عقبات حياتي

😇 الفكرة 😉

بعد ما فاتت هاديك ليلة و الام وصات بناتها وزاد جواد حذرهم مليح... لبنات بعدو ڨاع على لميليو تاع لولاد ...و فاتت ٥ اشهر منلجامعة لدار و العكس و لخرجات مع الام ولا جواد ... جات عطلة الصيف و لبنات ڨاعدين فدار و كارهين .. غي لكونيكسيون لي مبدلة عليهم الجو

فرح : رهف راها جايتني ايدي فونتاستيك 😈
رهف : انا ليزيدي تاوعك ڨاع مايعجبونيش 😂
فرح : اسمعيها و مبعد حلي فمك 😒
رهف : ڨولي😁
فرح : علاه ما نڨولوش لپاپا يكريلنا فلبحر سيمانة نفوتوها غاااية 😇
رهف : ههههههههه قتلتيني بضحك 😂
فرح : بفففففف نتي ڨاع مشي مليح لواحد يحكي معاك 😤
رهف : باينة مايبغيش 😒
فرح : علااه يا لالة .. ياك رانا معاه 😜
رهف : مادابيا انا سيي ڨوليله 😊
فرح : مهبوولة نتيي نڨوله انا 😒
رهف : ملا شكون يڨوله😒 ... وقيلا راكي تخمي انا نڨوله ؟
فرح : نووو .. نڨولو لماما تڨوله 😒
رهف : و يلا ڨاله جواد هاديك ڨااع حاجة وحدووخرة سييغ يڨولنا واه😏
فرح : ارواحي نهودو عند ماما 😎

جاو مهودين سمعو جواد يحكي فتيليفون ڨدمو و بداو يسمعو فيه يهدر و يتمعشق 😮... فرح بدات تضحك😂 و رهف تسكت فيها حتى خرجلهم جواد دخلهم و بلع لباب

جواد : شااا سمعتووو ؟😡
رهف : سمعنا كلشييييي 😏
فرح : هااكااا عندك حبيبة و متڨولناش 😮
رهف : و انا كنت نڨول جواد ڨاع ما يخبيش علينا 😧
جواد : متحوسوش علياا😒 .. ديجا انا راجل ندير لي نبغي 😑
فرح : صحا ڨولي شكون هادييي ؟؟؟😏
رهف : شااابة ؟؟😏
جواد : نتوما في ميزكم انا نهدر مع وحدة مشي شابة 😎
رهف : ااااا كل شئ ممكن 😌
جواد : على الاقل شابة عليك 😒
رهف : ااا بون ؟؟؟
فرح : هههههه😂 ... جواد خويااا شاراه في ڨلبك ليوم نديرلك عشا 😇
جواد : محاااجب 🍲
رهف : انا تاننيييي 😍
فرح : اسكتي نتي دايما صوالح في قلبك 😒
جواد : خفي نطقي شا خصك بااينا خصك حاجة 😒
فرح : نموت عليك خويا كي تفهمني😇
رهف : شوف جواد (.....حكاتله ......)
جواد : امممم سما راكم باغيين انا نڨوله ؟؟😐
فرح : واه 🙏
جواد : باش ديرو كارثة كيما تاع لعرس 🙍
رهف : صاايي جواد بركا من هاد لهدرة والله ملينا😖
جواد : اوكي مبعدا نشوف 🙍
فرح : شااا تشووف ؟!؟ نووو حمبوك ڨوله🙇
جواد : اوكي اوكي😌

زادو نزلو لبنات دارو نتواياج لدار (كي لعادة لازم يشيتو باش يدو صوالحهم )

فرح : يادرا ماما دار رجعناها تشعل 😁
الام : يعطيكم الصحة 😍
رهف : ميغسي ماميتو 😄
فرح : ماما راني باغية نڨولك حاجة 😇
الام : باااينة راني نقارع في هاد لجملة 😆
رهف : ههههههه يا عمرييي كي تفهمنااا 😅
الام : انا تاع تنقو دار بلا ما نڨولكم دايما نشك فيها
فرح : ماما حمبوك هدريلنا مع پاپا يدينا يكريلنا فلبحر 😊
الام : وااااللووووو مادخلونيش في صوالحكم😨 .. ڨاع ماننساش نهار لعرس تاع صحبتكم رجع ڨاع لوم فيا 😥
فرح : بصح فاتت ماما صاييي حمبووك 😧
الام : لااا روحو عنده و ڨولوله نتوما انا ماكان ما دخلني 😣
رهف : ماماااا حمبووك😥
الام : افففففففف😤 ... مبعدا نشوف شا نڨوله😩 .. مي توقعو مايوافقش 😐
فرح : يوافق يوافق ماما ياك بغي يكون معانا 😉

جا نازل جواد و شاف في فرح

جواد : لمحاجب ما نسيتهمش😑
فرح : ماكانش مشكل عمريي رهف ديرهم شابيين 😅
رهف : وييين وييين 😒... نتي ديريله انا خاطيني
جواد : انا نعرف كي نجي نلقا محاجب ولا خطتكم ماتمشيش 😏
فرح : متخممش ڨاع كي تجي تاكل محاجب😋
الام : تسما راكم مخطين لكلشي 😮
رهف : هههههه ماما نموت عليك😘
فرح : هيا رهف نوضي ديري شوية محاجب لخوك😊
رهف : منعرفش نتي ديري 😑
فرح : دوقيي حبة نقتلك 😠
رهف : ماتخميش انا نغسل ماعين 😉
فرح : ممممم ايا اوكييي هههه 😄
الام : ياربييي رجعلهم عقلهم في راسهم 😌
فرح و رهف : ااامييين 😂

فاتت هاديك ليلة بعد ما جواد ڨال لپاپاه على لبحر و زادت ڨاتله الام ڨالهم خلوني نخمم فيها هاد ليلة .. باتت رهف و فرح يصلو في قيام ليل باش يوافقهم ... صباح ناضو مجمعين على مائدة القهوة...

( يتبع ...... )

=======================
عجبكم لبارت ؟؟؟
رايكم في القادم