عقبات حياتي

😨 غرق ؟ 😲

كي رهف ڨالت جواد تم تم فرح بدات تحوس على جواد بعينيها مالقاتهش 😨

فرح : وياااا جواد وين رااه ؟؟ 😱
رهف : اجري اجري😲

فرح و رهف خلاو كلشي و راحو يجرو😰 كي وصلو في هاديك زحمة شافو جواد متغاشي و ميتناجار مع واحد يديروله ماساج كاردياك باش يفطن😲 .. فرح اغمى عليها من المنظر وحد ناس ڨعدو ينوضو فيها😵

رهف : جوااااااادد 😨

راحت تجري عنده .. بعدها الميتناجار و ڨعد يواصل الماساج تاعه حتى هاداك الشخص لي كان يساعد فالميتناجار بدا يسقسي في رهف

..... : تعرفيييه ؟؟؟😓
رهف : هادا خونا 😧 ( ودارت عند فرح لقاتها طايحة في لرض راحت تنوضها 😥)
..... : متخافيش متخافيش دوك نشالله يريبوندي😓
رهف : علاااه طول ما ريبوندااش متڨولييش خوياا مااات😭😭 ( حتى ناضت فرح و حكمتها هيستيريا تاع بكاء😭😭😭😭 )
.... : لا نشاء الله ما يكون غي لخييير 😫

بعد شوية حتى بدا جواد يسعل و يتقيا😫 .. راحت عنده فرح بدات تطمأن علييه و هو مشي منجم يهدر🙇 .. حتى جا الاب و الام يجرو وخايفيين لقاو جواد مجمع و يسعل و راسه يوجعه😰 ... رفده الاب و طلعو ڨاع لدار كي وصلو ڨعدو يطمنو على جواد اذا راه بخير 😷

الاب : اوووه نسينا صوالح فطابلة نشاء الله ما يكونوش داوهم 😥
الام : روحي رهف بنتي جيبيهم و طلعي بلخف مطوليش 😐
رهف : اوكي اوكييي 😇

راحت رهف لطابلة لي كانو فيها لقات هاداك لولد لي كان يساعد فلميتناجار و واحد معاه

رهف : سلاام ... هاذي طابلتنا كنا ڨاعدين هنا ... منيش غالطة 😅
..... : ههه لا ماراكيش غالطة 😄.. بغيت نعاونكم نطلعلكم صوالحكم لدار سيتو 😇
رهف : ااااه شكرااا ربي يحفظك 😊
..... : انا يحيى و هذا ولد خالتي محمد لي نوض ختكم كي اغمى عليها 😁
رهف : معرفة خيير 😃.. انا رهف
يحيى : متشرفين رهف .. يادرا خوك تحسن شوية
رهف : وي الحمد لله .... سمحولي انا طولت لازم نروح دروك لدار 😅
يحيى : ممكن تعطينا حاجة نتواصلو معاك بيها باش نطمئن على خوك و الله دخلي في قلبي 😊
رهف : مممم عندي فايس ****** 😳
يحيى : اوكي مغسيي ... 😇
محمد : نعاونوك نطلعو معاك لحوايج 😃
رهف : لالا شكرا نجم نطلعهم وحديي😄
محمد :لالا انا نطلعهم ڨاع متغبنيش روحك 😊

طلعو يتمشو محمد و يحيى رافدين معاها صوالح و هيا تمشي قدامهم .. كي وصلو عند لباب

رهف : صايي هناا ... شكرا و الله ماراني عارفة كيفاش نجازيكم 😳
يحيى : ههههه اكسيبتيني غي فلفايس بزااف علياا
رهف : ههههه اوكي 😉

حتى فتح الاب لباب و هوما كانو نازلين ... تفاجأت رهف و خااافت منه .. دخلت و كانها ما دارت والو و الاب خرج يشري

رهف (في قلبها ) : يااا ربي ما يكونش سمعنا ياااربيييي 🙏
فرح : مالكي تخمييي .. هادي باينة درتي حاجة 😏
رهف : اسكتي منبعد نحكيلك 🙇
الام : صاااي جيتييي رهف ؟؟؟ علاه طولتي😐
رهف : لالا غي صوالح جاوني ثقال 😅

حتى دخل الاب ... رهف منجمتش تشوف فيه بلخوف 😟
الاب : جاوك تقال لحوايج ؟؟😑
رهف : شوية 😫
الاب : ماعليش 😐
رهف ( في قلبها ) : اووووووه الحمد لله 😰

فاتت هاديك لعشية ڨااع مهتمين ب جواد و مبعد تعشاو و الام رقدت مع جواد  هههه ديرونجاته پاسكو رغد كلات تيليفون بليزاپال  و الاب وحده و لبنات ڨعدو في بلايسهم يكونيكتو

رهف : هههههه رسلي انڤيطاسيون 😁
فرح : رههففف حمبوووك خطينا ملولااد شفتي شا صرالنا هاداك نهار 😤
رهف : اسكتيييي والله يلا شباب عندكي پروفيل تاعه😏
فرح : شكون هادا 😏
رهف : هاداك لي كان يدير لماساج لجواد 😅
فرح : كنت لاهيتله انااا 😒.. منيش عاقلة عليه
رهف : نأكسيبتيه يااك ؟؟ هو لي رفد معايا صوالح و وصلهم لدار مع ولد خالته
فرح : تصرالك كاش حاجة انا خاطينييييي 🙍
رهف : اسكتي خوافة 😌

اكسيبتات رهف الانڤيطاسيون حتى وصلهاا ميساج

يحيى : راني مساع نقارعلك تاكسيبتي وين كنتيي ؟؟😅
رهف : ديزولي هادا وين نجمت ندخل 😇
يحيى : اوكي اوكي ماعليش .... يادرا خوك ريح شوية ؟؟
رهف : وي لحمد لله راه مليح مي راسه راه يوجعه
يحيى : واه هاديك عاديي باسكو شرب بزاف لما .. ولبحر راه فيه توغبيون
رهف : ويي حسيت بيه يجبد كي دخلت
يحيى : وااه ... المهم انا مانطولش عليك علابالي راكي عيانة
رهف : ههههه وي عينيا راهم يتغلقو
يحيى : ايا بسلامة
رهف : بونوي

فرح : شا ڨالك ؟؟؟
رهف : غي سقساني على جواد و قالي سينوغمال راسه يدره 😇
فرح : اااه اوكي 😌
رهف : مي نڨولك حاجة يااا فرح ختييي عنده وحد لميلكا في كرشه ڨغاااڤ 😍
فرح : هههههه تموتي على تكحاال 😂
رهف : هههه كي نزلت و شفتهم في طبلتنا ما عرفتش بلي هاديك هي طابلتنا تمشيت على هاديك طريق ربعخطرات 😂
فرح : ههههه اياا ؟😆
رهف : و مبعد رحت عندهم شفت واحد لابس شورت نواغ و ملفوق عريان مي باينة سبورتيف الله يبارك و شعره طايح على وجهه هاداك يحيى لي رسلي انڤي .. و معاه واحد قالي ولد خالتي سموه محمد يبان كيفه فالسن بلاك يكون عندهم 25 . 26 هاكا تاني لابس شورت و ملفوق خادم لكور و شعره شباب😍
فرح : وعندهم لحيااا😮
رهف : وااه لزووج 😻😻
فرح : هههههه ايا مليييح ... المهم دوك رڨدي و متحلميش بزااف 😂
رهف : هههه تصبحي بخير 😇
فرح : بسلامة 😊

( يتبع .... )

======================
يادرا كي بانلكم هاد لپارت ؟؟
رايكم في القادم