حلمت في يوم
البارت الاول
أم ساره :يلا نوضن ساره اريج جوري سادكن منا النوم يلا نوضن الظهر بأذن
ساره غطت وجهها بالبطانيه اريج وجوري ناضن يجرن لأن مسلسلهم بيبدي صباح الخير ماما ،
أم ساره: يالطيف كان حاجه مقومه مانضت تتجارن هكي وانت زيدي تكمكمي تحسابيني منسمعش فيك امس وانتي تقهقهي للصبح باهي اللي بوك ماسمعك
ساره مدارتش أي حركه بيش تقنع امها انها راقده وتفتك من النفخ
أم ساره تنهدت ولفت بتمشي لدار التانيه وشافت نور جايه تجري وتعنقتها:
امممموااه ياحلى طمطم في الدنيا
أم ساره :شرفتي يانسه هدا كله ع خاتم لعرس صاحبتك اللي يسمعك يقول عرسك
نور: اف ماما عارفه بنتك انتي منقدرش انقاوم الدبش (teary)(teary) وتانيا نستعد لعرس مها
أم ساره بحزن : اخ من مها خليها تقتنع قبل والله ماني عارفه خيرها بنيتي كانت زي الورده وتوا بدل متفرح وتورد دبلت وم... الله يهدي بوك بس
نور بتغير جو امها :شن تحسابي كل بنياتك زيني يحبو شريك حياتهم مووووووت
أم ساره : والله ماتتحشمي أمشي غيري جلبوبتك وتعالي تغدي
نور خشت لدار لقت مها راقده غطتها زين ربي يسترها معاك ياوخيتي ويطلع وسام انسان شهم ويفهم ظرفك ويقدرك
شافت حنين جت جتب وذنها وبصوت عالي : نووووووووضيييييييي وهربت تجري
حنين من جت مصبيه من الرعشه والله يافرخه نور لقعادني قاتلتك(angry)(angry)
وقعدت تجري ورها لفت امها في الممرر ترفع في صفره لغدي لبوهم خيرك نايضه هايجه بسم الله عليك
حنين : هدي الفرخه نور بتجيب اخرتي كان نجلطت منها يامامااا وااااااااو ديما رعايش ديما رعايش(cry)(cry)(cry)(cry)
الام توا نهزبها خلاص يابينتي امشي صلي ركعتين الضحى بيش تمشي منك الرعشه
حنين حاضر حاضر بس والله مزال اديرها ماحد حيشدتي عليها حتى بويا(scream)
الام : ماشي ماشي غير استهدي بالله دير زي ماقتلك حولي من قدامي خليني منرفع الصفره
حنين: مشت وهيا تتأفئف وخشت للحمام
ابو ساره: خيرهم بناتك صوتهم عالي
الام : هدي نور مرعشه اختها وهيا راقده كلا هيا بكل رايحه يا شاده حنين ياشاده ساره
أبو ساره : ربي يحفظهم ليعض خوات مهما دارو تو يتصالحو يا حليلها دكرتني بروحي زمان اني وخوتي ههههه
الام:الله ع قلبك لحنين يا علي بس ليش متحنش ع مها بس
الاب ناض من ع الصفره وعصب: الموضوع هدا معاش تجيب سيرته بنتك ادلعت لين فسدت 25سنه وتقول منبيش نجوز وبلا سبب دوري راجل زيي تي اني وصلت بيا سالتها لو تبي حد وتقوللي حن شي مزال بعد هكي اااااه بس والله لو صار ودارت شي في عرسها ماني مسامحها طول عمري وطلع برا وسكر الباب بكل قوته
جوري واريج جن يجرن لامهن :شي صاير خيرا بابا متغدي بكري وليش حامق
الأم تنهدت :بعدن خلني نرفع الصفره بعدن
نور طلع من تحت الطاولة معاش من يرفع الصفره غيري ياطمطم
أم ساره ماشي اني بنريح ربع ساعه ونجيكن
نور سمعت يوها وكان معاه حق مها عمرها ماقالت انا عريس في حاجه مش عجبتها ديما منبيش نزوج وكان ناقشوها تقعد تبكي بالعبره ومتباش تحكي السبب
نور خشت للمطبخ لقت مها مقمعزه تفطر :صباح الورد مهوش
مها ابتسمت والتعب واضح عليها : صباح النور نويره
نور بجديه : احم احم ... مها كلمتي وسام في للموضوع
مها نزلت عيونها لوطا وتنهدت: حكيت حكيت بس مباش مباش نور موافقش ،بدت تبكي ليش يانور هكي هما مانبيش نتزوح نكره الرجاله منبيييييسش
نور دمعتها تزلت ع حال اختها:طيب ليش يا مها ليش
مها بدت تبكي بشكل هستيري هكي هكيييي محد يسئلني اني هكي من ربي
نور تعنقت اختها :خلاص مها خلاص حبيبتي هدي ماخليش امي تسمعك سادها اللي فيها
مها ناضت تجري لدارها رمت روحها ودفنت راسها في مخدتها شي متحكي شي منقووووول ياااربي ساعدني ياربي كنت صغييييره منعرفش شييي ااااااه
......يتبع
الكاتبه :نور أحمد
