#لعبة_القدر
💕بقلمي _ Princess Shosho💕شهد الراوي
🎀🎀
البارت السابع,, وراح يكون بدايه الجزء,الثاني من الحاظر ...
راما بعد الحادثة الي صارت فقدت اني وصرت شبه المجنونة من كالولي مات رامي ورجعو اهلي لبغداد وماخلو طبيب عدة مرات حاولت انتحر بس مافاد جنت كارهة حياتي وكرهت اهلي وابوي الي مابي رحمه خلاني ادفع ثمن اغلاط العشيرة وماحن كلبه علية ,,,بعد سنة من الحادثة ابوي زوجني لابن عمي غصب وصار عندي منه ولد وطبعا رامي ابد ماراح من بالي حب حياتي ,,, ويومية اذكره واذكر وصيته وخصوصا من كال,,طلب عندي اذا مرخوص سمي ابنك مثل اسمي,,,, اووووف يادنيا شسويتي بية شفت اغلى شي بحياتي,ينهي حياته كدامي ,,,ع العموم تزوجت واجاني ولد وسميته رامي محد اعترض طبعا زوجي فد انسان حقير وميخاف الله يظرب ويشرب وابو بنات ولاعبالك عنده ولد او مرة مجرد اسم رجال بالبيت بعد ماكبر رامي وصار عمره 19 سنة توفى ابوه طبعا اغتالو المسلحين اني خفت ع ابني وقررت ارجع للبستان قريب اهلي صح اني حاقدة عليهم بس اخاف ع ابني وقررت ارجع لذاك المكان المشؤؤؤم ,,رامي بعد الحادثة دخلت بغيبوبة واهلي نطو معلومات انو اني متت,حتى تفض الاشكالات بقيت بالغيبوبة 5اشهر ماعرف بالدنيا شكو بعد ماصحيت منها اول ماسالت ع الحب مالتي,كالو اتزوجت وراحت سكنت بغداد اني سكتت وعرفت الله ماكاتب النا نصيب جان القدر اقوى مننا وقسى علينا هواية قررت اسافر خارج العراق وبقيت مدة سنة ورجعت شفت الوالد تعبان وطلب مني,اتزوج لان خايف من الموت ومايفرح بية اني وافقت بس اكو حسرة بكلبي اوووووف ,,قررت امي تخطبلي وفعلا خطبت بنت عمي وجانت بنية كلش حبابة وتخاف الله بعد اشهر زوجتي صارت حامل فرحت بس كل هذا اني ماناسي, بت كلبي, قربت ايام ولادة زوجتي وجانت كلش,تعبانة رحنا للمستشفى طببوها للعمليات وطلعت الممرضة كالت الف مبروك اجتكم بنوتة تخبل بس للاسف فقدنا الوالدة اني هنا اسودت الدنيا بعيني وماعرف شكول شفرح بنتي لو احزن لان تيمت حتى قبل لاتشوف امها ومن هنا بدت معانتي من جديد سميت بنتي راما وربيتها اني والدتي وعيشتها ملكة وهي اغلى شي بحياتي مافكرت اتزوج ابد خفت ع راما لاتتاذى كبرت راما وكبرت وياها وصار عمرها 17سنة وطبعا بنوتي كلش حلوة ومغرورة مثلي ☺
