#رغبات_لاأكثر 4
ديانا:مامي خلي نروح ويا بيت عمي للمزرعة بلكي هناك اتقرب من كرم ويتزوجني واروح اعيش وياه بتركيا
أم قاسم : اول مرة تحجين سالفة براسها خير هسة اخابر ابوج يضبط الطلعة شفتي صور الشقة اللي مشترينها تخبل المنطقة راح نروحله بالعطلة ويا مرت عمج ومنا لذاك الوكت راح تصيرين خطيبته رسمي.
أديبة : هاي خلصتلج الدشاديش جبتيلي اللي وصيتج عليها من يم سيد
أم غايب: اي شكد حلوات راح ابيعها هالمرة بسعر زين والله السيد مسافر رايح للعمره بس يرجع تدللين اكولج أديبة قبل شهرين من جيتكم شفت حنين شنو رايج الكيلها رجال يسترها وهم اخوج يرتاح من مسؤوليتها
أديبة: والله شكولج ام غايب أخويه مهدود حيله وفقير كلش بس أمها متريد تزوجها وهي عيني تريد تتخرج وتتعين عبالها الحكومة واكفه عليها
أم سهام : سمعت من الباب ام غايب تريد تزوج حنين خاتون لعد بنتي شبيها طلعت كدام الباب انتظرتها تطلع لزمتها اوكفي خالي عندي جم كلمة وياجjust me
أم غايب : يالله أم سهام كولي شعندج ولو زعلانه منج خايبة جيتكم مضيفتيني بفنجان كهوة
ام سهام : سمعتج تدورين عروسة وتريدين حنين مو عيب منج لعد بنتي شبيها مو اني دايما اخذ منج غراض وامدح بيها يم النسوان يا يوم أم حنين اشترت او اخذت منج شي كلش عتبانه عليج
أم غايب : دولي خايبة مو قبل فترة كلتي بنتي صغيرة ومازوجها وصيتي على حنين لو جان تمثيل منج اويلي عليكم امهات السحورة متقعدون راحة تردين تزوجين سهام بنتج وهالقمر كدامها موجود بالبيت .
أم سهام : لعد شسوي دبريني عيني البنية دتكبر خاف محد ياخذها يوميه يجون خطابة وميرجعون اكيد ساحرين بنتي
أم غايب : اي مو بنتج ملكة جمال العالم حتى يسحروها خلي ازوج حنين تروح من كدامها راح أزوجها لأحسن واحد عندي بعد شتريدين تدللين حبيبه وهلله هلله 💸 متنسينه من ازوجها.
قاسم : صدك تخبل المنطقة كلش حلوة والله هالاسبوع ارتاحيت أهواية هنيالك ضلعي على هالشقة يومية تتونس ويا حورية من اللي يحبها كلبك شنو هالموظفات عبالك مطلعيهم من علب الجكليت واللي يمنه فوك ماهيه جكمة وشايله خشمها ومتنطي وجهه وتعال اتزوجني على شنو اتزوجج بابه روحي شوفي نفسج بالمرايه هههههه
كرم : أستغفرالله صرت اخاف منك حاسدني على الاكو والماكو وينها الحورية متكولي كوة نحصل وحدة نظيفة امشي نروح للنادي نتونس باجر راح نرجع راح أخليك تنسى نفسك الليلة ادللك دلال ولو متستاهل خابرت سيد احنا راح نطلع قبلك ننتظرك مع السلامة .
قاسم : والله هذا سيد مخبلني كل فترة ويتزوج منين يجيبهم ماعرف
كرم : من امهات السحورة اللي يروحون يم ابوه يسويلهم خزعبلات فهمه مستفادين منهم ماديا ومعنويا
