير. شنو شكلتي
نور. مدرس الانكليزي حلو لو تشوفه يخبل واليوم لابس قاط يخبل
امير. يخبل مو روحي ازوجي وخلصي من هاي السالفه 😠😠
وسد التليفون
نور. الو امير... امير
اوف هذا الخبل سده
امير. ضجت من نور لان ضلت تتغزل بمدرس الانكليزي وسديته من عصبيتي وبعد مافتحته ونمت بس ماكدرت انام وضليت ل2 يله نمت
نور. دكيت عليه اكثر من مره بس مايرد ويكلي الجهاز مغلق
كلت الصبح من اشوفه اصالحه
نمت وكعدت الصبح نفس الروتين
وبعد ماخلصت طلعت انتضر امير
وشويه واجه رحت للسياره وسلمت بس هو در السلام بس مايباوع عليه مشينه طول الطريق هو مايحجي
امير. كعدت الصبح ضايج كلش طلعت بدون ريوك بس اخذت البنات ورحنه لنور هي اجت سلمت بس ماباوعتله ومشينه بس كل الطريق مااحجي وياه لمن وصلنه للمدرسه البنات نزلن بس هيه مانزلت
امير. شبيج نزلي وراي جامعه
نور. انته صدك ضجت مني البارحه
امير. نور يله انزلي لان اتاخرت
نور. ما ماانزل لمن تسامحني
امير. لعد ضلي هنا
ودرت وجهي للجهه الثانيه
نور. امير اسفه بعد مااضوجك يله حباب
ترى كل الحجي الكلته مو صحيح والله هسه انزل وشوفه بطنه واصله لخشمه واصلع وخشمه جنه بتيته شكبره يله حباب سامحني
امير. ضحكت على حجي نور وشلون توصف المدرس وفرحت لان طلع الحجي الكالته جذب 😁
نور. يعني هاي الضحكه شنو معناته
يعني سامحتني
امير. اي سامحتج بس هاي اخر مره تسويه
نور. يمه فدوه لحبيبي اميري 😚 وتقربت وبسته بخده
امير. يمه فقدت لمن كالتلي حبيبي اول مره تكوله وفقدت اكثر 😁 لمن باستني
حبابه بعد بس وحده
نور. انجب يله بأي اتاخرت من وراك اريد اشوف الاستاذ الحلو
امير. 😒 نور
نور. 😁 اسفه يله بأي
نزلت ودخلت للمدرسه
وامير راح للجامعه
ودخلنه للشعب وحجيت لليليان عن امس وكامت تضحك عليه وعلى امير وعلى الاستاذ😁
وخلص الدوام وضلينه ننتضر امير و........
هاي شلونكم
اسفه ماكتبت اكثر لان تعبانه
اتمنى يعجبكم البارت ولاتنسون الفوت والكومنت
وها صحيح راح تخلص القصه يمكن بعد بارتين او تلاثه ....
يله بأي تصبحون على خير...
😘😘😘
أنت تقرأ
نور وامير❤😘
Storie d'amoreالسلام عليكم ✋ قصه بلهجه العراقيه هاي اول قصه الي 😘 اتمنى تقرون القصه وتدعموني بليز
